ابي استشيركم .. أرجو الجميع الدخول .......!

[تاج المملكه]

السلام عليكم ..... أولاً من العايدين الفايزين الجميع وينعاد عليكم بالصحة والعافية يارب ... كيفكم ان شاءالله تمام ...؟

الكل عيد ولله الحمد قبل يومين والله يعيده علينا وعليكم كل سنة يارب .. وانتم تعلمون كل منطقة عندهم عادات وتقاليد .. وحنا بمنطقتنا عيد الفطر بعد مانصلي صلاة العيد نقلط عيدنا مع عيد الحارة (الجيران ) نجتمع مع بعض وكل بيت يأتي بصحن رز ولحم ونتشارك بالأكل .... لكن لاحظة البعض يجيب عيده بصينية كبيرة والبعض الاخر بصحن العادي وشاهدة العيد هذا صياني جديدة الشكل .....سؤالي إذا كانت عندي او عند اي واحد فيكم مناسبة عشاء او عيد او اي مناسبة ايهم أفضل تقلط الضيوف عليه

1- صواني كبيرة مثل كذا

http://im79.gulfup.com/bfbuh5.png (http://www.gulfup.com/?taXswh)

2- الصحون العادية
http://im79.gulfup.com/DpY0dZ.jpg (http://www.gulfup.com/?u3OS7P)

3- صواني المطورة الجديدة الشكل

http://im85.gulfup.com/oA0g18.png (http://www.gulfup.com/?xNHlMW)
http://im85.gulfup.com/TqDzcd.png (http://www.gulfup.com/?fakXWz)

[تاج المملكه]

اشوف اعضاء يشاهدون الموضوع ويخرجون بدون رد !! اتمنى المشاركة .. وإذا موضوعي فيه شي غلط او شي علموني علشان اكلم الأدارة تحذفه ..

[مطر الصبح]

هلا بك أخوي أنا توني مريت هنا وأقول كل عام وانت بخير

وبالنسبة لسؤالك الأحسن حسب عدد ضيوفك إذا كانوا واجد

وراح يأكلوا النعمة ويستروها جيب صواني كبيرة وإذا كان العدد

قليل جيب من الصغير وأهم شيء النعمة ما ترمى وهذه وجهة

نظري المتواضعة ودمت .

[تاج المملكه]

هلا بك أخوي أنا توني مريت هنا وأقول كل عام وانت بخير

وبالنسبة لسؤالك الأحسن حسب عدد ضيوفك إذا كانوا واجد

وراح يأكلوا النعمة ويستروها جيب صواني كبيرة وإذا كان العدد

قليل جيب من الصغير وأهم شيء النعمة ما ترمى وهذه وجهة

نظري المتواضعة ودمت .

يعطيك العافية اخوي .... طيب ابي اعرف ايهم يفضل الضيوف الصواني الكبيرة ام الصحون ؟ والحمدالله عيدنا بقي منه حاجه بسيطه ووزعناه على المحتاجين

[صخب]

كل عام وانتم بخير
اتوقع يعتمد على عادات كل منطقه بتقديم الولائم
على سبيل المثال عندنا مانقلط المفطح الا على صواني كرسي (الصواني الكبيره) سواء وليمة ضيف او وليمة أعراس اذكر قبل حوالي عشرين سنه ماكانت موجوده صواني الكرسي وكنا نضع الصينيه فوق كفرات ددسن عشان نرفعها عن الارض كفرين لكل صينيه
من وجهة نظري الافضل صواني الكرسي اريح بالاكل واسهل بالحمل وانظف حيث انها ترفع الاكل عن الارض خاصه اذا كان التقديم على ارض ترابيه وللمعلوميه يجي منها احجام مختلفه كبير ومتوسط وصغير

[قوافي ( أم نهار )]

عليكم السلام ورحمة الله وبركاته
كل عام وانت والعائله الكريمه بخير وتقبل الله منا ومنكم صالح الاعمال
دائما الافضل ما تراه مناسب انت لضيوفك
كبار السن تزعجهم الصياني المرتفعه والمفضل دائما التبسي او الصينيه ام غطي برقم 3
وحقيقة انا افضل ام غطي فالقصدير بملامسته للاطعمه فيه اضرار صحيه ايضا الغطاء للصينيه كشكل مرتب ويحتفظ بالحراره اكثر وارتفاعها اثناء الجلوس للغداء او العشاء مناسب للجميع..
تحياتي وتقديري واحترامي
اختك
..قوافي..

[الجهنيF]

والله انا افضل الكبيره احسن اذا كان فيه رجال احراجات اما اذا ناس قريبين منك اي شي

[تاج المملكه]

كل عام وانتم بخير
اتوقع يعتمد على عادات كل منطقه بتقديم الولائم
على سبيل المثال عندنا مانقلط المفطح الا على صواني كرسي (الصواني الكبيره) سواء وليمة ضيف او وليمة أعراس اذكر قبل حوالي عشرين سنه ماكانت موجوده صواني الكرسي وكنا نضع الصينيه فوق كفرات ددسن عشان نرفعها عن الارض كفرين لكل صينيه
من وجهة نظري الافضل صواني الكرسي اريح بالاكل واسهل بالحمل وانظف حيث انها ترفع الاكل عن الارض خاصه اذا كان التقديم على ارض ترابيه وللمعلوميه يجي منها احجام مختلفه كبير ومتوسط وصغير
اعجبتني نرفع كفرات ددسن هههههههههههههههه طيب ليه تحطون تحت كفرات هي مرفوعه من نفسه !!!!! والصواني الكرسي ع قولتك حلوة بس إذا فيه اولاد صغار راح يتعبون وتكون مرتفعه عنهم :confused:

[تاج المملكه]

عليكم السلام ورحمة الله وبركاته
كل عام وانت والعائله الكريمه بخير وتقبل الله منا ومنكم صالح الاعمال
دائما الافضل ما تراه مناسب انت لضيوفك
كبار السن تزعجهم الصياني المرتفعه والمفضل دائما التبسي او الصينيه ام غطي برقم 3
وحقيقة انا افضل ام غطي فالقصدير بملامسته للاطعمه فيه اضرار صحيه ايضا الغطاء للصينيه كشكل مرتب ويحتفظ بالحراره اكثر وارتفاعها اثناء الجلوس للغداء او العشاء مناسب للجميع..
تحياتي وتقديري واحترامي
اختك
..قوافي..

فعلاً كلامك صحيح الصينية ام غطى اعجبتني .. وبأذن الله راح اشري وحدة مثلها ... لاأن بصراحة هذا اول عيد تمر علي صينية الغطى وفتحتي للموضوع علشانه..... وارتفاعها مناسب حتى للأطفال .... لكن توقع بكم سعرها ..؟ وهل يجي اطقم او اقدر اشري واحدة الحجم الي يعجبني ....

[تاج المملكه]

والله انا افضل الكبيره احسن اذا كان فيه رجال احراجات اما اذا ناس قريبين منك اي شي
ليه احراجات ممكن تذكر السبب اخوي لااني ماعرف للحين وش الي يعجب الضيوف

[قوافي ( أم نهار )]

فعلاً كلامك صحيح الصينية ام غطى اعجبتني .. وبأذن الله راح اشري وحدة مثلها ... لاأن بصراحة هذا اول عيد تمر علي صينية الغطى وفتحتي للموضوع علشانه..... وارتفاعها مناسب حتى للأطفال .... لكن توقع بكم سعرها ..؟ وهل يجي اطقم او اقدر اشري واحدة الحجم الي يعجبني ....

حياك الله

الاسعار ما اقدر احددها لكن هي بمتناول الجميع

الاحجام فيه مقاسات مختلفه كبيره وصغيره وتقدر تشري العدد والحجم المناسب لك ..ولا بالضروره شراء طقم تقدر تاخذ صينيه او عشره لا مشكله ..

تحياتي

[تاج المملكه]

حياك الله


الاسعار ما اقدر احددها لكن هي بمتناول الجميع


الاحجام فيه مقاسات مختلفه كبيره وصغيره وتقدر تشري العدد والحجم المناسب لك ..ولا بالضروره شراء طقم تقدر تاخذ صينيه او عشره لا مشكله ..


تحياتي



يعطيكي العافية اختي ماقصرتي .... اسف اول رد لك ماانتبهت ماكنت اظن انك حرمه

[قوافي ( أم نهار )]

يعطيكي العافية اختي ماقصرتي .... اسف اول رد لك ماانتبهت ماكنت اظن انك حرمه
الله يعافيك ويرفع قدرك بالدارين

الله يتمم مناسبتك على خير وكما تحب

الصياني تلاقيها ان كنت من أهل الرياض اسواق العويس وابن دايل والنسيم او سوق السباله أو محلات السيف أو قصر الاواني كل ماتحتاجه من صياني مناسبات عندهم

تحياتي وتقديري واحترامي لشخصك الكريم