والحل مع مكيف الفتك

[بو طيف]

السلام عليكم ورحمة الله وبركاته...
كل عام وانتم بخير...وعساكم من عواده...
اخواني اعضاء هذا المنتدى الرائع عندي فتك سوبر سفاري 2006 وفيه مشكله بالمكيف الا وهي انه يفصل الكمبروسر لمدة ثواني وتقل البروده بشكل ملحوظ وخاصة في الظهر ويرجع يشبك الكمبروسر ويرجع التبريد ممتاز...
مع العلم اني قمت بتغيير الثلاجه حيث انه كان يوجد تهريب بالثلاجه..
وقمت بتغيير الكمبروسر وبلف الثلاجه وعلبة الفريون وعبيت فريون امريكي اصلي..
ومازالت المشكله موجوده...
اخر حل توصل له الفني انه يقول غير الترموستات اللي يجي بالثلاجه شكله سلك وبه طرف معدني قلت اجرب واشوف...
واتمنى من مرت عليه مثل هذه المشكله يفيدني لاني اسنتفذت جميع الحلول بدون فايده..
مع العلم يااخوان اني مغير راديتر جديد وكلتش مروحه والحراره ماشاء الله ماتتجاوز الربع..
واسف على الاطاله...

[موادع 1]

طبيعي يفصل المكيف ويحتر الهواء
وبعدين وانا اخوك هاليومين الحراره عاليه
بشكل غير طبيعي وكثر خيره اللي يبرد
اصبر بس شهر وتعدي شده الحر

من وصفك للمشكله ما اشوف شي يحتاج تصليح
وانت ماقصرت عملت صيانه كامله

الله يبارك لك

[بو طيف]

الله يبارك بايامك يااخ موادع واشكرك على الرد...
المشكله ماكانت موجوده قبل كذا والموتر له معي اكثر من ثلاث سنين وتوها ظهرت من كم شهر حتى انه وقت مايفصل تطلع ريحه غريبه كانها رطوبه او ريحة مكيف صحراوي..

[بو طيف]

100 مشاهد ولافيه غير رد واحد...ياليت اللي مرت عليه مثل ذي المشكله يساعدني بوضع الحل...
اتمنى من المشرفين المتميزين بدوي جنوبي واصيل حجازي المشاركه بخبراتهم وارائهم المميزه...

[بو طيف]

للرفع.....

[بامالك]

عليكم السلام ورحمة الله وبركاته .... اخوي بو طيف ... شيك على سير المكيف يمكن يكون مرتخي او مشدود او ماهو راكب مكانه بالزبط ..... لانو مريت بالمشكلة ذي ...كان يفصل كثير المكيف ويطلع هوا حار وشوي يبرد وماكان عندي اي تهريب او اي مشكلة الحمد لله ... وبمجرد ماهزيت السير سبحان الله راحت المشكلة
حبيت انقل تجربتي البسيطة لك .. وربي يسهل امرك وامر المسلمين ..

[بو طيف]

حياك الله اخوي بامالك وبيض الله وجهك...
لكن المشكله مو من السير لاني واجهت المشكله على الكمبروسر السابق وغيرته بواحد جديد ونفس المشكله لكن بشيك واشوف...وشاكر لك تفاعلك

[ابوس11م]

فيه طريقه تبرمج المكيف انت بنفسك ويصير بارد وانت تلاحظ ودفع الهوى يزيد
الطريقه الموتر طافي تجي لفرارات المكيف الاوسط مال الحراره خله على 25 بالنص وعقبه افتح السويتش لاتدقه سلف بس تولع علامات الطبلون في اطبعك اضغط عشر او خمس ثواني على الهوئ الداخلي ضغطه مستمره لاترفع يدك لين تشوف يطفي ليت الكومبريسر مال المكيف الايمن ويطفي مال الاوسط اذا ماصارت معاك عيد الشغله لين تضبط معاك لاضبطت فر مال الحراره خله على 32 راح تشوف وانا تحركه يطفي الليت ويشب مال الكومبريسر والهوى الخارجي عقب ماتتحطه على 32 اضغط على اليت مال الكومبريسر مال سرعة التكييف راح يطفي دق الموتر سلف راح تتغير صوت دقت السلف يعني تبرمج شغر المكيف وتمتع بالبراد بس لاتنسا تشغل الكومبريسر واذا كان الهوى الجو حار ومانفع التكييف شغل مع المكيف الثلاجه راح يصير غصب بارد وسلامتك

[بو طيف]

[QUOTE=ابوس11م;10178118]فيه طريقه تبرمج المكيف انت بنفسك ويصير بارد وانت تلاحظ ودفع الهوى يزيد
الطريقه الموتر طافي تجي لفرارات المكيف الاوسط مال الحراره خله على 25 بالنص وعقبه افتح السويتش لاتدقه سلف بس تولع علامات الطبلون في اطبعك اضغط عشر او خمس ثواني على الهوئ الداخلي ضغطه مستمره لاترفع يدك لين تشوف يطفي ليت الكومبريسر مال المكيف الايمن ويطفي مال الاوسط اذا ماصارت معاك عيد الشغله لين تضبط معاك لاضبطت فر مال الحراره خله على 32 راح تشوف وانا تحركه يطفي الليت ويشب مال الكومبريسر والهوى الخارجي عقب ماتتحطه على 32 اضغط على اليت مال الكومبريسر مال سرعة التكييف راح يطفي دق الموتر سلف راح تتغير صوت دقت السلف يعني تبرمج شغر المكيف وتمتع بالبراد بس لاتنسا تشغل الكومبريسر واذا كان الهوى الجو حار ومانفع التكييف شغل مع المكيف الثلاجه راح يصير غصب بارد وسلامتك[/QUOTE
جعلك سالم غانم يااخ ابوس جربت هالطريقه ومانفعت معي لكن يوم اشغل الثلاجه مع المكيف يصير ابرد فعلا...]

[بو طيف]

للرفع ...........

[راعي النياسين]

عندي وانا اخوك نفس مشكلتك بالضبط من الصيف الي راح والى وقت ذا مالقيت لها حل

وفحصته عند اكثر من ورشة كل شي سليم كمبروسر والثلاجة والفريون كلهن ممتازة لكن فيه احد الورشات قالي ممكن تكون من مراوح رديتر المكيف او من رديتر المكيف ولا غيرتها

ومن ذاك الوقت اذا وقفت في زحمه ولا احتر المكيف شغلت معه الثلاجة او المكيف الخلفي ويضبط

الله يعين ... المعذرة على الاطالة

[الصيادالمليح]

المشكلة مثل ما قال الفني لك هو أنك تغير الثرموستات وهو اللي يخلي المكيف يفصل وشكل اللي عندك ضارب

[فتكا]

الله يكون بعونك وانت بخيروصحة وسلامة كان عندي 2002 سوبر كان كهربته لك عليها انتو ارفين الموديل فاشل بالنسبة لي كان الطبلون نفس ما تقول الاضاة كنة فيها رمشة او زغللة وكانت هذي تلعب اب كهربت السيارة بدلت الدينمو وضبط المكيف بنسبه 60% بالمية وديتها ال صناعية الصليبية طبعاً في الكويت وفحصها الباكستاني ورش على راديتر المكيف ماء اللي هو المكثف وصار المكيف ثلج طبعاً انت سو الطريقة هذي ابنفسك شقل الثلاجة والسنترال المكيف اللي ورا واذا صار ثلج يكون الكمبريسر ظعيف بس اهم شي الكهرياء يمكن الدينمو حرق كتاوت او ثيرموستات الثلاجة اللي تحت الدرج اللي اسمها المبخر كان عندي السفاري كنت مرات بالخط اطفي الكمبوريسر واشقله ويظبط ويثلج الزر اللي هو A/C احتمال يكون كتاوت او مثل ما قالو ثيرموستات الله يكون ابوعنك ويرزقك مكان الخلل او العطل الفني والله اعلم

[أحمد محمد1429]

يالحبيب انا ودي اعرف ليش غيرت كل هالأشياء : الثلاجه تقول فيها تهريب مافيه مشكله , طيب الكومبروسر وعلبة الفريون ليش غيرتهم مشكلتك من الترومستات خلف الدرج وهذي معروفه والفني عارفها بس الله يهديهم يقول غير وغير علشان يستفيد من حاجتين اول شئ اجرة الشغل وثاني شئ في القطع اللي تخليها عنده يبيعها لأن تغيير الترومستات اعتقد مايكلف 50 ريال بينما الأشياء اللي غيرتها شغل يده مايقل عن 350 ريال غير التعبئه

[بو طيف]

حياالله الجميع وافين ماقصرتم وجعل عماركم طويله...
بالنسبه لتغيير الكمبروسر والعلبه والبلف لان المكيف عندي كان على مزاجه يبرد مره يبرد ومره يحتر المهم فحصت الموتر بالكمبيوتر وغيرت الكمبروسر وغيرت معه الثرموستات ولكن لازالت مشكلة الفصله موجوده ولكن المكيف بصفه
عامه تبريده حليو ولكن مو مثل ماكان قبل لايخرب واغير كل القطع السابقه صار يمشي الحال في النهار وفي الليل بارد