فتك 2014 صوت المكينه

[هاوي؟؟]

السلام عليكم ورحمه الله وبركاته

عندي مشكله ربما تتحول الي مصيبه :(

معي فتك 2014

طلعته من المعرض وتمام يوم مشي حول 500 كيلو لما يا قف الموتر يوم او يومين

لما اشغله يطلع صوت قرقعه وطقطقه با المكينه بس كان الصوت خفيف ثانيه او ثانيتين ويروح

دخلته صيانه حقت 1000 كيلو وغير زيت وتشيك الوكاله العادي

الحين يا الربع لما ياقف الموتر يومين واشغله يطلع صوت قرقعه وطقطقه وخرفشه
بس الصوت صار قوي الصوت يخوف وما يطمن مره وانا خايف الموتر ماشي 1700 كيلو بس

الصوت ما يطلع الا اذا طول با الوقفه يوم ونص او يومين
لا دوامي استلامات بعد يومين اشغله

نسيت اقولكم يوم رحت صيانه عشان التشييك 1000 كيلو علمتهم قلت صوت غريب با المكينه قالو رح لا جاء تشييك 5000 كيلو يصير خير
داري تصريفه

والله اني منغث ومندبله تسبدي

رفعت مقطع صوت لعل وعسي احد يفيدني

http://cdn.top4top.net/d_f79d3a02931.mp3

[طارق المسحل]

إن شاء الله أمره سهل وبسيط
تأكد من مكرات السير يمكن وحده مرتخي المسمار

مجرد رأي قابل للصواب والخطأ

لكن نصيحة ما يحك جلدك مثل ظفرك خل واحد يشغل وانت شوف

[تميم2222]

اذا هي بسيطه فطبيعي هذا صوت البلوف اذا رقى لها الزيت راح الصوت

[باترول88]

اخوي وده الوكاله مباشره الصوت واضح جدا
خلهم يكشفون علليه ولا توديه الورش

[الحربي الوهبي]

الله يرزقك

[ابوحمود دتس]

والله. صوت واضح. عندك والله اعلم طرمبة الزيت ماترفع الزيت للمكينة بسرعه
او. والله اعلم. انها تكون مكرة المروحه. او تكيات البلوف.
لكن اليسارة تحت الضمان. مر على الشركة. والله يوفقك
ويستر عليك

[qatar554]

اخوي موترك اكيد فية مشكلة يمكن بسيطة بس الصوت غير طبيعي
انا عندي فتك 2014 باب وحالين ماشي 8 الف وصوتة عادي لو يوقف اسبوع

[سموو الروح]

اخوي انا موتري 2012 مابه لاصوت ولا شي
صوت موترك. يخوف بصراحه اعتقد من داخل
الماكينه احشر الوكاله ولاترضى الا بالتبديل
انشب لهم نشب شي يقهر

[سموو الروح]

تنبيه الوكاله بيتركونه لين يوصل
30 او 40 ولو جبته لهم قالو لك سوء استعمال

[اليامي قطر]

الحق على موترك دامه مالحق 2000 كيلو

لانهم يدورن اي طريقه يصرفون فيك فيها

[فهد الراشد]

صارت معي هالحاله بموترين،
الاول فورد فيكتوري،
والثاني جيت ناتيفا،
والسبب الوحيد هو ان السيفون مهو اصلي، او انه خربان، وهذا سبب لك مشكله بالتكايات اللي بوجه المكينه،
انا كل الموترين فكيت وجيه مكاينهن وغيرت التكايات، والجيب فيه ٢٤ تكايه وقيمة التكايه بـ ٨٢ ريال،
فا انصحك اخي الكريم انك تمكن على موترك وغيره قبل لا يخبّط معك،
والله يكون بعونك .

[ألخشيبي]

انا طلعت هايلكوس 2014 شهر وطلع صوت وديته للوكالة قالولي اذا مشي 5000 الاف تعال
بعد الخمسة الاف انقطع الصوت الى كان بالمكينة

[فتك08]

مثل ماقالوا الاخوان السيفون احتمال تجاري
لكن نقول نستبعد ذلك اذا انت مغيره بالوكالة باذن الله ولا ازكيهم
الحاجة الثانية زيت الفتك من كتيب المالك 5w30 و هو خفيف
و الوكالة غالبا يستخدمون 20-50 و هو ثقيل و ارخص من الاول
انت يستحسن تغير لزيت 5-30 او اذا جا موعد التغيير بالوكالة اطلب منهم يغيرون لك
5-30 او 10-30 و بيفرق باذن الله

و لايخفاك ان الزيت الثقيل يطلع صوت ببداية التشغيل

[قمة افرست]

عاير الزيت اذا ماهو ناقص ان شاء الله الامور عاديه
شوف طال عمرك يومين كفيله بانه ينشف الزيت من اعلى المكينه ولازم يطلع صوت ثواني
الي تسويه
شغل السيارة وبعد ماتسخن طف السيارة 10 دقايق وشغل ثاني اذا فيه صوت او الصوت مستمر ارجع للوكاله
المشكله بالزيت ثقيل او عيب بالطرمبه او السيفون فيه سدد
واذا مافيه صوت ماعليه خلاف ومعك 5000 كم لو فيه شي يتحملونه
والتغيير الجاي للزيت استخدم زيت خفيف 10w30

[التعـ King ـديل]

كلام الوكاله صحيح يوم قالو لك 5000 كيلو وتعال

لان عيوب المحرك تبين بعد هالمشي وغالبا الموتر تحت التمرين انا معي بطل الدروب اول ماشريته كنت اوسوس وكان فيه تكتكه بالمكينه ويوم جيت اغير الزيت قالو لي نفس الكلام ويوم مشى 5000 غيرت زيته برا لاني كنت ناوي اسافر وحطيت زيت الماني والان الموتر 26 الف ولا فيه الا العافيه ماشاء الله تبارك الله

[الوسم]

إمحطه محط ... خل صافييييه يطلع وإذا جاه شيء ..
الوكاله وخلهم يغيرون المكينه
ولا تتخيل إنهم يبون يقولون لك .. ههه !! إصبر !!!! خلنا نسمع الصوت زين !!!
ودهم ما ترجع لهم أبد أبد أبد ويفتكون من طلعتك لهم كل شوي إلا في حاله وحده إنهم يسحبون فلوسك بأي طريقه ... تغيير زيت ... أو غيره
الموهم .. لا ترحمه بعد تغيير الزيت على تشييك ال 5000 علشان يبين فيه أيي عله هي فيه أصلا
علشان إذا رحت لهم !!! يشوفونها ويسمعونها ويصلحونها

[هاوي؟؟]

الكتيب يقول يفضل زيت 30-10w وانا مدري وش حطو



المشكله لاويته له قال سمعنا الصوت والصوت ما يطلع الا لا وقف وقت

لاكن وش رايكم انتظر ال 5000كيلو ولا اوديه بَــــس لهم

مدري فحص الكمبيوتر يطلع شي عشان افحصه برا واتاكد واوديه لهم

[اليامي قطر]

إمحطه محط ... خل صافييييه يطلع وإذا جاه شيء ..


الوكاله وخلهم يغيرون المكينه
ولا تتخيل إنهم يبون يقولون لك .. ههه !! إصبر !!!! خلنا نسمع الصوت زين !!!
ودهم ما ترجع لهم أبد أبد أبد ويفتكون من طلعتك لهم كل شوي إلا في حاله وحده إنهم يسحبون فلوسك بأي طريقه ... تغيير زيت ... أو غيره
الموهم .. لا ترحمه بعد تغيير الزيت على تشييك ال 5000 علشان يبين فيه أيي عله هي فيه أصلا

علشان إذا رحت لهم !!! يشوفونها ويسمعونها ويصلحونها




موتر اصفار وتبغيه يمحطه محط !!!

اذا جاء الموتر شي هو اللي بيخسر عليه بدراهمه
الوكاله بيصرفونه ماهم مركبين له مكينه
ماذا بشور يالغالي
الراي استعمل موترك استعمال حشمه واللي فيه بيظهر مع الوقت

[هاوي؟؟]

كلامك صيحيح اليامي

الوكاله يبيون يصرفوني اكيد بس عساها سهله لو نصلحها علي حسابنا
بس اذا هي مشكله كبيره مقدر اتحمل ميزانيه

[هاوي؟؟]

اذا هي بسيطه فطبيعي هذا صوت البلوف اذا رقى لها الزيت راح الصوت

توقعت ها الشي لاكن الصوت يقوي كل فتره اخر مره خفت قلت ها الحين تجيم المكينه

[طحنون]

جهز نفسك للمشاكل والشكاوي والعيسی مثله مثل الوكالات المحترمين
ولا ترضی إلا بتغيير السياره ولا تمشي عليه اكثر من كذا
سمعت الصوت تقريبا من نوع الزيت اللي بالمكينه او من طرنبه الزيت
او صوت العامود الكام

[محمد 2002]

الصوت غير طبيعي ابدا
والموتر جديد لا تصدق كلام الوكالة ولا تلين لهم شد عليهم وورهم العين الحمرا

[AL-OTAIBI]

لا توسوس، موترك ما فيه الا العافيه معي اخوه بس شاص ٢٠١٣ و اخليه واقف يومين ثلاث و مرات اسبوع و اسبوعين لان معي موتر رديف. و كل ما شغلته بعد وقفه تسمع صوت البلوف و يقعد ثواني و يروح. وهذا الشي من اول ما شريته و الحين ماشي حول الخمسين الف و مافيه الا العافيه.
الصوت ذا طبيعي بالفتك و يزود كل ما خفت لزوجة الزيت.

لو انك قايل ان الصوت مستمر حتى بعد تحمي السياره، اقولك صح موترك فيه بلا، لكن الطبيعي انه يختفي بعد ثواني

[محرين باالخير]

كان معي مثل موترك ويطلع نفس الصوت اذاوقف يومين واكثر واحيانن اخاف من الصوت اول مااشغل ان المكينه بتدخل علي وبعته وهوماشي 170 الف تقريبا مافيه الا العافيه .
سألت عنه كثير قالوصوت الجنزير بس يوصله الزيت يروح الصوت وهذاموجود حتي باالتويوتا8سرندل .
لذلك تطمن الوضع عادي .

[احمد النزهه]

اول شئ عب بنزين 95 ثم غير زيت بترومين وامورك تمام بترومين اكسترا حديد

[الوسم]

موتر اصفار وتبغيه يمحطه محط !!!

اذا جاء الموتر شي هو اللي بيخسر عليه بدراهمه
الوكاله بيصرفونه ماهم مركبين له مكينه
ماذا بشور يالغالي
الراي استعمل موترك استعمال حشمه واللي فيه بيظهر مع الوقت

شكرا لك يا اليامي على تعقيبك الطيب
وأنا قصدي بالمحط إنه يستخدم سيارته بشكل قوي ليبين الخراب ...
وعلى أساس إنه تحت الضمان حتى الآن
ولو دققت في كلامي شوي لقيت إني قايل .. ( لا ترحمه بعد تغيير الزيت على تشييك ال 5000 )
وقصدي هنا إنه يمحطه بعد تشييك السياره وليس أصفار كما ذكرت
وإن شاء الله كلنا أنا وإياك ندور صالح صاحب الموضوع
وشكرا لك مرره أخرى
وأنا هنا أحذر صاحب الموضوع من الوكالة بأنهم سيمااااطلووونه بأي طريقه حتى ينتهي الضمان
فإنتبه يا صاحب الموضوع وبالعربي إنشب لهم نشبه

[سعود الرويضان]

اعتقد من سماعي للصوت انه خارج المكينه. . السلف مثلا

هل تاكدت من ان الصوت خارج من المكينه. ام من داخلها؟

[عاشق الشعبيات]

سمعت المقطع اكثر من مره الصوت من السلف وليس المكينة
بعد التشغيل يعلق عندك عمود السلف ويلامس تروس (سنن )الحذاف ويطلع الصوت والمفروض عمود السلف بعد التشغيل وتدوير الحذاق يقوم بالعودة إلا مكانه.

[alwali]

الله يعطيك خيرها ويكفيك شرها
استعمل الموتر و امش عليه الموتر تحت الكفالة
انا موتري لكزس اول ما استلمته من الوكالة كان ماشي ٥ كيلو على طول عبيته بنزين ومشيت فيه ٢٢٠ علشان لو في شي يطلع
والسيارة ما سلموها لك الا انها خاضعه لجميع الاختبارات ومشيكه كاملة
وموتري اليوكن اول ما استلمته اصفار ماردني الا تركيا وامشي عليه سرعات عاليه

[اليامي قطر]

الله يعطيك خيرها ويكفيك شرها
استعمل الموتر و امش عليه الموتر تحت الكفالة
انا موتري لكزس اول ما استلمته من الوكالة كان ماشي ٥ كيلو على طول عبيته بنزين ومشيت فيه ٢٢٠ علشان لو في شي يطلع
والسيارة ما سلموها لك الا انها خاضعه لجميع الاختبارات ومشيكه كاملة
وموتري اليوكن اول ما استلمته اصفار ماردني الا تركيا وامشي عليه سرعات عاليه

الطريقه هذي غلط يالوالي

من عرفنا السيارات مااحد يسرع عليها 220 وهي توها ماشيه 5 كيلوات

يمكن انت تعدم شي بسبت سرعتك والمكينه والقير والدفرنشات توها مثل مايقولون طازجه

[الربذي]

شي محير انا معي فتك اذا ابطى واقف يومين شهر يطلع فيه هالصوت بس صوت طقطقة خفيف حتى يرقى الزيت وماشي معي 108 وله ثلاث سنين زي الحلاوة امر طبيعي الزيت يكون نازل ولازم يطلع هاصوت رح ادخل مستودعهم وشغل كم جيب بس بشرط يكون واقف من مدة
وصدقني طبيعي بس انت الصوت صوت ازازاز ماهو طقطقه خفيفه وترا بكل السيارات بس اللي مركز يسمعها والدليل انها ماتجي كل مره او اذا وقف ساعه ساعتين
انا اشوفه طبيعي والتسجيل يغير الصوت
وكانه صوت سلف تصدق عاد انه مثل صوت بموتري
وايضا كانت معي ددسن وكاله مشت 170 وبعتها وهي كل مااشغل يطلع الصوت
هذا لان البلوف ماوصلها الزيت طبيعي بس راح يزيد بالبرد
والصوت اللي اسمعه بالمقطع صوت صرصرة ماهو طقطقه الله اعلم انه من السلف

[كن متفائلا]

الله يعطيك خيره ويكفيك شره ويبارك لك فيه

من مقطع الصوت واضح أن ضغط المكينة مرتفع بزود مع بداية التشغيل

الصوت فعلا غريب وداخل المكينة ودامه مع التشغيل أن شاء الله بسيط

تأكد من ضغط المكينة مع بداية التشغيل لايرتفع عن ١.٥

أذا كان أعلى من كذا نصيحة لاتستعمل الا بنزين ٩٥

وكذلك تأكد من فلتر الزيت أنه أصلي وتم تغييره فعلا ( حط عليه علامة قبل توديه )

أنا موتري موقف صار له يومين ماشي الآن ٣٥٠٠ شغلته قبل شوي للتجربه وطبيعي

عموما نصيحة للموتر الجديد لاتمشي عليه أكثر من سرعة ١٠٠ كم-س ولاحتى تطعيس للألف الأولى

[هاوي؟؟]

والله مدري كيف اشكركم علي ملاحظاتكم الي استفدت منها ردودكم وقفتكم معي تسوي الشي الكثير الكثير

انا ان شاء الله مسافر عليه با العيد حول الف كيلو ون كان به شي يبي يبين

وبعد العيد ان شاء الله بمر الصيانه واعلمهم وشوف ويش يصير معي وبنشب لهم

عساها تطلع بسيط

ولا زانت الامور وزينته بعلمكم مشكلته واصلاحه عشان الافاده

واشكرك على مشاركتي مشكلتي

وما تشوفون مكره يارب

[هاوي؟؟]

شي محير انا معي فتك اذا ابطى واقف يومين شهر يطلع فيه هالصوت بس صوت طقطقة خفيف حتى يرقى الزيت وماشي معي 108 وله ثلاث سنين زي الحلاوة امر طبيعي الزيت يكون نازل ولازم يطلع هاصوت رح ادخل مستودعهم وشغل كم جيب بس بشرط يكون واقف من مدة
وصدقني طبيعي بس انت الصوت صوت ازازاز ماهو طقطقه خفيفه وترا بكل السيارات بس اللي مركز يسمعها والدليل انها ماتجي كل مره او اذا وقف ساعه ساعتين
انا اشوفه طبيعي والتسجيل يغير الصوت
وكانه صوت سلف تصدق عاد انه مثل صوت بموتري
وايضا كانت معي ددسن وكاله مشت 170 وبعتها وهي كل مااشغل يطلع الصوت
هذا لان البلوف ماوصلها الزيت طبيعي بس راح يزيد بالبرد
والصوت اللي اسمعه بالمقطع صوت صرصرة ماهو طقطقه الله اعلم انه من السلف

والله انا الي مطلعه وانا شغلته من وكالته ولا طلع ها الصوت

[تميم2222]

هما تقول انت شاك في المكينه ؟؟؟؟ افجر اومها طيب خل ان كان فيها بلا يظهر عشا تقطع الشك باليقين

النيسان لا تحنه ابد ترا بيطلب اذا حافظت عليه
موتر مهوب على الضمان ؟؟؟

[ابوصالح666]

اخةي بالغالب السياره لاكانت جديده يطلع مثل هاصوت وصارت معاي من اول يوم طلعت فيه السياره من الوكاله ورحت لهم وقالو هذا عادي السياره تحت التمرين وفعلا مشيت عليها حول 4000 وراح الصوت من المكينه وجلست عندي حول سنه وبعتها وهي مابها الا العافيه وطبعا الطقطقه كانت براس المكينه بس انت اذا الطقطقه من تحت من عند الكرتير فهذا خطير لازم توديها لهم يمكن يكون عيب مصنعي

[وليد46]

اخوي خذ من هالكلاام ولاتصدق اي كلام غيره موترك بإذن الله مافية شي وهذا صوووووت السلف اذا انت بالقصيم ارسلي رسالة خاصة انا صار عندي مثل هالصوت بالتمام وصلحته السلف ب ثمانين ريال تقريبا.

[XRAY MAN]

للمعلوميه عشان نصب الوكاله

إذا خربت مكينة السياره أو القير خلال إستخدامك للسياره وقبل أن يتعدا المشي ٥٠٠٠ آلاف كيلو يتم تبديل السياره

إذا خربت المكينه أو القير بعد الـ ٥٠٠٠ آلاف كيلو يتم تصليح أو تغيير المكينه أو القير

ماعليك منهم إنشب لهم قل شغلوا مواتر جدد سمعوني الصوت وطمنوني ولا صلحوه الحين ولا غيروا السياره

ووزارة التجاره قارصتهم صح والعيسى توه جديد على نسيان وتراه عبيط وعنده خبره وسهل أنه يصرفك

وأخيراً الصوت غير طبيعي أبداً وواضح جداً

[fdfd_2002]

للاسف هذا صوت السبايك
لازم تنفك المكينة
اذا طولت وماخليتهم يضبطونه راح يعدم عليك عامود الكرنك وبكذا لازم تتغير المكينة كامله

[الوسم]

للمعلوميه عشان نصب الوكاله

إذا خربت مكينة السياره أو القير خلال إستخدامك للسياره وقبل أن يتعدا المشي 5000 آلاف كيلو يتم تبديل السياره

إذا خربت المكينه أو القير بعد الـ 5000 آلاف كيلو يتم تصليح أو تغيير المكينه أو القير

ماعليك منهم إنشب لهم قل شغلوا مواتر جدد سمعوني الصوت وطمنوني ولا صلحوه الحين ولا غيروا السياره

ووزارة التجاره قارصتهم صح والعيسى توه جديد على نسيان وتراه عبيط وعنده خبره وسهل أنه يصرفك

وأخيراً الصوت غير طبيعي أبداً وواضح جداً



علموووووووووه
يمكن يقتنع

[عاشق الغضا]

الله والعالم عادي الامر انا معي 2009 من شريته وكالة واول ماتشغله احيانا يطلع طقطقة خفيفة ثلاث ثواني وتروح . والحمد لله ماضره ماشي 225 الف

[العطاوي a511]

الصوت اشوفه عادي خصوصن تقول موقف يوم كامل ولاياخذ ثانيه او ثانيتين ولا يحتاج وكاله وغيره مجرد تحسس زياده عن اللزوم

[1824]

الصوت واضح انه من نوع الزيت ما يحتاج لها فأخوان لحد يلحس مخ الرجال واذا منت مصدقني اشتر زيت بترومين A1 5w30 وغير منه واذا ما راح الصوت انا مني برجال بالتوفيق اخي الكريم

[عبدالوهاب ا]

انتبه لا يصير مسمار الثلاجة مرتخي. لانه اذا طاح يخبط بالمكينه

[هاوي؟؟]

باقي 100 كيلو وادخله صيانه 5000 ونشوف ونعطيكم خبر

للمعلوميه رحت مشوارين حول 2000 كيلو صراحه ما رحمته با الخط جلد مانزل عن 195

ولا لاحظت عليه شي نشوف وش يصير ونعلمكم




ابو هيثم اسف لعدم الرد بسبب عدد المشاركات

لاكن بقول لك المختصر

بعد استخدام الفتك لاحظت التالي

تنسيم هواء مُّــــڼٍ عند المثلث مُّــــڼٍ طلعته مُّــــڼٍ المعرض يبدا مُّــــڼٍ سرعه 80

الكلتش عطب معاي يوم واستمرت الريحه يومين وراحت لاحضت ان دعسه الكلتش تغيرت اول خفيفه والحين لادست كلتش خفيف لا وصل نص الدعسه تثقل الدعسه .اتمني فهمت وش اقصد

لاكن لاحضت العزم راح كثير وخصوصا اذا احتر الموتر

لاصار بارد تو مشغله ماشاء ﷲ عزم وفزه لا احتر يتغير العزم


اما مُّــــڼٍ ناحيه المكينه ماشاء ﷲ جباره برغم الصوت الي با المكينه

[ابوهيثم2008]

باقي 100 كيلو وادخله صيانه 5000 ونشوف ونعطيكم خبر

للمعلوميه رحت مشوارين حول 2000 كيلو صراحه ما رحمته با الخط جلد مانزل عن 195

ولا لاحظت عليه شي نشوف وش يصير ونعلمكم




ابو هيثم اسف لعدم الرد بسبب عدد المشاركات

لاكن بقول لك المختصر

بعد استخدام الفتك لاحظت التالي

تنسيم هواء مُّــــڼٍ عند المثلث مُّــــڼٍ طلعته مُّــــڼٍ المعرض يبدا مُّــــڼٍ سرعه 80

الكلتش عطب معاي يوم واستمرت الريحه يومين وراحت لاحضت ان دعسه الكلتش تغيرت اول خفيفه والحين لادست كلتش خفيف لا وصل نص الدعسه تثقل الدعسه .اتمني فهمت وش اقصد

لاكن لاحضت العزم راح كثير وخصوصا اذا احتر الموتر

لاصار بارد تو مشغله ماشاء ﷲ عزم وفزه لا احتر يتغير العزم


اما مُّــــڼٍ ناحيه المكينه ماشاء ﷲ جباره برغم الصوت الي با المكينه





مشكور ماقصرت
انا اشتريت جديد 14 ولاحظت الكلتش قصير
لا وصار معي مشكله اول ماطلعته من المعرض مشيت 56 كيلوا تقريبا وقفت وبغيت امشي اعشق القير مايعشق احاول مره شلته صطحه للوكاله نزلانه من الصطحه بدا يعشق شيكوا عليه يقلون طبيعي ،

[فتك08]

بالنسبة لثقل الفتك اذا احتر هذا بسبب المراوح
صراحة اذا احتر تحس انك راكب سيكل:D
لكن بدون مكيف يطربك ممشاه

[اعمال نت]

انا اقول ترس السلف فيه تعليق والله اعلم بعيد كل البعد عن المكينه