طرمبة الزيت..كيف تتأكد إنها تالفة

[فنن الوجد]

السلام عليكم ورحمة الله وبركاته. ..

معي فورد 2005 ..
أمس لاحظت أنبير الزيت يلعب وأنا أمشي ..

فحصت الزيت ولقيته ناقص ..غيرته وغيرت فلتر الزيت

و ﻻ زال يلعب أنبير الزيت ..

وﻻحظت إن السيارة إذا شغلتها تطقطق شوي ثم تروح الطقطقة. .
لكن إذا أنا أمشي ونزل الأنبير تحت مرة ما تطقطق..

هل المشكلة من الطرمبة؟
هل ممكن تكون المشكلة من غير الطرمبة؟ - يعني مأسورة تنسد أو فتحة أو ربلة -
وكيف أفحص الطرمبة بحيث أتاكد إنها خربانه.؟

[ريان2002]

على حد علمي البسيط
إذا كان الأمبير يلعب وماهو ثابت مره فوق ومره تحت فحساس طرمبة الزيت هو اللي عطلان
وإذا كان الأمبير ثابت بشكل غير طبيعي بمعنى طلع فوق ولا عاد نزل إو نزل ولا عاد طلع فالأمبير هو اللي خربان
الطقطقه اللي مع بداية التشغيل أغلب أهل الأمريكي يشكون منها وأنا منهم وتعودت عليها
بشكل عام ومن خلال طرحك أتوقع بنسبه كبيره إن الطرمبه والمواصير سليمه وغالبا الحساس خربان
والله يسهل أمرك

[رفيع المقام]

وعليكم السلام ورحمة الله وبركاته

أخي الكريم

إذا كان يرافق حركة أمبير الزيت ، طقطقه بالمكينه ، هنا نقول أن طرمبة الزيت تحتاج تغيير ..

أما إذا كان الأمبير يلعب لحاله دون سماع صوت طقطقه بالمكينه فهذا من الحساس يحتاج تغيير او فيشه منفصل او سلكه منجرح .. الاحتمالات وارده .


ومكان الحساس بجانب سيفون الزيت بالضبط ...

[فنن الوجد]

شكرا على ردكم أخ ريان و أخ رفيع المقام ..


بالنسبة الطقطقة ما أسمعه إلا بعض الأحيان وقت التشغيل وتروح إذا أرفع أنبير الزيت ..
لكن وأنا أمشي إذا نزل الأنبير ما أسمع طقطقة. .

لكن كيف أفحص الطرمبة بحيث إني أتاكد إنها خربانه..
ﻷني شفت الحساس موجود و فيشه موصل..