ابو ياسر طريف
24/07/2014, 05:13 AM
بسم الله الرحمن الرحيم
مساكم الله بالخير
قبل سنتين كنا قنوص في منطقه اسمها الرويشد بالاردن وكنا جالسين واتصل فينا خوينا يسأل عن المقناص والاوضاع فجاربته بهالابيات المتواضعه وحبيت اشارككم فيها
يأبو سند وان كان تنشد عن الحال
جاك الخبر والعلم علم يقينا
من فضل ربي حالنا يشرح البال
ما باقي الا يالسنافي تجينا
منزالنا يفرق على كل منزال
سبحانه اللي دلنا واهتدينا
بحذا شعيب القصب لا عرض الجال
بأم القشيط ان عرجت لليمينا
ومقناصنا عنقا على سوح نزال
والقصب والمحميه اليا اشتهينا
وندوج بالمصلخ واذا وقتنا طال
جينا على الناقه متى مابغينا
وجينا القراريه على ذيك الاسهال
والشيخ وبرجم المجامع رقينا
الصيد واجد والرمي دوم شغال
واليا رمينا نذبح اللي رمينا
أرنب وقمريه على اقفاي وإقبال
هذي كليناها وهذي لقينا
واللي معي خيرة مداغيش ورجال
اللي لهم فعلن وهرجن ثمينا
خوينا دايم وهو طيب الفال
ونصير له عن ضيم الايام مينا
نموت مانحمل من الغل مثقال
و لجل الوفا نصبر وتبذل يدينا
واليوم يا فرحان هذا هو الحال
ان طعتني عجل وروح علينا
وسلامتكم جميع
الشاعر / صالح حمدان الطرفاوي
الحدود الشماليه طريف
مساكم الله بالخير
قبل سنتين كنا قنوص في منطقه اسمها الرويشد بالاردن وكنا جالسين واتصل فينا خوينا يسأل عن المقناص والاوضاع فجاربته بهالابيات المتواضعه وحبيت اشارككم فيها
يأبو سند وان كان تنشد عن الحال
جاك الخبر والعلم علم يقينا
من فضل ربي حالنا يشرح البال
ما باقي الا يالسنافي تجينا
منزالنا يفرق على كل منزال
سبحانه اللي دلنا واهتدينا
بحذا شعيب القصب لا عرض الجال
بأم القشيط ان عرجت لليمينا
ومقناصنا عنقا على سوح نزال
والقصب والمحميه اليا اشتهينا
وندوج بالمصلخ واذا وقتنا طال
جينا على الناقه متى مابغينا
وجينا القراريه على ذيك الاسهال
والشيخ وبرجم المجامع رقينا
الصيد واجد والرمي دوم شغال
واليا رمينا نذبح اللي رمينا
أرنب وقمريه على اقفاي وإقبال
هذي كليناها وهذي لقينا
واللي معي خيرة مداغيش ورجال
اللي لهم فعلن وهرجن ثمينا
خوينا دايم وهو طيب الفال
ونصير له عن ضيم الايام مينا
نموت مانحمل من الغل مثقال
و لجل الوفا نصبر وتبذل يدينا
واليوم يا فرحان هذا هو الحال
ان طعتني عجل وروح علينا
وسلامتكم جميع
الشاعر / صالح حمدان الطرفاوي
الحدود الشماليه طريف