ماهو لون الخيط المناسب للأعماق (الغزير)

[دهام المحاجي]

السلام عليكم ورحمة الله وبركاتة
صبحكم الله بالخير جميعا
طبعا سؤالي
ماهو لون الخيط المناسب للبحر من عمق 25 متر الى عمق 55 متر .؟
وش الأفضل يكون الخيط ناعم أو خشن.؟
وش ماركة الخيط .؟
حجم الخيط.؟
هل البلد أو الثقاله حجم 5 ممتازه( طبعا انا متعود اني ماستخدم الا بلد خمسه داخل البحر بس اذا في نصيحه ناخذ فيها)
طبعا لتوضيح
أنا صيدي داخل البحر بالطراد ( من راس تنوره الى الجبيل)
نوع الصيد: شعري,فسكر,دويلمي,قرقفان,عندق,سولي,حومر,قطوه,ناجل.
والوزن مايتعدى ال 15 كيلو ومايقل عن نص كيلو طبعا حجم السمكه
طبعا الترديعه مدور ميدار ثقاله ميدار
الخيوط الي استخدمها ابيض واخضر وازرق

واسمع نصايحكم ياجماعة الخير والنقاش اتمنى يدندن حول محور الموضوع وشكرا.

[أبوحافظ]

متى ما كان الخيط من شركة معروفه ولا يكون مقلد توكل على الله

مثل hi seas و دايو و اليازوري و غيرها سواء من شركات يابانية او امريكية

اللون الاحمر حسب ما قرائت في كثير من الموقع الاجنبية انه المناسب للاعماق

لكن ليس بذلك الاهمية

وانتظر اراء بقيه الاعضاء من اهل الشرقيه

ويقول المثل اهل مكه ادرى بشعابها

تحياتي

[tdwg105137]

بالنسبه لي شخصيا انا احب الخيط الابيض
سوا في العمق او النهار او الليل
لكن مثل ما قال مشرفنا اهم شئ الخيط اصلي

[فايز76]

انا مؤيد لاخوي ابو حافظ

[دهام المحاجي]

هو صح كلامك الخيط ماركته مهمه
وبالنسبه للخيط الاحمر جربته ومانفع
اصيد فيه بس كل ساعه سمكه
رغم الي معاي يحدقون
طبعا انا مو أقولك اني ماصيد بخيوطي
بس البس قفاز واوقات دبل قفاز وتجرح يدي من خشونة الخيط
واوقات انزل الخيط بس كاني رامي ببحر ولما ابدل خيطي واعطيه احد يجربه الخيط يصير مايصيد اقص الخيط واردعه من جديد ومافي فايده
أنا قريت كلام نواخذة بحر في الأنستقرام
أكثرهم يمدحون الخيط الرمادي للغزر والضيح
وفي خيط كربون ونايلون مخلوط شفاف بس مادري وين احصله في الدمام او الخبر
يقلون بس حق الترديعه والخيط يصيد
وفي عندك الخيط الذهبي والوردي يستخدمونه اهل الكويت للشعوم والسبيطيه

فأن صيدي كله في الغزر وأبي النصيحه من هالنواحي الي ذكرتها
ولاتهونون يالنواخذه على هالنصايح

[ataabarodi]

على حسب موقع شركة باور برو وهي شركة معروفة في عالم الخيوط فان افضل لون للبحار الغزيرة هو اللون الازرق ..
وافضل لون للبحيرات والانهار هو الاخضر .. وافضل خيط للصيد الليلي هو الاصفر
ولكن في النهاية يستحيل من خلال تجربتي المتواضعة في الصيد ان يؤثر لون الخيط المستخدم في نسب الصيد ..
قد تكون الالوان ذات معنى في المياه السطحية .. ولكن في المياه الغزيرة حيث الظلام بالاسفل لا اعتقد ان للون اي دور ..
عموما عشان تريح راسك .. ممكن تشتري بكرة صغيرة خيط فلوروكاربون وتعمل منها الليدرز وهي خيوط غاية في الشفافية يستحيل ان يراها السمك
اتمنى اكون افدتك