اطرح طريقة تفضلها لتدهيل الطير

[a.a.]

السلام عليكم ورحمة الله وبركاتة


مساء الخير جميعاً
كيف حالكم ان شاء الله بخير......


بما ان قرب وقت خروج الطيور من المقيض واشتياق الصقار لنقلت الطير
حبيت اضع موضوع عن طرق واساليب تدهيل الطير ... ويكون بمساعدة الاعضاء بوضع الطرق او الا ساليب
فياليت من لدية اسلوب في التدهيل يطرحها لنا لتعم الفائدة ونذكر بعضنا
لانها هي اهم شي لكي لا تتعب في المستقبل

[خالد العطااوي]

ماقصر ابو وافي وهذا رابطه ..
طرق تدهيل الطير ..
http://www.mekshat.com/vb/showthread.php?t=645043

[مروض الشواهين]

الله يعطيكم العافيه ياشباب على هالطرح المفيد

[ابو امجد 11]

اول شي الله يعطيك العافية

انا ابي اتكلم عن طريقتي الخاصة

اخذ الطير من الربطه والكل يعرف انه يكون نكر بالحيل

اعرض عليه العلف بغرفه من مسافه يعد مانقزه العلف يوم من مسافة ١٠ امتار ان جاء خير وقضاه الله وان ماجاء

اخبي العلف وراء ظهري وشوقه للعلف وان ماجاء اقرب له شوي شوي لين ينقز على يدي بعد ماينقز هذا يدل على ان

طاح الحب اللي في راسه بالطريقه ذي تجاوزت ٧٠٪ بعدها لاينزل يدك الا وقت الدوام والنوم قدر الامكان وحاول وبعد

كذا امسح على صدرة ولو قرط فيك لاتشيل يدك بسرعه وكرر مسح صدره بالدس او البرقع لما ياخذ عليها واعلف على

يدك بعدين اطلع للبر وادعه على العلف مع ملاحظه اني اخلي الطير عندي في كل وقت حتى داخل البيت واذا جاء

وقت النوم حطيته بالمجلس وشغلت عنده التلفزيون وبالجرد لاتهد له سلم والافضل ان تدعيه على اللوح بعد الربطه لما

يتطلق جناحه وبعدها شب ضوك وقل يالله بالحبارى ��

مع العلم ان بعض الاخوان يقولون هذا تدهيل وحش وارد واقول الطريقه ذي ماهي الا انها تطيح الحب اللي في

راس الطير مهما كان عاصي ..

ولو فيه احد بعد عنده طريقة ثانيه نستفيد منه والدنيا مدرسه والتجارب لها دور والصقارة تختلف من ديرة لديرة

والله يحفظكم واعتذر على الإطآلة

[a.a.]

ابيض وجه يا ابو امجد ١١

[الحربي الوهبي]

ايو الله بياض الوجه يابو محمد ماقصرت رايتك بيضه

[ريّاح الشمال]

طريقتي الخاصه
ماتخلي الطير ينقل بالعلف ،،،،،
كلنا تعودنا بعد مايصيد الطير حمامته ، نقطع منها رجل او الثدي ونخليه يقفز وياكل منها على الدس ، مما يجعل الطير يعرف ان العلف يوخذ منه ويبدأ بالنقل فيها من بعيد ،
أولاً ، لابد من وضع قطعة قماش معاك في كل فترة هداد للطير على حمام
ثانياً : بعد مايطرح حمامته تنزل عليه بهدوء ومعك الرقعه ، وتحاول تغير انتباه الطير عن الصيده اللي بكفه
من اول ماتلاحض عين الطير فوق ( تغطي الحمامه بالرقع مع كفوف الطير) ويتفاجأ الطير بفقدان الحمامه ويبدأ بالبحث عنها ، وتلاحض انه يفك الحمامه ويرفع نفسه عنها يعتقد انها طارت ، ويبدأ بترك كل شي ويبحث يمين ويسار
بعدها ، تشيل الحمامه من تحت قطعة القماش بدون مايشعر الطير ، وتقطع منها وتخليه ينقز على يدك ويكمل علف
وكذلك نفس الطريقه بسحب العلف من الطير
كل هالطريقه ماتاخذ معك اقل من دقيقه ، ولكن شرحها دقيق لتوصيل المعلومه

[ريّاح الشمال]

الطير الوحش ، ممل بالدعو على الكف
والطريقه ممتازه ،
الطير اذا نقز على يدك وبدأ يعلف ويذوق الدم لقمه فقط ، انتبـــه تسحبها
اول خطوه تغطي العلف وهو بكفه بقطعة قماش مع الدس كامل وتنتظر الين تلاحض ان الطير يناظر تحت ومايشوف علف ، ويبدأ يتفاجأ ويبحث يمين ويسار ويصير حذر ويناظر لأي شي يتحرك ،
بعدها رجعه لوكره

وخذ مسافه وطلع العلف له مع صيحه


وشف وشلون يجيك صاروخ بدون اي انتظار
وهكذا كررها وخذ مسافه ابعد من اللي قبلها