صوت في الكارونه الأماميه للجي اكس ار

[Land666]

اخواني السلام عليكم عندي صوت حنه اول ماامشي من العشرين الا الستين بعدين يروح وانا اشك انه الكارونه طبعاً gxrموديل 2009الأماميه 8سلندر المهم الله يجزاكم خير وش رايكم اركب فراراة وينقطع الصوت ولا افك عمود الدبل تكفون الي عنده معلومه لايبخل علي تقبل الله صالح اعمالكم ويوفقكم يارب


تم الإرسال بواسطة iPhone بإستخدام Tapatalk

[Land666]

معليش ياخوان السياره اوتماتك


تم الإرسال بواسطة iPhone بإستخدام Tapatalk

[ابوحمود دتس]

شف يالغالي يمكن يكون معلق الدبل معك لنهن كثير يعلقن
لاكن الافضل انك ياتركب تحضيره ام تفك العمود
ومرعلى الصناعية يبين المشكلة. والله الموفق

[فتك08]

موترك مافيه كارونة أبدا
اللي فيه فليورات(عكوس)
شيك على رمان الكفرات الأمامية لايكون أحدها مرتخي أو محجر

[ابوراكان تبوك]

موترك مافيه كارونة أبدا
اللي فيه فليورات(عكوس)
شيك على رمان الكفرات الأمامية لايكون أحدها مرتخي أو محجر

فيه كرونه يا اخي


للتوضيح فقط

الفرق هو

جميع اللندكروزر فيها دفرنس امامي

وهو نوعان

الاول دفرنس محور صلب مثل الديزل ومثل الاندروزر موديل 97 فمادون
الثاني وهو دفرنس فري وويل (معناها كفر حر )

من موديل 98 وما فوق اتي في نظام البنزين دفرنس فري وويل يعني الكرونه ثابته بالسيارة ولا تتحرك الا حركه مقيده جدا جدا جدا وكل الحركه في المطبات على العكوس وهذي الطريقه فيها ان كل كفر يمشي لوحده ولوقدر الله صار حادث يتضرر الكفر المصاب فقط عكس المحور الصلب يتضرر كلا الكفرين من الحوادث . ويكون اخف في المشي من الدفرنس وهذه الطريقة موجوده في اللاند كروزر وفي الباثفايندر وفي السوبر بان واليوكون والهايلوكس والددسن والارمادا والباجيرو والهامر وغيرها كثير

المحور الصلب لا يوجد الا في الباترول وفي بعض موديلات الجيب شيروكي واللاندكروزر من موديل 97 وما دون والشاص الى 2008

يتفوق السوبربان في هذا النظام انه في حالة المشي بدون دبل H2 فان عمود الكردان الامامي لا يدور ابدا وتروس الكرونه لا تدور وانما تدور الكفرات فقط كانه سياره ذات دفرنس خلفي فقط وفي بقية السيارات يركب ما يسمى بالفرارات ولكن الفرارات للا تمنع عمود الكردان الامامي من الدوران

لماذا الديزل محور صلب والبنزين لا؟

سؤال وجيه
طبعا المحور الصلب اقوى من الفري وويل والشركات لاسباب اقتصادية تشتري سيارات الديزل وسيارات كرف مع العمال والمهندسين
ولكن تواجهنا مشكله هو ان الدي ماكس والهايلوكس الديزل نظام دفرنس امامي فري وول ؟؟

اذن هذي اسباب تعود والله اعلم للمواصفات والمقاييس في دول اغلب سياراتها ديزل وتويوتا ما بتسوي خط انتاج لمحرك بنزين بنظام الدفرنس الصلب لمثلنا في السعوديه مع قلة المبيعات . فلا امامهم خيار الا تاتي بمواصفات دول تستورد محركات الديزل اقصد بالمواصفات الميكانيكيه فقط ..

ارجو انني اختصرت بتوضيح

وتذكروا انني لن امل من العطاء

[ابوراكان تبوك]

دام الصوت يروح ما اتوقع انها كرونه

[Land666]

السلام عليكم شكرا لكم جميعا على ردودكم والله يخوان غيرت رمان العكوس ولا طلع منها واخر حل شريت كارونه من التشليح وابركبها والله يقدم مافيه خير

[Land666]

على فكره ياخوان ترا فك عمود الدبل للجي اكس ار التماتيك من 2008 وفوق ماتمشي السياره لأني جربت وفكيته وعيا يمشي ,,,,,,,,

[خالد الشمري20]

السلام عليكم ورحمة الله وبركاتة


رح افحصه افضلك عشان تعرف المشكلة بضبظ ,,,,







,

[IBRAHIM55]

فيه معالج للتروس يرمم التآكل لو استخدمته احتمال كبير يحل المشكله
بدون توضيب خاصه اذا كان الصوت متوسط او خفيف والمفروض
رحت لمهندس يوضبه لك وهو اللي يجيب لك القطع على ضمانه هو

[ابوضاري2007]

السلام عليكم اخوي ابو علي

انا اللي كلمتك قبل شوي

ولاتنسا تجرب بتغير كفراتك الاربعه لانه من كلامك بعد مارفعت الموتر ماطلع فيه صوت

وهذا زيت مانع الاحتكاك جربه قبل تغير الكارونه

http://www.mekshat.com/pix/upload02/images77/mk53291_kbjnfofojfg.jpg

وهذا موضوع كامل عنه

http://www.mekshat.com/vb/showthread.php?t=202717

[Land666]

السلام عليكم /اخواني شكرا لتفاعلكم وبارك الله فيكم جميعا وشكرا لك اخوي ابو اضاري يوفقك ربي
تم تغير الكارونه والحمد لله واشكر لك يارب راح الصوت وافتكينا منه يوفقكم ربي لاخلا ولا عدم