استفسار مهم للباترول

[سلطان المقناص]

السلام عليكم ورحمه الله وبركاته
كيف حالكم عساكم طيبين

يارجال انا عندي جيب نيسان باترول 2005 كل ماغرزت بشعيب احطه بالخفيف وادعس يطفي وينتع مع اني ادعس بالموتر بس العداد ينزل ويطفي وبالثقيل يمشي مع العلم ان الكفرات اعراض وهواهن 45
الله يجزاكم خير ابي اعرف البلا بالعزم؟
ولا بالضغط الكفرات؟
ولكم جزيل الشكر

[ابوصالح666]

العلم عند الله كانه كلبليتر من الكلبليتر وكانه بخاخ من الديلكو ودايم هذا النيسان بالدبل الخفيف عزمه ميت والثقيل عزمه نشيط ولايطفي

[أبوعبدالله202]

نقص هواء الكغرات
45واجد مرة

[كلاش2500]

سلطان عطنا معلومات عن موترك ..مثلا فتك قير عادى اوتوماتيك.....عشان نقدر نفيدك....واذا غرزت وعشقت الدبل الخفيف باى نمرة تحط القير.....

[مختار البحر]

عن تجربتي انا الدبل الخفيف اشغله قبل لادخل الغرازهولياغرس شغلت الثقيل هذا طبعن بالقير العادي اما التماتيك مايطفي بالخفيف اشغله دايم ونادر ماشغل الثقيل

الوضع طبيعي لاتحاتي

[سلطان المقناص]

سلطان عطنا معلومات عن موترك ..مثلا فتك قير عادى اوتوماتيك.....عشان نقدر نفيدك....واذا غرزت وعشقت الدبل الخفيف باى نمرة تحط القير.....
السلام عليكم لا القير عادي واذا غرزت احطه بالاول ويطفي اذا غرز بس اذ انا واقف بس لاكنت قبل لاوصل الشعيب اشغله وامشي عادي المشكله بالوقوف والموتر بخاخ

[كلاش2500]

سلطان احتمال والله العالم ان صحن الكلتش عندك يبغاله تغيير..

[SGL]

نقص هواء الكغرات
45واجد مرة

:good2::good2::good2:

45 :eek::eek: هذي على الخطوط مامشيت فيها وبكفر عريض :D موتري كفر عريض وهواه 35 وتكسر من شوارعنا الجميلة غير حاطهن 30 ويوم أطيح في خط كل أبوه حفر ومطبات أنقهر ونقصها 25 :D:D

[المتزن]

اذا هواء الكفرات 45 ممتاز اذا طلع بالثقيل

ياخي حط الهوا 20 أو 25 وشف عزمه ووضعه بالخفيف

أما طيحت العزم واللقلقه وهو في الدبل الخفيف وهوا الكفرات ماهو منزل من 30 وفوق أتوقع هالشي طبع بالنيسان وعادي لانه مر علي باكثر من سياره وكلهن باترول

[أحمد محمد1429]

الصحيح اذا السيارة غرزت يستعمل الدبل الثقيل

[مجالس الرجال]

طبيعي انه مايمشي باترول وهواء 45 عساه بالثقيل يمشي من الصفر