خرازة برنو طويله رايكم فيها

[الجدي2010]

السلام عليكم ورحمة الله وبركاته
صباح الخير / مساء الخير
س/ يالرفع وش هي من لحية البرنو مكتوب عليها زكم ولا يوجد عليها كلمة برنو وهي تشيكية طويله وزنادها مذهب ولم يكتب عليها جاكور وفيها ختم واحد ختم البرنو المعروف جنب المديل والمديل 96

رايكم فيها يا أهل الخبرة

[ذاكرة الغيم]

خذها ولا تشاور

[الجدي2010]

يعطيك العافية أخوي ذاكرة الغيم ولك مني جزيل الشكر

ونبي رأي الجميع للفائدة

لأن البرنو يجي منها قصيرة وطويلة وتجي
بدون ختم ومنقوش عليها كلمة برنو القصير الطويلة لا أعلم
وتجي بدون ختم ولا عليها كلمة برنو فقط ZKM
وتجي ختم
وتجي ختمين
وتجي ثلاث ختوم


لكن طويلة وزنادها مذهب ولا هي جاكور مدري عنها لكن سوقها طيب ودقيقة هذا اللي أبي رايكم عنها

أنا كان عندي برنو منقوش عليها برنو ومديلها 96 بدون ختوم بس علامة شركة البرنو بجانب الموديل وأظنه يحسب ختم وخذت عندي ما يقارب ١١ وشاء الله وبعتها

[ابوصالح3]

هذي جاكورخذها بدون تردد ,,والله يعطيك من خيرها ويكفيك شرها

وحتى لوماهو مكتوب عليها جاكور خذها

[أبوصالح9]

مادام عليها ختم البرنو - خذها ولا تشاور - واذا على الدقة والصواب انت الحكم مهب حنا - وش رايك لو اعطيك برنو اصلية جديدة من كرتونها واعفط ماصورتها واعطيك اياها وتصورها وتستشير الناس - اكيد الجواب بيقولون خذها - لكن تدري عن رميها وصوابها اكيد لأ- زبدة الحتسي البندق اذا ماعليها خلاف ولا فيه شي يعيبها ورميها دقيق خذها ولاعليك من نوعها او اصدارها - الا في حاله وحده اذا تشوف انها مرهمة بالحاله هذي انا انصحك بالابتعاد وفالك الشحم وأطيب اللحم

[الجدي2010]

تسلم أبو صالح9 على رأيك والله يجعك فلك الجنة وبالدنيا السعادة وكل خير
لا بالله بالخرازة لا مرهمه ولا فيها عيب
ولك مني وللجميع خالص التقدير والإحترام

[محمد ابن عيد]

..
حياك الله ي الغالي
خذها ولا تشاور
و تاكل من صيدها

[سلطان المقناص]

فالك القمري

[ابوتركي122]

الله يبارك لك فيها ويعطيك خيرها ويكفيك شرها

[y.alharbi]

والله يالربع الغش واجد هالايام كل البنادق بانواعها صار يجي لها نفس النوع والشكل ولاكن تقليد نفس الخرازه البرنو المعروفه صار يجي لها تقليد والشوارن كذلك ولاكن عسى الله يرحمنا برحمته وبالتوفيق للجميع ...

[ابو سفيان]

طيب عندي لك سؤال
التمتير كم اخر شي
الي هو المشاف
الخرازات العاديه مشافها او التمتير تبعها ٢٥٠
الجاكور ٣٠٠
والسوبر جاكور ٣٥٠
انت شوف مشافها كم ونفيدك

[المتلولس]

الجاكور ممتازة مثل العاديه ومن ناحية الصناعة معروف ان الخرازة التشكيه نوعين زكم وبرنو وكلهن ممتازات