الطير صار يكوش بعد السمانه ( يوجد صور )

[الرامي الماهر]

بسم الله الرحمن الرحيم

كل عام وانتم بخير ومن العايدين

اخوي شراله فرخ جبلي وحش وقال يبي يتونس عليه المهم الطير راكد بالبرقع حييل ولافيه صياح ابد كان يعطيه علف وصار ياكل وينقز على الدس والعلف كان عباره عن لحم نسير المهم ذبحله سمانه وبعد ماعلف منها صار يفرد جنحانه ويكوش وماعاد ياكل الا بالبرقع وصارت هالعاده معه عند العلف مع انحن نكرمه ومانسحب شي من تحته مادري وش رايكم

هذي صورة ظهر الطير

http://im62.gulfup.com/Yz2tmw.jpg (http://www.gulfup.com/?OxSn5s)

وهو مفرع

http://im59.gulfup.com/pDwnqW.png (http://www.gulfup.com/?7zXgQX)


وهو مكوش

http://im56.gulfup.com/G7XiVu.png (http://www.gulfup.com/?47kRnf)

http://im56.gulfup.com/SiLV9V.png (http://www.gulfup.com/?VYRDZU)

http://im56.gulfup.com/P5nZZR.png (http://www.gulfup.com/?KzevOy)

[الشيخ مطرف]

الله اعلم يالخوي
لكن تلقاه يوم انه انشبك نازل علی سمانه ومسكته هالشبكه ومنخرع

[الشلاعي]

السلام عليكم

اخوي لاتشيل هم الكوشه على العلف في البدايه
لكن حاولوا تقربون منها بدون لاتاخذون العلف
عشان الطير يتطمن ان ماحد بياخذ لعلف منه ويترك الكوشه ان شاء الله

وموفق خير

[الرامي الماهر]

مشكورين على تفاعلكم بس مثل ماقلت في البدايه الطير ماسحبنا منه العلف ابدا نخليه يعلف لين يسمح ويرجع وكره وترا صارله معنا 8 ايام بالضبط ويوم اخذناه كان هزيل وجويع

[ابوصالح666]

يمكن مجوعينه عشان كذا يكوش وترى ياخذها عاده ويقوم ينقل العلف لاتقصرون عليه العلف

[ابن نزهان]

الافضل انك تنقزه على الدس ومعك العلف عشان يتعود عليك وعلى صوتك
ويطمن أكثر وراح يترك المكافخ والكوشه

[الرامي الماهر]

يمكن مجوعينه عشان كذا يكوش وترى ياخذها عاده ويقوم ينقل العلف لاتقصرون عليه العلف

يبو صالح انا قايل انحن نكرمه ونخليه يعلف براحته لين يسمح تراني وضحت هالشي فوق الله يجزاك خير

[الرامي الماهر]

فيه شي مهم نسيت اوضحه الطير يفرد جنحانه ونفس الحركه اللي بالصوره بدون علف وحتى وهو مبرقع على نفس الحال

[ابوسلطان 66]

اقولك شي وجربه

السمانه دهنها واجد والجو حر حاولك انك ماتعطيها سمان ابد حمام وكل ماتنسر بخبخ لها مويه الين ماتروى مضبوط
وان شاءالله ماعليها خلاف ابد

[فهد العرجان]

حاول انك تعلفه على يددك الطير وحش لاتخليه يعلف على وكره ولا تفرعه الا وانت ناقله كم يوم وبتضبط اموره خله يستأمنك

[ابن نزهان]

فيه ملع من كثر المكافخ عشان كذا يهدل الجناح والريشه مكسوره

[قرناس هواا]

الطيره متعرضه لملوع من كثر المكافخ ، وبعدين وشلون تعطيها العلف وهي توها وحش وتخليها تعلف لحالها ؟؟ عودها اول على انها تعلف على يدك لين تتعود عليك
ويروح الخوف منها وتجسر عليك بعدين خلها تعلف لحالها
الكوشه = وحاشيه هدلت الجناح = ملوع من كثر المكافخ
بالتوفيق ،،

[أبو فااارس]

وجهها وجه الفسقانه وتوها وحش اقصر عليها

[Naif1]

السلام عليكم ورحمة الله وبركاته
الله يوفقك
اصبر وتعب وانقل الطير

[GX2007]

الطيره توها وحش اذا تبي تدهلها اقصر عليها بالعلف شوي عشان تجاوب معك
طمرها يوم بدون علف ولا تعلفها الا على يدك الين تدهل وتجيك من مسافه بعيده
واغالب الطيور الوحوش تكوش على العلف بس انتبه تاخذها عاده
واذا تبي نصيحتي لا تعلفها ابد على الوكر علفها على يدك لين يزين الجو شوي وابد ادعها مسافات الفجر واذا بغيت تعلف هذاك اليوم علفها وهي على الارض ومربوطه بوكرها وخلها على راحتها وانت جنبها ورح وتعال فوق راسها لين تستامن

[ابوصالح666]

اخوي طيرك شكله متملع من كثر المكافخ لاتخليه على الوكر بدون برقع ابد خله مبرقع على شان مايكافخ لأن كل ماشاف له زول قام يكافخ ويكسر نفسه لاتفك برقعه الا لما يكون على يدك