مشكله غريبه جداً. من ورشه الى ورشه ومافي حل / شحن الدينمو

[Forrd]

السلام عليكم
امس ولعت البطاريه وانا ماشي و بدأت كهرباء السياء تضعف شوي شوي.
الى أن وصلت لمحلات البطاريات. شيكت على البطاريه طلعت 8 !!
يعني ما تشحن ابداً. و قال المشكله من الدينمو ، رحت لورشه
فكيت الدينمو قال الدينمو خربان يحتاج تغيير ومافي مجال تصليح !
رجعت اشتريت دينمو جديدو ركبته و مازات المشكله موجوده.
قال لي البطاريه غيرها ! رحت غيرت البطاريه ومازالت المشكله موجوده.
الان انا ماشي على البطاريه الجديدو الكهرباء تضعف شوي شوي.
لا اعرف ما الحل !!!!
@ هناك من قال اسلاك الضفيره ملتمسه ، و فعلاً كانت ملتمسه لكن ظبطها كهربائي.
الفيش اللي بالضفيره الى الدينمو مافيه كهرباء !!
قالوا كمبيوتر خرب عليك و ما اعرف الحل
فيه احد نصحني بحركة اعملها دايركت من البطاريه للدينمو بفيوز !
لكن ما اعرف الحل :(
فورد 2007

[كلاش2500]

اخ فورد اللى اعرفه ان الكهربائى يشيك على الدينمو ويشوفه شغال يعنى يعطى كهرب يعنى يشحن البطارية....اتوقع ان مشكلتك بالسلك اللى بين الدينمو والبطارية مايوصل كهرب للبطارية يعنى البطارية ماتنشحن....يجوز السلك ذا مكربن من داخل ...والمفروض ان الكهربائى يجيب سلك من عنده ويجرب....لكن يبدو انك طبيت بكهربائى اى كلام....والكمبيوتر لو هو خربان ماتوصل كهرب للسيارة والدليل انها شغالة على البطارية.....معناه الكهرب واصلة والكمبيوتر شغال لكن المشكلة ان الدينمو مايعبى البطارية.....مثل ماقلتلك خل كهربائى يغير السلك...ويجوز نفس الفيش اللى راكب بالدينمو خربان..بالتوفيق....

[almo3jl]

اخوي اذا مشكلته أساسا الدينمو

فدينمو الفورد بالذات من بين كل السيارات ماله اصلي حتى الوكاله مجدد ب٨٥٠

وحله بسيط ومعروف عند الكل او اصحاب الفورد انت استعجلت وركبت تجاري ولو مركب أمريكي راح تشتغل لمبه البطاريه وانبير الكهرباء يضعف

لاكن عليك باقرب تشليح وخذ مستعمل

اشرط عليه مايكون مفتوح ولامجدد شرط انه اصلي


وتنتهي مشكله لمبه البطاريه وانبير الكهرباء

وازيدك من الشعر بيت الدينمو الي ركبته كويس مافيه شي اذا بتقررها عليه بس مشكلته لمبه البطاريه ماتطفي وبس

[مسير عليكم]

اخوي بما انك ركبت دينمو وبطاريه ونفس العله ارجع لدينمو وخصوصن ان كان فيه التماس وشيك عليه من عند الاصابع السالب والموجب واصل كهرب ولالا اذا ماوصل رح لدينمو نفسه وشيك عليه من المخارج شف يطلع منه كهرب ولالا يمكن الدينمو تاثر واذا كان دينموك سليم اتبع السلك شفه من وين منفصل .

[ابوصالح666]

فيوز الدينمو تلقاه محترق اذا أحترق تمشي السياره على البطاريه لأن الدينمو مايشحن

[Forrd]

احبتي اشتريت دينمو جديد و شيكت على سلك الدينمو ( الضفيره ) اكتشفت ان مافي كهرباء بالأصل فيه.
ما اعرف السبب ، قبل هذه المشكله اسلاك الدينمو كانت مجروحه و ملمسه الحديد ، قال الميكانيكي
شرب عليك هذا الخط و الكمبيوتر ضرب ، و سويت توصيله بفيوز خارجي

[مسير عليكم]

لو الكمبيوتر ضارب ماضن الموتر يشتغل نصيحه شف لك واحد ثاني لان صاحبك ماعرف العله ودور ابسط الحلول له وتعذر بالكمبيوتر ، انا قبلك كان معي فكتوريا ٩٦ فيها تفتفه دخلتها عند سوري قال التماس وخرب الكمبيوتر وديتها الجابري ماعرف علته وقال ماعندي فحص ٩٦ وطلعته ودخلته البيان وماعرف علته وقال توضيب وهذي حركاتهم اذا ماعرف العله شطح بك عشان توافق بالي براسه

[m00]

سلام عليكم

انا حصل لي مشكله مع دينمو الفورد 2004 مالقيت في الوكاله شي ولا في قطع الغيار

ورهمت له دينمو فورد 97 او 98 وله الان لي خمس سنوات الامبير النصف دايم