اريد نصحكم لي ياخواني الكرام

[صقر العثمور]

بسم الله الرحمن الرحيم
السلام عليكم ورحمة الله وبركاته
اخواني الكرام بهذا المنتدى الطيب اسعد الله مساكم وصباحكم بكل خير وصحه وعافيه
وكل عام وانت بخير ومن العايدين الفايزين انشاءالله وتقبل الله منا ومنكم صالح الاعمل في الدنيا والاخره يارب
انا اريد ان اشتري سياره ذات دفع رباعي اي جيب وبسعر رخيص مو غالي لان الفلوس تجبر الانسان وسياره تكون مرغوبه وثمنها فيها عند البيع واسمع الناس تمدح الفور شنر 6 سرندل وابي من عنده الخبر ه يعطينا نصحه ورايه الله يكتبلكم الاجر والثواب

[صقر العثمور]

لاحول ولاقوة الابالله

[صقر العثمور]

اللهم صلي على محمد وعلى اله وصحبه اجمعين ابو بكر وعمر وعثمان وعلى وعلى باقي الصحابة والتابعين الى يوم الدين

[abo-abeer]

اللهم صل على محمد وعلى اله وصحبه اجمعين اسأل الله ان يرزقك بالموترالطيب المبارك ويكفيك شره. والله ماعندي خبره لعل الاخوان يفيدونك

[صقر العثمور]

شكرا ابو عبير وربي يجزاك خير الجزا ويحفظك من كل مكروه

[كن متفائلا]

نيسان باترول سفاري

تمنياتي لك بالتوفيق

[راعي الدسمه]

مرحبا بالجميع

ان كان فلوسك ماهي واجد وتبيها ترجع اذا جيت تبيع مثل ماتقول فلا تشتري نيسان وعليك بالتويوتا

وعلى حسب طلعاتك للبر اشتر موترك ، اذا كنت باستمرار وراعي شعبان وصيد فعليك بالتويوتا ، وان كانت قليله فهناك سيارات امريكيه رباعيه حليوه واسعارها معقوله

وموفق خير

[صقر العثمور]

شكرا لكم جميعا والله اني من رجال البر وراعي طلعات

[ابو عبود565]

عندي لك باثفندر ٢٠٠١
قير عادي

المحركات مضبوطة والحراره مع القايله طالع القديه
فوق الربع بشرطتين ( المكيف شغال)
اذكرووووو الله العين حق
وسعره طيب

وفوق البيعه يايات استراليه
وفرارات دبل

[صقر العثمور]

الله يحفظك يابو عبود ورجال تعطي الدسمه ولكن رغبتي تايوتا وسلمت وبارك الله فيك

[حبل الوريد]

الفورتشنر والله انه ذيب ما يقول لا
بس عذروبه شكله قبيح

[Mohammed5d]

الفورتشنر ممتاز للي فلوس على قده عذروبه مرمبه مهب مريح جدا والا الباقي ماعليه

[برق السر]

السلام عليكم
خذ مستخدم قير عادي فور تشنر او برادو مستخدم بشرط النظافه
ونصيحه لا تفكه وكالة دور ولا تستعجل واذا منت مستعجل
بتلقي واحد مجهز دق سلف وامش
والله يرزقك من واسع فضلة
ويسهل امورك

[صقر العثمور]

اخواني الكرام تسلمون ويعطيكم العافيه على المشوره الطيبه وهي هي الصداقه الحقيقيه وربي يبارك لكم فيما وهبكم زقه الواسع

[عمري قطر]

اذا بتاخذ لا تفكر بغير التويوتا

التويوتا شيك في جيبك

والله يرزقك بموتر طيب

[صقر العثمور]

شكرا لك اخي عمر ي قطر ويعطيك العافيه وفعلا التايوتا مابعده وربي يحفظك

[خالد الاصيل]

تويوتا فورتشنر سته سرندل تماتيك وعليك بالنظيف لاتاخذ مهلوك انتبه

والله ان تدعيلي استخدمته ثلاث سنوات مووووووووووووووتر كرف ولايعرف الورش طبعا غير مريح وغير راسي ولاكن سياره تستحق الاحترام

فورتشنرررررررررررررررررررررررررررررررررررررر
لو ابشتري جيب رجعت واخذته والله مانسى اجمل الايام اللي صارت معه

[محمد1415]

الفورتشنر عملي وقوي جدا جدا


لكنه سريع الانقلاب وهو يختلف عن جميع الجيوب بشيء مهم


الا وهو عدم توفر عمود توازن !! وهذا اللي يخليه سريع الانقلاب


وبديه وديكوراته ضعيفه جدا

[صقر العثمور]

شكرا لكم خالد الاصيل واخي محمد وربي يحفظكم ياخواني الكرام