لغزٍ وله صبحية العيد ميلاد... والهقوه انه في ضحى العيد بايد...الحل:حليب الام..حله:ذيب

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز المفروض نازل الصبح لكني انشغلت


عيدٍ سعيدٍ عل ايامك اعياد=علِّه عليك بالخير دايم يعايد
لغزٍ وله صبحية العيد ميلاد= والهقوه انه في ضحى العيد بايد
اللغز حتى لو هو ياصاحبي صاد=لو صد ياتي له من الربع صايد
يامن تمر اللغزمابغاك شيَّاد=بس مطلبي مادون فعله لدايد
اِمَّا ارمعه وِلَّا لِمرماع اياد= او تكتفي للعود فيها تعايد
وش مارَدٍ تاتي له اجناس رواد=مارد ورواده بهم جهل سايد
مع ذا ترى الكل منه يارامعه فاد=كم قرَّب اللي من عداد البعايد
كل رايدٍ لابد ياتيه لداد=مغليه خلَّى دون شفِّه صدايد



مع تحيات ابو ماجد

منتديات مكشات . خيمة الالغاز

[ناصر العلي]

وعليكم السلام ورحمة الله وبركاته

سلمت يالغالي
وصح لسانك
ومن العايدين الفايزين المقبولين يالغالي
ولي عودة ان شاءالله

[ابو ماجد 2]

وعليكم السلام ورحمة الله وبركاته

سلمت يالغالي
وصح لسانك
ومن العايدين الفايزين المقبولين يالغالي
ولي عودة ان شاءالله

ياهلا ويامليون هلا بدكتورنا
سلمت من الشر
وصح بدنك
ومن العايدين الفايزين
شرفتنا
وفي انتظار مرماعك

[راعي العجراء]

او تكتفي للعود فيها تعايد

انا ابكتفي بالمعايده للعود
واقول كل عام وانت وافراد اسرتك
بخير وصحه وسلامه
عيدك مبارك

اما الرنع

الله يرحم الحال
بيني وبينه غربةٍ كنها الليل

وصح السانك يازعيم
وجاري التفكير يمكن الدعاء بعد التفكير

مع السلامه

[ابو ماجد 2]

او تكتفي للعود فيها تعايد

انا ابكتفي بالمعايده للعود
واقول كل عام وانت وافراد اسرتك
بخير وصحه وسلامه
عيدك مبارك

اما الرنع

الله يرحم الحال
بيني وبينه غربةٍ كنها الليل

وصح السانك يازعيم
وجاري التفكير يمكن الدعاء بعد التفكير

مع السلامه


ياهلا ومليون هلا
ومااحلى معايدة العود للعود
كل عام انت ومن يعز عليك بخير
وتعوده على خير ان شاء الله
وانتظر مرماعك يالغالي

[راعي العجراء]

ياهلا ومليون هلا
ومااحلى معايدة العود للعود
كل عام انت ومن يعز عليك بخير
وتعوده على خير ان شاء الله
وانتظر مرماعك يالغالي




الحين تاكدت انك عود مارديت على رمعتي وتقول انتظر مرماعك

[ابو ماجد 2]

الحين تاكدت انك عود مارديت على رمعتي وتقول انتظر مرماعك


وانا تأكدت انك عود
ردي يعني دور غيرها ياحلو

[نجم القوافي]

http://files.fatakat.com/2010/6/1277231607.gif

[ذيب الفقارة]

وعليكم السلام ورحمة الله وبركاته

كل عام وانتم بخير

صح لسانك فارسنا أبو ماجد

مايصير :

الثدي

تحياتي

[أبوكاش]

وعليكم السلام ورحمة الله وبركاته.
صح لسانك يالغالي.
وكل عام وأنت والجميع بخير وعافية، والعيد عليكم مبارك، وتقبل الله منا ومنكم صالح الأعمال والطاعات.

[النبهاني]

وعليكم السلام والرحمه
صح لسانك يازعم
وكل عام والجميع بخير
مؤيد لبو عدنان
وكم قرب من بعايد الاخوه بالرضاعه

[يمكن شاعر]

عليكم السلام
ياهلا وغلا يابوماجد
تقبل الله طاعتك
كل عام وانت بخير وعساك من عواده
وصح لسااانك يالغالي

[abdulaziz.net]

صح لسانك يابو ماجد

كل عام وانت بخير وينعاد عليك بالفرح والمسرات انت وكل من يشوف

[أم نورة]

صح لسانك أخوي أبو ماجد وعلا شانك

وأبيات في قمة الجمال والروعة

وعسى العيد يعود على الجميع بخير وسعادة

وشرايك أخوي أبوماجد برمعة اخوي الذيب

صابت والا نبي نفكر بهاللغز الطيب

وانا توني أقراه ماشفته قبل كذا

[ابو ماجد 2]

[SIZE="5"]هاللغز كنت اعتقد اني رديت
وقد يكون ايام ترقية المنتى حيث اختفت بعض المشاركات
على العموم الشكر لمن جلبه هنا
واقول
كفو كفووووووووو كفووووووووووو كفووووووووووو
ابو عدنان
والحل
حليب الام
الله يرحم والدينا[/
SIZE]

[ابو ماجد 2]

الشكر لكل من مر على اللغز
والمعذره الرد جماعي
وانا اكتب من الاي باد وتخبرون اعاني مشكله بالكتابه
واعتذر عن عدم اظهار الرد على ابو عدنان بالالوان التي تبرز الحل

[قوافي ( أم نهار )]

حياك الله ابوماجد
اللغز كان بالصفحات الخلفيه ولم يظهر الا بعد الرفع للمحلول وهناك الكثير من الالغاز اللتي ضاعت بين الالغاز المحلوله وظهرت الان وهذه ميزةرفع المحلول واظهار من تاه بين الصفحات دون حل..
واخيرا صح لسانك فارسنا وزعيمنا لغز جميل بصراحه
وكفو مشرفنا الفاضل ابو عدنان
تحياتي

[ابو ماجد 2]

حياك الله ابوماجد
اللغز كان بالصفحات الخلفيه ولم يظهر الا بعد الرفع للمحلول وهناك الكثير من الالغاز اللتي ضاعت بين الالغاز المحلوله وظهرت الان وهذه ميزةرفع المحلول واظهار من تاه بين الصفحات دون حل..
واخيرا صح لسانك فارسنا وزعيمنا لغز جميل بصراحه
وكفو مشرفنا الفاضل ابو عدنان
تحياتي

اعانك الله مشرفتنا جهد كبير ومضني
وشويبكم كان محتفظ برسائل لها ذكرى عن زملاء عزيزين
ولكن لعلي في احد مرات المسح للرسائل اللي تاتيني مسحت الجميع
مشرفتنا القاضله
ادرك مقدار الجهد المبذول
ولكنه بالنهايه ومع المتابعه سيسهل وستظهر ثماره للجميع

[قوافي ( أم نهار )]

اعانك الله مشرفتنا جهد كبير ومضني
وشويبكم كان محتفظ برسائل لها ذكرى عن زملاء عزيزين
ولكن لعلي في احد مرات المسح للرسائل اللي تاتيني مسحت الجميع
مشرفتنا القاضله
ادرك مقدار الجهد المبذول
ولكنه بالنهايه ومع المتابعه سيسهل وستظهر ثماره للجميع



اشكرك على سعة صدرك جزاك الله خير

ويعز علي فقدان تلك الرسائل ..

ان شاء الله بعد الترتيب كما تفضلت سيكون هناك اختلاف اهمه رؤية جميع الالغاز الغير محلوله وبسهوله والمحلول لن ينقل إلا بعد وصوله للصفحه الثانيه..

اشكرك واقدم اعتذري مرةً اخرى

تحياتي وتقديري واحترامي