اليوكون انصدم وأبغى مشورتكم

[aboteef]

السلام عليكم ورحمة الله وبركاته

كل عام وانتم بخير جميعا

وتقبل الله منا ومنكم صالح الأعمال


باختصار

البارح سيارتي( يوكون 2002 ) انصدمت واقفة من سوناتا وشرد الله يسامحه

المهم هذي ولله الحمد أول صدمة في البودي وقبلها كان بودي بلد ولله الحمد
وهذا اللي زعلني وضغطي ارتفع وطار النوم

لكن نحمد الله على كل
http://img.tapatalk.com/d/14/07/31/6yta6ygu.jpg


السؤال الان

اللي تحت الباب انشق هل يتصلح او لازم تغيير وكم يكلف

والباب واضحة طعجته هل يتعدل بسهولة او يصعب تعديله

وكم يكلف

واذا لازم تغيير هل توجد في التشليح



انا في مكة
وين الورشة الصاحية والامينة

ماعندي ورقة اصلاح والتأمين منتهي ?

هل تتصلح بدونها او يعطوني المرور بدون تقرير


ادري كثرت الاسئلة بس من قهري والحمد لله اولا وأخيرا

الله لا يوريكم مكروه في حلالكم


وجزاكم الله خيرا جميعا

[ابوصالح666]

حبيبي لازم سمكره للي تحت مشقوق والي فوق يتعدل بس بيكون واضح على حسب السمكري
وبنسبه لورقه الأصلاح لازم وتاخذها من المرور عادي وبعض الورش ماعندها مشكله تصلحلك بدون ورقه والأفضل أنك تدورلك باب من التشليح نفس بابك ونفس اللون أفضل والمفروض انك وقت الحادث مبلغ المرور على الي صدمك

[أبونجم]

أولا الحمد لله على السلامة يا ابو طيف ومعوض خير .

ثانيا المرور مايعطيك ورقة اصلاح الا لما يكون عندك تأمين حتى لو الخطأ على الطرف الثاني 100 بالمية .

والباب يتسمكر وعلى حسب شغل الورشة بس عاد تعرف لازم ينحط معجون .

وسلامتك .

[aboteef]

حبيبي لازم سمكره للي تحت مشقوق والي فوق يتعدل بس بيكون واضح على حسب السمكري
وبنسبه لورقه الأصلاح لازم وتاخذها من المرور عادي وبعض الورش ماعندها مشكله تصلحلك بدون ورقه والأفضل أنك تدورلك باب من التشليح نفس بابك ونفس اللون أفضل والمفروض انك وقت الحادث مبلغ المرور على الي صدمك
الله يعطيك العافية

بالنسبة لوقت الحادث كان بالليل وانا شفت سيارتي الصبح ومدري مين اللي صادمني
وبعد العصر جاني واحد من الجيران وقال لي اللي صدمك سوناتا لكن ما اخذ رقم اللوحة

وبالنسبة للباب بكم تتوقع القاه في التشليح

[aboteef]

أولا الحمد لله على السلامة يا ابو طيف ومعوض خير .

ثانيا المرور مايعطيك ورقة اصلاح الا لما يكون عندك تأمين حتى لو الخطأ على الطرف الثاني 100 بالمية .

والباب يتسمكر وعلى حسب شغل الورشة بس عاد تعرف لازم ينحط معجون .

وسلامتك .

جزاك الله خير وبيض الله وجهك على الرد


والله يختار الخير

خابرلي ورشة تصلح بدون ورقة

ابمرهم واشوف علومهم والله ييسر

[م.سعيد]

الخمد لله على السلامة..
شوف لك سمكري مضبوط يعدل قد ما يقدر بحيث ما يحتاج سماكة معجون زيادة..
بالنسبة لورقة الاصلاح امرها سهل..تحصل عليها بعد ما يستمع المحقق لاقوالك حتى لو ما عندك تأمين..

[جني صغير]

اخوي تراء تعتبر صدمه الباب خفيفه بالمعنى تعدل بدون رش ولا معجون

اما اللي تحت الباب فهي لازم تسمكر

الله يعوضك بخير

[راعي الرود]

الحمد لله على السلامه
لا تزعل ولا تضيق صدرك الدنيا فانيه وانا اخوك وراس ماله حديد و انطعج
بالنسبه لورقه الاصلاح ماتبي شيء امرها سهل حتى لو ماعندك تأمين
و السمكره تنفع بس لا يكثر معجون و اشرط عليه يطابق اللون صح

[الحربي 591]

اخوي بالنسبه لي انصحك تغير الباب وتبعد عن السمكره
ولله الحمد ما عمري سمكرت ولو نص صانتي
بالنسبه للطعجه انا قبلك واحد دقني وانطعج البااب وفكيت الديكور وارفسه ورجع لكن راح يكون واضح

[aboteef]

الخمد لله على السلامة..
شوف لك سمكري مضبوط يعدل قد ما يقدر بحيث ما يحتاج سماكة معجون زيادة..
بالنسبة لورقة الاصلاح امرها سهل..تحصل عليها بعد ما يستمع المحقق لاقوالك حتى لو ما عندك تأمين..
الله يسلمك من كل ياخوي

وجزاك الله خير على النصيحة والرد

[aboteef]

اخوي تراء تعتبر صدمه الباب خفيفه بالمعنى تعدل بدون رش ولا معجون

اما اللي تحت الباب فهي لازم تسمكر

الله يعوضك بخير
صدقت الله يجزاك خير

انا بعد هدأت اعصابي وروقت رحت تفحصت السيارة ولقيت نفس كلامك
الباب ممكن يتعدل

لكن البلا من اللي تحت

لكن ربك ييسرها

[aboteef]

الحمد لله على السلامه
لا تزعل ولا تضيق صدرك الدنيا فانيه وانا اخوك وراس ماله حديد و انطعج
بالنسبه لورقه الاصلاح ماتبي شيء امرها سهل حتى لو ماعندك تأمين
و السمكره تنفع بس لا يكثر معجون و اشرط عليه يطابق اللون صح
جزاك الله خير الجزاء

الضيق وانا اخوك له عدة اسباب
اولها ان السيارة واقفة
واللي صدمني شرد

وبعدين لأنها او صدمة فكانت قاسية وثقيلة على النفس
لكن ابشرك اليوم الحمد لله روّقت وهديت وتعوذت بالله من الشيطان

وعلى قولتهم طاح اللي في راسي

وجزاك الله خير على كلامك ودعمك لاعدمناك

الله لايوريك مكروه في حلالك ومن تحب وجميع الاعظاء

[aboteef]

اخوي بالنسبه لي انصحك تغير الباب وتبعد عن السمكره
ولله الحمد ما عمري سمكرت ولو نص صانتي
بالنسبه للطعجه انا قبلك واحد دقني وانطعج البااب وفكيت الديكور وارفسه ورجع لكن راح يكون واضح
جزاك الله خير على نصيحتك الغالية عندي

وبدوّر في التشليح وربك ييسر

[أبو الوليد 14]

معوض خير يالغالي
الافضل انك تشري باب تشليح بدون ديكور وتريح راسك
بخصوص السعر اعتقد حول ال500 ربال او اقل

[سيف وقلم]

رح للمرور على طول يعطونك ورقة إصلاح عن تجربة.

والحمد لله على السلامة.

[السومر]

الحمدالله على السلامه

وبما ان السياره تروح وتجي .... رح للورش وشف تكلفة السمكره للباب وبعدين رح لتشاليح وش قيمة الباب

اذا ما تفرق واجد خذ باب من التشليح و ياسلام لو يجي نفس الون

[aboteef]

معوض خير يالغالي
الافضل انك تشري باب تشليح بدون ديكور وتريح راسك
بخصوص السعر اعتقد حول ال500 ربال او اقل
جزاك الله خير على دعواتك الطيبة ونصيحتك الغالية ومعلوماتك المهمة

رح للمرور على طول يعطونك ورقة إصلاح عن تجربة.

والحمد لله على السلامة.
بيّض الله وجهك وجزاك الله خير

الحمدالله على السلامه

وبما ان السياره تروح وتجي .... رح للورش وشف تكلفة السمكره للباب وبعدين رح لتشاليح وش قيمة الباب

اذا ما تفرق واجد خذ باب من التشليح و ياسلام لو يجي نفس الون
جزاك الله خير
نصيحة من ذهب

[سقم المعادي 1]

خذ باب مفرغ بدون الديكور من التشليح و دور نفس لون موترك
وحسبي الله على اللي صدمك لا ذمه ولا خوف من الله
يمكن لو هو حاط لك رقمه في ورقه سامحته بس حاس بشعورك غبنه ينحاش كأن الدعوه سايبه لاني مريت بنفس الموقف موتري انصدم وهو عند باب البيت وانحاش اللي صدمه لا حط ورقه ولا اي شيء الله لا يوفقه

[مسير عليكم]

الله يعوض عليك
ويرزقك بالورشه الممتازه
اخوي احرص علي الهنود دايمن شغلهم كويس وسعرهم كويس وانحش عن العرب باشكالهم والوانهم والبنقاليه ماعندهم سالفه
والاتراك غالين وشغلهم ممتاز
واخيرا افرض شروطك عليه من قبل لا يبتدي ولا تضحك له خلك معه واضح وصارم بالشغل والون والرشه تكون البويه والرش فرن
هذا الي عندي والله يسخر لك الي فيه خير وصالح لك ويسخر لك الورشه الصاحيه

[aboteef]

خذ باب مفرغ بدون الديكور من التشليح و دور نفس لون موترك
وحسبي الله على اللي صدمك لا ذمه ولا خوف من الله
يمكن لو هو حاط لك رقمه في ورقه سامحته بس حاس بشعورك غبنه ينحاش كأن الدعوه سايبه لاني مريت بنفس الموقف موتري انصدم وهو عند باب البيت وانحاش اللي صدمه لا حط ورقه ولا اي شيء الله لا يوفقه

جزاك الله خير وانا اخوك على النصيحة لا خلا ولاعدم الله يبارك فيك

وفعلا انه شرد ولا عبر احد هو الشي اللي قهرني
لكن الحمد لله على كل حال



الله يعوض عليك
ويرزقك بالورشه الممتازه
اخوي احرص علي الهنود دايمن شغلهم كويس وسعرهم كويس وانحش عن العرب باشكالهم والوانهم والبنقاليه ماعندهم سالفه
والاتراك غالين وشغلهم ممتاز
واخيرا افرض شروطك عليه من قبل لا يبتدي ولا تضحك له خلك معه واضح وصارم بالشغل والون والرشه تكون البويه والرش فرن
هذا الي عندي والله يسخر لك الي فيه خير وصالح لك ويسخر لك الورشه الصاحيه

جزاك الله خير ياغالي على النصيحة الغالية

الاتراك ما مثلهم في السمكرة والبوية لكن موسهم حااااادة بالحيل

لكن الشغل غالبا ممتازين

وربنا ييسر لنا ولكم الخير

[عبار درب]

اذا قررت تسمكر خذ نصيحة شف شغل الورشة اول في سيارة عندهم قبل معجنتها و رش البوية اذا سمكرتهم نظيفه شف نهاية سعرهم و قارنه بالتشليح و تاكد عند قطع الغيار يمكن تحصل باب صناعة صينية جاهز عليه المعجون بس رش البوية انا لقيت شنطة و كبوت لفورد بتراب الفلوس و ركبتهن من احلى ما يكون