سؤال للخبراء: ماهو اسرع 10طيور قد يعجز الصقر عن امساكها.

[صقار حيدان]

كما هو موضح
اسرع 10 طيور(فرائس) قد يعجز الصقر عن امساكها
واذا امكن مع ذكر مقدار السرعة.
شاكر لكم مقدما.

[القصير111]

حد علمي ان القطا سريع ولاتلحقه الطيور
ويفيدونك اﻹخوان

أما طلبك 10 طيور مالتحس انها كثيرة شوي

حنا يادوب نهد طيورنا على حبارى إن حصلت ولا كروان ولا حمام
وبعض الناس يهد على نوارس وصلال

تقبل مروري

[THE SNIPER H]

حد علمي ان القطا سريع ولاتلحقه الطيور
ويفيدونك اﻹخوان

أما طلبك 10 طيور مالتحس انها كثيرة شوي

حنا يادوب نهد طيورنا على حبارى إن حصلت ولا كروان ولا حمام
وبعض الناس يهد على نوارس وصلال

تقبل مروري



كﻻمك مظبوت واضيف علي ذلك القميري السليم
مره هديت وكريه علي قميريه منتوف منها 4 ريشات
والله الطير كان هيضيع وراها لوﻻ ان القمريه اتخبت منه ورجع لي الطير تاني

[الصقار بدر]

القطا بعدين القميري واليمام ابو طوق سبوق

[صقار حيدان]

يعطيكم العافية
اذا امكن الاسرع بالترتيب بين هذي الطيور
القطا الكروان القميري الحمام النورس

[ابو العز.]

الشاهين اسرع وصيده مايعدي

[WhiteBeard]

من خلال اللي هديت عليها أو اللي شفت أهل الطيور يهدون عليها

١- الدرج ٢- القطا ٣- الحمام الزاجل ٤- القمري ٥- الحبارى ٦- الكروال

هذا على حسب ما شاهدت وربما يعتريها الخطأ

[شرمان99]

انا من تجربتي كانت عندي شبط جبلي افكه على كل شي حتى اليمام ابو طوق يلحقه ويصيده لاكن اللي عجز عنه اللي هو الدرجلان او القيروان عليه سبق وانا اقول مستحيل ان فيه طير يصيدة من سبقة شي انا مجربة وسلامتكم

[شرق المغيب]

اضيفوا البط النحم سريييع ال f16

[أبو فااارس]

الشيهانه الوحش مايروح عليها شي نهائي اما البيتيات والحر الوحش والبيتي مايلحق القطا يمكن بس

[الرجم النايف]

الدرج او الدرجلان كما يسميه البعض مستحيل تلحقه شيهانه او حر مسسستحيل ﻷنه زود على سرعته يراوغ مراوغه عجيبه

[فيصل الذيب]

بسم الله الرحمن الرحيم

اشكرك على موضوع وفكرته الجديده على المنتدى
بالنسبه للدرج اذكر جبليه هديناها على حمامه وطردتها تركتها وحولت على درجه وصادتها
الطير لاصار محول خص من ارتفاع عالي اقل شي يروغ لكنن بالنسبه للهدد مقاوم الدرج عسر بالحيل
اكثر ١٠ صعبه احصيها لك وقد تحتمل الخطأ و الصواب

لكن ترتيب متواضع مني

١- القطا
٢-الدرج
٣- الكدري

٤- الحمام البري الي على كيسه خص الدحل الي من دحله
٥-البط البري
٦- الكروان القوي
٧-الحبارى القويه
٨ - الصلال الي على كيسه

هذا الي قدرت اذكره طبعاً الحبارى و الكروان فيها الضعيف وفيها القوي وانا خصيت القوي منهن

تقبل تحياتي

[ريّاح الشمال]

حسب تجربتي .
1- القطا : لا طير وحش ولا شيهان وحش يلحقه : ولكن طريقة الشيهان الوحش تلحقه بالأنقضاض من فوق
2- حمام الدحل ( القلبان )
3- البط الأسود ( الترنيدو )
4- القمري البري ( معروف )
5- الخرب العاصي
6- القيروان ( الدجلان )
7- الدرج
فقـــط
أما غيره : حسب الصقار . يهد طيره على اللي يبي .
وعلى حسب سرعة الطير وقوة جناحه . مافيه تقيد بسرعه معينه .
كل طير له سرعه وسبق .

أرجو اني افدتك
والباقي عند الأخوان

[عيد العازمي]

((( السلام عليكم ورحمة الله وبركاته )))

كل شي ذكروه اخواني الا العقعق اسم معروف في الكويت

ولكن ماعلم وش تسمونه بالسعوديه وغيرها من دول الخليج وغيرها

هو من الطيور اللي محد ذكر صاده بشاهين او حر

وتحياتي للجميع .

[فواز 2013]

السلام عليكم ورحمة الله وبركاته
اخوي صقار حيدان الله يعطيك العافيه على هاموضوع الرائع
اعجبني الموضوع وحبيت اشارك اخوني اعضاء منتدى مكشات بخيمة الصيد بالصقور
للموضوع المطروح .
اسرع 10 طيور(فرائس) قد يعجز الصقر عن امساكها .
1- الدرج 2- القطا 3- الحمام الزاجل الاصلي 4 - بعض من طيور البط وليس كل البط 5- الكرك 6- بعض من طيور الماء الصغيره بالحجم 7- الكدري 8- الهدهد (وهو صعب بالارتفاع والمراوغه ) 9- الحمام البري وليس حمام الدحل يجي حجمها كبير ولون عيونها حمراء متواجدة بكثره في الشمال 10- القمري المهاجر
===============================
هاذا من باب تجربتي وخبرتي بالهدد عليهن
ولاكن فيه نوعين من الصقور فقط
ممكن ان تصتاد واحد او اثنين من الى ذكرت وهي .
1- الجير الاسبيري الوحش سوى كان فرخ او قرناس
2- فرخ الشاهين البحري


وتــحيــــــاتي للجـمــــــــــيع

[أبو فااارس]

ياراعي الموضوع تكلم عن سبق والا مراوغ

[هم الشمالي]

اسرع طائر بنظري هو القمري المهاجر وبعده القطا وبعد القيروان المستوطن

[راعي القراميش]

القطا
الدرج (المدري)
البط البري
السنونو
القميري
الحمام الزاجل
النجّد (الطليلي)
الحريش (سرعة المناورة)
الحبارى الناير
المتمرس الشرود في الكراوين

[محمدالشكره]

القطا وبعض الكراوين والحباري

[أبومحمد عنيزة]

الحمام الزاجل الأصيل ( الزاجل حق السباقات) والطير اللي يصيده هذا يعتبر فارط بالسبق ولديه سبق خارق للعاده

[محمدالشكره]

القطا وبعض الكراوين والحباري

[Naif1]

السلام عليكم ورحمة الله وبركاته
الشباب ماقصروا

[مغرم مقناص]

اذكر اني هديت فرخ على درجه مصوبه فيها صواب في جناحها

ماطار من يدي بامتار الا اخفيتها في السما وراحت بصوابها

ايضا القطاء نارد جدا اللي يصيده من الطيور

تقريبا هذه اسرع الفرائس اللي اعرفها

[زاجل2000]

حمام الجبلي صاروخ