ل اصحاب التاهو خاصه و GMC عامه احد مرت عليه المشكل هذي

[المجروح للابد]

بسم الله الرحمن الرحيم

اخواني معي تاهو 2007 أمريكي ماكان يشكي من شي الحمدلله ... غيرت المساعدات كله اصليه ل انها كانت متفقعه وطالع زيتها المهم من شغلت السياره بعد التركيب طلع عندي علامه مانع الانزلاق وعلامه abs :( رجعت للورشه ثانيه قالي عادي يومين وتروح ورحت له بعد يومين وشيك على الحساسات الي بالكفرات قالي كل شي زين والمشكلة الثانيه اذا هديت بالموتر احس برجه وإذا لفيت رجه بعد :( قسم بالله كرهت السيارات الامريكية وحساساتها الي بكل مكان

من مرت عليها لحاله ذي يفيدنا الله يجزاه الجنه

[الحربي 591]

اخوي المشكله اللي عندك كلها بالحساسات عشانك فصلتها والبطاريه ما فصلته كذا لازم تبرمجها السياره وتختفي ان شاء الله

بس قبل كل شي اذا انت بالبيت روح افصل البطاريه واشبكها اذا صحيت من النوم وان شاء الله تروح

[الوسم]

لالالالا لا
إرجع لاصاحب الورشة ودق على وزارة التجارة من عنده وهو يشوووف ويسمع وبلغ عليه
وقل له إذا زانت سيارتي كلمت لكم وزارة التجارة وسحبت شكواي
الرقم 940

[slman1]

السلام عليكم ورحمة الله وبركاته
اخوي انزل تحت وشوف سواء من الجهة اليمين ناحية المساعد الايمن وبعدين الجهة اليسرى ناحية المساعد الايسر ....>>>>تحصل سلك وبراس السلك((( كليبس ابو طقه اللي يطق اذا ركب ))) مفصول من الشاص او مفصول من فوق الدفرنس
كل اللي عليك انك تشبك الكليبس .
وهاذي عن تجربه ...

[slman1]

انا اختفت عندي العلامات .. بس انا بعدها فصلت الاصبع السالب او لا .. <<<ناسي هالسالفة شيبنا ههههه
عموما اذا راحت العلامات زين ..وان ماراحت افصل الاصبع السالب بعدها وان شاء الله تروح

[العابر2222]

اخوي تاكد من زيت الفرامل لا يكون ناقص

حصلت لي بعد ما غيرت ربلة العكوس ولعة النمبات

واخر شي طلع زيت الفرامل ناقص وزدته وراحت

الشي الثاني سو ترصيص للموتر

[المجروح للابد]

ياجماعه فصلت اصبع البطارية السالب مايقارب 10 ساعات ولا فيه فايده ! وكذالك الموجب مايقارب 5 ساعات ولا فيه فايده
فيه شي ما ذكرته أني خرطت الهوبات الي قدام مع تغيير المساعدات عشان الرجه وللأسف مافاد الخرط :(
الرجه غريبه تجي بدون الفرامل بعض الأحيان وخاصه اذا كنت مهدي ولفيت :(

[alwali]

هذا من ال abs
اسمع باليل اذا جيت تنام افصل اصابع البطارية الاثنين اقل شي ٨ ساعات
وان قمت الصبح اشبكهم وقل بسم الله وشغل وراح تروح العلامة
هذا الكلام عن تجربة
واذا ما راحت سو فحص كمبيوتر يبين الخلل

[الوسم]

ما بعد شفت شيء
تووووك في الماء والطين

[م.سعيد]

صلح الرجة وتختفي عندك لمبة ال ABS

[يالبى الهلا]

افصل abs وجررررررب الموتررررر وشوووووف الررررجة راحت ولا موجوووودة
اذا موجودة تأكد من الكفرات لاتكون محبل

[مخ سعودي]

نوع التاهو اللي عندك ونوع المساعدات هل هي هيدروليك ام لا
اذا هيدروليك وغيرتها بعايديه يلزمك تركيب سونسرات ورخيص سعرها اما اذا عاديه وغيرتها نفس النوع تاكد من تركيبه لها فقط

[1824]

الخرط ياثر على الهوب ويسبب مشلكة اذا خرط زيادة عن الحاجة اذا الرجة اثناء الفرملة منها والعلامات كلها خطا في التركيب السيارة مالها علاقع في المشكلة تحطها في راسها انها هي العيب والمشكلة الخطأ من المحل الي رحت عنده ترجعلة وقوله يا تصلح المشكلة حضر الشرطة ووزارة التجارة وش خسران واذا ما نفعو كلهم لا يردك الا البقس وخذ دراهمك وامش وانتهينا ولا بتجلس طول حياتك تناقز من ورشة لورشة ومشكلة ولمشكلة وفلوسك بتطير عليهم بالتوفيق يا صاحبي

[almo3jl]

ارجع شيك على الحساسات وانت بطريقك نظفها ببخاخ اكترونيات


تحصلهم ناسين واحد منهم ماشبكوه او نفس الفيش ماركب كويس