استفسار ينشامي عن اجهزة شحن البطاريه وشحن الجوالات

[معدي المرقاب]

السلام عليكم ورحمه الله وبركاته وكل عام وانتم بالف خير وصحه وعافيه .اخواني الله جزاكم خير حاب اشتري جهاز شحن البطاريه وشحن الجوال وختلفت علي كثير من التجهزه ولا ادري ايهما الافضل فيهن الابيض والاسود والذهبي وفيهن الي قوته 22000 الف وفيهن 28000 الف وفيهن الي فيهن كهرب 220 فولت وقالو الارقام الي مكتوبه ماهي بصحيحه . الله يجزاكم خير امل افادتي من واقع خبرتكم عن افضل هالاجهزه الله يجزاكم خير ولايحرمكم الاجر

[مهندس مكشات]

وعليكم السلام ورحمته وبركاته
مرحبا فيك أخونا
وكل عام وانت بخير

أما عن أجهزة شاحن البطارية أو كم يسمى أسمها الصحيح بنك الطاقة

هناك العديد من الأنواع والمقاسات والماركات والاسعار هنا أو بالمحلات
ولكن الاهم هو تصميم الأمان

ويمكن يخفي على الجميع أنواع بنوك الطاقة

وهي تنقسم نوعين
1- بطاريات ليثيوم بوليمر وهذه الأفضل
ومن أشكالها التي تستخدم بداخل الجولات لأنها عمرها الزمني أطول

2- بطاريات ليثيوم أيون وهذه الرخيصة وكما نشاهدها تعرض باستمرار من بنوك الطاقة
وعمرها سريع مقارنة مع رقم MAh
وبعد فترة تكون بدون جدوى تشحن وتفرغ بسرعة
أو تغير البطاريات الداخلية


أن شاء الله أكون أفدتك

موفق خير باذن الله

[معدي المرقاب]

الله ايبيض وجهك ويجزاك خير انا ناوي اشري واحد وش تنصحوني فيه

[الغامدي_707]

النوع اللي فيه فيش كهرب 14 الف ملي امبير بس مغيرين الاستيكر
انا قابلت سعودي في دبي اشترى 50 حبه وقاله اذا بتعطيني معاها 50 استيكر 25 الف ملي امبير
يعني غش ومن غشنا فليس منا
نصيحه لاتشتري إلى انوع اللي منحوت فيه القوة وليس استيكر اذكر فيه محل بالجبيل يبيعها ب450 المنحوت بس يو اس بي واشتراك سيارة علما اني اشتريتها من دبي ب200

[الواثق 7]

فيه جهاز اسمه سنايدي وعليه ضمان سنه
وكيلة بالرياض

[أبو شيري]

تبي نصيحة مجرب

كنسل فكرة الشراء نهائي

ما تسوى ريال ... نعم ما منها فايده

لا تبني معلوماتك على ما يكتب بالنت لأنها للتسويق ... وقد يكون البائع ما جرب فعلي فقط قرأ مثلك وشرا كميه

أنا أخذت واحد وحسب ما قالوا عنه تشحن الجوال من 15 مره الى 20 مره

وبعد التجرب يشحن الجوال 3 مرات فقط اذا منتهي الجوال واذا فيه ربع نص ممكن يشحنه الى خمس مرات

جربت اشغل فيه سياره ما شغلها

ممكن يشغل دباب مدري ما جربت

الحقيقه ما هو على قد ما يقال عنه يعني دام الصناعه صيني انسى الموضوع وأصرف النظر عنه

[Cyber]

اذا تبي شاحن لكل شيء استخدم PowerAll
اذا كان للجوال فقط استخدم anker

[فتكا]

والله انا مثلك ودي اب واحد بس ينصحوني بالاسود باخضر على 25/20 دينار ولقيت اب محل الرحلات اللي بالمروج بالرياض على 350 ريال بس عندنا بالكويت انقطع شوف في ابيض يمكن اسمة كروني CORNY واهم شي شوف بياناته من ورة في عبارة C E سي مسافة اي تعني مطابق للمواصفات الاوربيه وخذ علية ضمان وجربة علة سيارة مفصول اصبع البطارية الموجب الاحمر او الزائد او البلاس+ وبالتوفيق والله اعلم

[معدي المرقاب]

الله يجزاكم خير وماقصرتم

[ترباس]

السلام عليكم
عزالله انه اكبر نعمة انى شرطت اني اجربه عنده وفعلا فصلت البطارية وشبكته على السيارة سكويا 8 سرندل على الجهاز ودقيت سلف وشتغلت السيارةاربع مرات صرف ربع البطارية يعني يمديه يشغل السيارة اكثر من 15 مرة وحجمه صغير كبر الكف وبوجوده يمديك تستغني عن ابطارية الاضافية
والسلام عليكم

[فايروخ27]

انا سويتلي شاحن بنفسي

رحت لمحل مجداف اللي بطريق الملك فهد واخذت بطاريه 12 فولت 7 امبير

وعملت عليها شاحن يو اس بي وشاحن مثل حق السياره وشاحن لابتوب كلها ترهيم طبعا

زابطه معي زي الحلاوه معي في كل مكان ... لا اخفيكم هههههه اني مع اول تجربه احرقت جوالي الايفون

وجهاز الماي فاي ولالقيت لهم ايسي بالرياض كلها حتى همسات اللي بالمرسلات عجزو فيها هههههه


تحياتي وانتبهو لجوالاتكم

[أبوحمد 505]

معي جهاز شارية وخدمني وخدم غيري وفك ازمات

وفي البر انا اشحن جوالي والعيال اللي يضطر جوالة على وشك يطفى يشحن

ونتعشى على لمبة الكشاف اللي فية

اذكر دخلت موتري مغسلة سيارات ويوم خلص الغسيل ابشغل ما اشتغل واطلع الجهاز واشرك

ومرة رايح لبنك ولقيت سواق معة جمس متعطل واطلع الجهاز واشغل الجمس ومرة واحد من الزملاء في مواقف
الجامعة دق علي وقال يبي سلك اشتراك ورحت شغلت موترة بالجهاز

وهو فعلاً نعمة اللي معي ١٨ الف ملي امبير

[ابوصالح 9990]

اجهزة powerBank لشحن جميع انواع الجوالات واللابتوبات والسيارات باي مكان



بقوة : 22000 امبير
الصناعة صينية درجة اولى
ضمان تشغيلي لمدة شهر

المكان : الرياض ( مع امكانية الشحن إلى جميع مناطق المملكة عن طريق DHL بإضافة 35 ريال )
السعر : 250 ريال فقط

مميزات الجهاز

- بطارية قوية بقوة 22000 امبير ( حقيقي ومجرب )
- تشحن جميع انواع الجوالات .
- منفذ خاص لشحن اللابتوبات بجميع انواعها
- منفذ مع مشترك لشحن بطارية السيارة
- حجم صغير
- كشاف ليد ( اضاءة عادية او طوارئ )

يوجد مرفق مع البطارية شاحن سيارة + شاحن بيت لشحنها في اي مكان
مرفق كيبل لشحن جميع انواع الجوالات
مرفق كيبل مع عدة رؤوس مختلفة لشحن اللابتوبات
مرفق مشترك لشحن بطارية السيارة
وسيلة الإتصال : 920008864 - 0598169338
منقول

[aziz295]

السلام عليكم
عزالله انه اكبر نعمة انى شرطت اني اجربه عنده وفعلا فصلت البطارية وشبكته على السيارة سكويا 8 سرندل على الجهاز ودقيت سلف وشتغلت السيارةاربع مرات صرف ربع البطارية يعني يمديه يشغل السيارة اكثر من 15 مرة وحجمه صغير كبر الكف وبوجوده يمديك تستغني عن ابطارية الاضافية
والسلام عليكم

نبي صورة للجهاز اللي عندك او اسمه

[aziz295]

معي جهاز شارية وخدمني وخدم غيري وفك ازمات

وفي البر انا اشحن جوالي والعيال اللي يضطر جوالة على وشك يطفى يشحن

ونتعشى على لمبة الكشاف اللي فية

اذكر دخلت موتري مغسلة سيارات ويوم خلص الغسيل ابشغل ما اشتغل واطلع الجهاز واشرك

ومرة رايح لبنك ولقيت سواق معة جمس متعطل واطلع الجهاز واشغل الجمس ومرة واحد من الزملاء في مواقف
الجامعة دق علي وقال يبي سلك اشتراك ورحت شغلت موترة بالجهاز

وهو فعلاً نعمة اللي معي 18 الف ملي امبير

نبي صورة للجهاز اللي عندك او اسمه