استفسار عن عدم طلوع موس حذفته الشيهانه ضعيف

[سطام ابو سعود]

السلام عليكم
وكل عام ونتم بالف خير
اخواني جزاكم لله خير عندي شاهين بحريه حذفت احد الامواس وعند النصف انكسرت من فوق المشه وبقي حوالي 2صانتي من قصبت الريشه وبعد ايام حذفتها واما الموس الثانيه عند النص حذفته ضعيفه والمشكله له حوالي شهر ونصف وماطلع اي موس كل الامواس ماطلعن ابد ابد للمعلوميه اعلف سمان فري ونصحني احد الاخوان بعطاء بيض وزيت كبد الحوت ولي شهر ونصف واعطيها مع العلف بدون فايده اذ احد يعرف الحل اونقص فايتمين يفورنا فيه وجزززاكم لله الف خير

[هم الشمالي]

شف مالك الا توديها للمستشفى لأن ماضنتي أحد بيفيدك لأن تشخيص حاله الطير لازم بيطري يكشف عليها وعلى منبت ريش الأمواس

[صاحب بوعبود]

السلام عليكم ورحمة الله وبركاته
من الطبيعي اذا الطير حس بأن الريشه التي ظهرت ضعيفه يقوم بحذفها واستبدالها بريشه اقوى منها.
اما مسألة لم تظهر بديله عنها من شهر وزياده هنا توجد مشكله في منابت الريش
مثل ماقالو الاخوان ودها لمستشفى فهد بن سلطان بالرياض او العويدي
ونرجو افادة المنتدى بعد العلاج لكي تعم الفائده للحميع وطرق العلاج المستخدمه.

[سطام ابو سعود]

شكراا للاخوان وننتظر اهل الخبره

[راعي القراميش]

الطير بنفسه عق الريشة بمنقاره و العالم الله لانها مكسورة و دامية تالمه و منبت الريشة انقطع مع الريشة
اتمنى منبت الريشة سليم.. الدكتور أدرى بها

كان عندنا طير يصيد بلا امواس نفس الحالة و به سبق و ما اثر نقص الامواس ذاك الزود

[راعي اللزقز]

الطير شي طبيعي انه يحذف الموس او يصعده اذا كان ضعيف الموس نفسه او كان منكسر
قبل كنا اذا ابطا علينا الطير ماحذف قصينا نص الموس ويحذفه بعد اسبوع
ولاكن طيرتك اكتفها وافحصها لاتصير منعميه الامواس
الوقت قصير ولايداهمك ان ماقدرت العويدي قريب والمواتر تقرب البعيد
الموس لاطاح احسب بعده بالكثير ١٦ ليله ويبين لك
والشاهين البحر قزازه وادنى ماجاب اللي في نفسها

[سطام ابو سعود]

اكتشفت العله يا اخوان نقص فايتمين اعطيتها فيتامين سائل من قطر بعد الله مابعده شي بخمسين ريال علاج للنقص الفايتمين للشواهين