كل عام وانتم بخير انا مبتدئ بالسلق وعندي سوال

[صالح الشممري]

السلام عليكم ورحمة الله وبركاته عندي جرو جاني هديه جاني وعمره تقريبن شهرين ربيته بس ما دربته ولا شي يوم صار عمره اربع شهور خليته عند خويي عنده سلق مدربات والحين صار له شهرين عنده يعني عمره 6 شهور تقريباآ وما تعلم شي منهن يقول يركض معهن خفيف ويوقف وما يعرف الجربوع ولا شي وماهو مدرب على الطاعه بس مخليهن مع السلق كل يوم ويوم يطلعهن يدربهن ياخذه معهن بس ما فاد به ابد وفي معهن كبره ويلحقن الجربوع ابي طريقة ادربهه ولا اخلي معهن يتعلم ولا لازم ادربه لحاله وابي طريقة مجربه ! ارجو ارد باسرع وقت

[الجوال0]

خله معها وبسوي مثلها باظبط لاتستعجل عليه

[صياد الصحراء]

في العمر هاذا كبير يابعد حيي لازم تعلمه فيه ناس تقنص الي من سته وفوق ارانب مابالك جربوع او الحق الجربوع انت او ارنب بلد هو يسوي مثلك تعلمه

[صالح الشممري]

طيب وش الطريقه وشلون ادربه اخليه معهن ولا اخذه اذا اخذه قلي وشلون ادربه بطريقه مظمونه وانا والله ودي اخذه اخاف يكبر بعد ولا يتعلم

[صياد الصحراء]

انا اخذه معي والحق الجربوع وهو يسوي مثلي كبدايه بعيد ارنب بلد دربه عليها بعضهن من الله هو من يوم يشوف جربوع او ارنب يلحقه سو فيه كذا ان شاء الله يصلح

[صالح الشممري]

اوكي اخي صياد الصحراء انا ابي اخذه منه واجرب الي قلتي عليه بس اذا في طرق ثانيه لاهنت تذكرهن على شان اذا ما فاد به اجرب غيره ويعطيك العافيه ما تقصر ولا يقصرون الباقين

[صياد الصحراء]

الي اعرفه ان السلق الاصيل حماسي يدور الصيد حتى عندي لما يشوفني بمشي بروح على السياره يطير ويوقع يبي يروح معي صورنا لنا السلوقي نبي نشوفه

[صالح الشممري]

ما اعرف انزل صور تعال واتس اب وابيك تقولي هو طيب ولا لا 0567010853

[صياد الصحراء]

والله ماعندي يابعد حيي بس الطيب واضح من جرمه من المستويات الزور نازل طول البوز صغر الراس البطن ضامر العظام زينه مش ضعيفه بنيته قويه مش هلامه ضعيف الشباب معنا ان شاء الله يتواصل معك وينزلون الصور عشان نريحك

[ابو ثآمر]

6 شهور ياخي توه صغير على المطاريد
من عمر 10 شهور ابدا دربه تدريب خفيف

[صالح الشممري]

بس الي كبره يصيد لو على الاقل يلحق بس اما هذا يشوف الجربوع يخليه

[صالح الشممري]

وشلون ادربه تدريب خفيف ومتى ابدا تدريب قوي وطريقة التدريب

[ابو ثآمر]

اخوي صالح
6 شهور ماوصل حتى نص النمو كيف تبيه يلحق ويركض وعلى قولت الاخوان 6 شهور يقنصون فيها

انا ضد الكلام ذا كله

السلوقي ما يبدا يطرد اللا من سنه ويمكن سنه وشهرين

اذا تبي تدربه تدريب مبدى ياخي جب له ارنب فالنهار وخلها في شبك مكشوف وابتعد عنه
راح تشوف يحاول فيها

اذا تبي طريقه ثانيه:
اربط السلوقي اللي ما تعلم وجب سلوقي وفك له جربوع فالنهار بشرط تبعد عن السلوقي اللي ما علم
وراح يتعرف اما من ناحية تدريب الليل هذا صعب جدا للي ما يعرف الصيد
لازم يعرف صيد النهار ثم حاول فيه بالليل والدعوه يبي لها وسعت بال مافيه شي يتعلم في يوم وليله ولا حتى اسبوع

وانا ضد التدريب والمقناص فيه حتى يكمل عمر السنه

[صالح الشممري]

يعطيك العافيه ما تقصر

[مفتون بالسلق]

افادوك الشباب ماقصروا

[رفيق الأمل]

اخوي صالح
6 شهور ماوصل حتى نص النمو كيف تبيه يلحق ويركض وعلى قولت الاخوان 6 شهور يقنصون فيها

انا ضد الكلام ذا كله

السلوقي ما يبدا يطرد اللا من سنه ويمكن سنه وشهرين

اذا تبي تدربه تدريب مبدى ياخي جب له ارنب فالنهار وخلها في شبك مكشوف وابتعد عنه
راح تشوف يحاول فيها

اذا تبي طريقه ثانيه:
اربط السلوقي اللي ما تعلم وجب سلوقي وفك له جربوع فالنهار بشرط تبعد عن السلوقي اللي ما علم
وراح يتعرف اما من ناحية تدريب الليل هذا صعب جدا للي ما يعرف الصيد
لازم يعرف صيد النهار ثم حاول فيه بالليل والدعوه يبي لها وسعت بال مافيه شي يتعلم في يوم وليله ولا حتى اسبوع

وانا ضد التدريب والمقناص فيه حتى يكمل عمر السنه






اخي صالح كما قال اخونا ( ابو ثامر ) ولا راح ازيد عند الكلامه الجرو بعمر 6 شهور توه صغير لعوب خفيف عليك تدريبه التعرف عليك ومناداته بأسمه وملازمتك وتعليمه الركوب والنزول بخفه وبعد يكون عمره 10 شهور تعلمه على المقانيص مع سلقان مدربه وهذا يحتاج وقت وجهد وراح يكون متعوب عليه لا تستعجل اخي الكريم والبعض يقول ينقص جرابيع وارانب بعمر ( 6 شهور ) فهذا والله مستحيل