مشكلة بالقير بعد تغيير الطبة حقت الراديتر , لاندكروزر 2008

[Fmejrad]

السلام عليكم ورحمة الله وبركاته ..

اخواني , حصل عندي تهريب في طبة الراديتر العلوية ورحت اغيرها بالصناعية
واشتريت الطبة اصلية وغيرناها ورجعنا كل شي زي ماكان ولله الحمد بدون مشاكل .

لكن اول ماطلعت من الورشة لاحظت شغله غريبه بالموتر الا وهي :-

اذا كنت مهدي ودعستي خفيفه للموتر تجي رجة قوية بالسيارة بشكل مو طبيعي عند سرعة معينة من 50 الى 60 وتختفي وترجع على سرعة 80 الى 90 لكن اخف من اول
وطبعا اذا كان القير على الـ D , لكن لما احول القير على التوبترونك تختفي تماماً , او اذا زدت دعسة البانزين شوي .

طبعا هالمشكلة سبق وصارت معي على سيارتين ( همر H2 + دينالي 2007 ) وجلست يومين واختفت تماماً , لكن بموتري اللاند طولت والحين لها 3 ايام .

مع العلم ان عند فك الراديتر نزل شي بسيط من زيت القير من المبرد ورحت عايرت زيت القير وقالي تمام مايحتاج تزوده .

وش الحل تتوقعون ؟ موتري جس اكس 6 سلندر 2008 .

والله يجزاكم كل خير

[جيب ربع]

تأكد من الزيت حق القير ( أكيد ناقص)

[cadillac911]

متى اخر مره غيرت الزيت وكم ماشي عليه


Liverpool for ever

[يالبى الهلا]

فعلاً تأكد من مستوى الزيت القير لايكون ناقص لأن المشكلة هذي من الطنجرة الزيت

[اول 9099]

هذي طنجرة القير حصلت لي وغيرتها بتكلفة ٥٠٠٠ ريال (قطع واجور يد ) عند العضيب

[اول 9099]

موتري فيكسار ٢٠٠٩ ماشي ١٤٠الف يوم اغيرها

[سقم المعادي 1]

الزيت اللي يطلع من الرديتر ما اتوقع له دخل بالمشكله انا غيرت الطبه وطلع زيت قير شوي والحمد لله مافيه خلاف

[أحمد محمد1429]

ياليت تغير زيت القير ولا تحرص تمشي عليه أخاف دخل مويه في مواسير زيت القير وهذي تحصل كثير فيا ليت من الأخوان ينتبهوا عند الشغل في الأديتر إذا تبريد القير مرتبط فيه.. يجب تسكير فتحات الزيت بسدات نحاسيه سنه وليس كبس ثم البدء بالعمل في الأديتر

[البددر99]

اخوي انا عندي جيب 2008 vxr صلحت الراديتر وصارت معي نفس المشكله من طلعت من الورشه لاحظت عند تبديل الغيارات رجه كانك تمشي على عيون القطط
ولا ادري كيف الحل الميكانيكي يقول نحاول نسحب الزيت على مراحل وان شاء الله تروح مع الوقت ولسى لي 4 ايام ماراحت مع العلم اني اظفت 4 لتر ومشيت وسحبت 4 لتر عشان ينظف وماتغير شي
لو تلقى حل لاتبخل علي تكفى

[يالبى الهلا]

لابد م̷ـــِْن فك القير وتفريغ الطنجرة وتنظيفها ويرجع الموتر وكالة اما استبال الزيت بالكرتير لايفي بالغرض لان الطنجرة تاخذ زيت اكثر م̷ـــِْن الكرتير واتكد م̷ـــِْن الصوف ممكن تهرب بدلها افضل كلها

[يالبى الهلا]

كان عندي نفس المشكلة تتفتف حت قريب يطفي والقير أإأذأإأ شديت تاخر النمرة ويعشق مع نتعة ومع عدم صفاوة المكينة وصوت الشكمان يتفت وليس صافي وااخرشي انفقعت الصوفة اللي بين القير فاضطريت الي فك القبر مع تنظيف الطنجرة وتغيير جميع الصوف اربع صوف

[ابوراكان تبوك]

الرجه من طنجرة القير

يا الزيت قليل او كثير او الفلتر ماهو مضبوط

[احمد النزهه]

غيز زيت القير والفلتر وركب مبرد خخارجي 30الف وحده وانسى القير وحرارته ثم سو تمرين للزيت
يعني لاتسىع امش عليه 70 80 وبإدين عاير القير زيتته تدعيلي

[البددر99]

اخواني السلام عليكم ورحمة الله وبركاته
بدلت زيت القير التبديله الثانيه سحبت 4 لتر واضفت 4 ليتر والرجه اختفت وماادري هل ترجع والا لا
لكن كلام الميكانيكي طلع صحيح ومااخذ مني ولا ريال واحد
اتمنى انكم تستفيدون من التجربه وراح ابلغكم بالجديد
جيبيي 2008 في اكس