لكل شاعر ولمن يعرف في الشعر الرجاء الدخول

[ابوفهد502]

سلام عليكم وكل عام وانتم بخير وشهر رمضان ولى بخيره وافضاله فهنيأً لمن عمل الخير اما بعد


ياشعار المنتدى انا شاعر مبتدي وهذي قصيده واريد تقيمها بدون مجامله لان المجامله لا تحقق شي

وهذي هي القصيده


يابخيت انا قلبي له ايام ماطاب
ودواه طلعة بر مع طيب الساس

يابخيت هذا هرجي اليوم منصاب
حتى الكرامه صارت اليوم تنداس

يابخيت هذا علمي اليوم وماخاب
غيرالغدر والبور من بعض الادناس

يابخيت شد عزومك اليوم ولاتهاب
ونجهز العزبه ونبعد عن الناس

ونروح فأرض(ن)صيدها يعجب الناب
فيها النفل ويالغضاء يم الاطعاس

وخوة رجال(ن)تحرق الهم ويذاب
وثلاثة رجال(ن)مثل جوهر الماس

وبخيت رابعهم على راس مرقاب
فيه الشاجعه والكرامه ونوماس

هذي قليلٍ من صفاته وماساب
الا الرخامه والردى والتجساس

واختامها صلوا عدد شعر من شاب
على الرسول اللي يصلي له اجناس



وسلامتكم والرجاء بدون مجامله ابي اعرف مستواي الشعري

[(هزاع)]

وعليكم السلام ورحمة الله وبركاته
من العايدين الفايزين المغفور لهم باذن الله
القصيده كبدايه باذن الله تجيب افضل منها لو اتبعت بعض الاسس
ولابغيت تشوف قصيدتك موزونه هيجنها (غنها)
ان كسر البيت عدله بدون المد الغير مرغوب
واتمنا لك التوفيق

[ملك القصائد]

عيدك مبارك وكل عام وانتم بخير

القصيده كبدايه طبيعي تكون بهذا المستوى لكن ..اساسيات القصيده ثلاث .الوزن والقافيه والمعنى

انت اجدت بالقافيه وحتى المعنى اجدت او قريب من الاجاده وهو خوة النشامى وطلوع البر اما الوزن حصل خلل

في عدة ابيات والوزن كما هو معروف هو روح الشعر ...

اما الامور الفنيه وهي ضروريه للشعر وهي مكان الابداع حصل بالقصيده اخطاء كثيره منها مثلاً تقول

يعجب الناب ! !! الاعجاب اما للقلب او للعين والناب سن فقط ولا له علاقه بالاعجاب ..

كذلك تطرقت للنفل والاطعاس والغضاء والفياض وهذه لاتجتمع بالواقع لأن الغضاء والاطعاس في مكان من

الارض وهي النفود ...والفياض والنفل هي في ارض صخريه وتسمى حجره بلهجة اهل الشمال .

وغيرها الكثير لكن انا واثق انك ستتجاوز هذه الملاحظات مع الاطلاع والممارسه ويبدو لي عندك موهبه شعريه

فقط تحتاج تكرار المحاولات اكثر وفقك الله وتقبل تحياتي

[شرق المغيب]

اولا صح لسانك واعتلا شانك

مثل ماقال ملك القصيد واتفق معه
يابخيت هذا هرجي اليوم منصاب ........ بدال هرجي كان قلت حالي
واضيف .. حتى الكرامه صارت اليوم تنداس ... هذه صعبه شوي لان الشاعر يسمو بنفسه عن دوس الكرامه ولايذكرها
يبحث عن مفرده افضل ...
وخوة رجال(ن)تحرق الهم ويذاب ........ شطر وحشو

هذي قليلٍ من صفاته وماساب
الا الرخامه والردى والتجساس ... ركاكه ليس لها معنى

هذا نقدي للقصيده وانت طلبت عدم المجاماله والله يوفقك ...

وانا على ثقه بانك ستكون افضل عند الممارسه والتمعن في المعنى والمبنى وقوة المفرده وعذوبتها

تحياتي ......

[راعي العجراء]

انت مشروع شاعر قادم
الى الساحه الشعريه
فانت عندك موهبه وتحتاج الى صقل
كرر الكتابة للقصايد والاطلاع على قصائد الشعراء
حتى تجيد الوزن والقافيه والمعنى والربط بين الابيات
حالفك التوفيق والله يحفظك

[عابر الموج]

بداية طيبة لكن ابحث عن تكامل بيت القصيد من حيث المعنى وضبط الوزن بالتوفيق وكل عام ونت بخير

[ابوصالح3]

اذا هذي هي البداية ..فانت شاعر قادم باذن الله

الجميل انك تقبل النقد وتبحث وتتعلم ,,وهذا هو الصحيح ومن سار على الدرب وصل

[ابوفهد502]

اشكركم كلكم على الصراحه الجميله والنقد البناء وبيض الله وجيهكم جميع

[ناصر 1]

بالتوفيق وصح لسانك

انت في البدايه وتحتاج لتوجيه فقط

واما النقد الدقيق للمبتدئ فهو عائق له ( كأني اقول لك جب قصيده جزله وقويه والا لاتقصد ) وهذي صعبه على المبتدئ

الله يوفقك

[التعـ King ـديل]

القصيده حلوة وانا مااخفيك قريتها بلحن ولا انكسرت وهذا يدل على انها موزونه وزن حلو

وماشاء الله تبارك الله بدايه حلوة والله يوفقك ونشوفك من كبار الشعراء

نصيحتي لك اذا كتبت شعر حاول تغنيه بلحن واحد كامل القصيده واي شطر ينكسر عندك ارجع وعدله وصدقني راح تكتب قصايد جزله

الله يوفقك

[ريف النشاما]

أنا متابع لمشاركاتك السابقة


هناك تحسن واضح في قصائدك الشعرية


كل قصيدة تكتبها أحسن من اللي قبلها


الإخوان سبقوني وكتبوا لك نصائح ذهبية لمن يرغب في التطوير


أنت على الطريق الصحيح ..... واصل القراءة والاطلاع وقراءة الشعري العربي الفصيح والنبطي



وركز على قصائد الشعراء الكبار قديما وحديثا قراءة وتمعنا



مع مرور الوقت والممارسة تتطور ذاتيا

[مقرررط]

صح لسانك واتفق مع الشباب ويكفون بالنقد

موفق خير

[مجدلاوي]

الوزن يحتاج وزن ياشاعر المستقبل .
وفقك الله ,,,

[مجدلاوي]

يابخيت انا قلبي له ايام ماطاب
ودواه طلعة بر مع طيّب الساس

يابخيت هذا قلبي اليوم منصاب
حتى الكرامه صارت اليوم تنداس

يابخيت هذا علمي اليوم ماخاب
غيرالغدر والبور من بعض الادناس

يابخيت شد عزومك اليوم لاتهاب
وانجهز العزبه ونبعد عن الناس

ونروح برض(ن)صيدها يعجب الناب
فيها النفل ويا الغضا يمّ الاطعاس

وخوة رجال(ن)تجلي الهم بسباب
وثلاثة رجال(ن)مثل جوهرمع الماس

وبخيت رابعهم على راس مرقاب
فيه الشاجعه والكرامه ونوماس

هذي قليلٍ من صفاته وماساب
الا الرخامه والردى والتجساس

واختامها صلاة صايم وتوّاب
على شفيع الناس من كل الاجناس

...

اقرها اكثر من مرة وسامحني على التطفل .