حرارة البترول ترتفع وتنزل بسرعه ..!!

[شرق المغيب]

معي بترول 99 واديتره تمام ومراوح قدام شغاله وكل شي ممتاز
فجأة قامت الحرارة ترتفع وتنزل مع الخط
انااشك في تماتيك المروحه بس كيف اعرف هو خربان اولا
اخبر يطلع حنه اذا خرب ولالاحضت شي واضح بالموتر
ابي شوركم ياجماعه وكم قيمة التماتيك الاصلي ،،؟

[طير الطنايا]

اخوي اامسي عليك وعلى اﻻخوان اذا الحراره ترتفع وتنزل بسرعه هذا
التماس في سلك الحراره
واذا انها ترتفع وتنزل بشكل بطيئ هذي المراوح مره تشتغل
ومره تطفي ...واذا ماتعرف تتبع اﻻسﻻك مر على كهربائي
اسأل المولى عز وجل ان ييسر امرك
والاخوان يفيدونك اكثر مني وبالتوفيق.

[شرق المغيب]

مساك الله بالنور والسرور
الله يعطيك العافيه بس ماظنيت انه من الاسلاك او المراوح
لان كل شئ تمام

[م.سعيد]

تماتيك المروحة اذا هو خربان تحصله خفيف لما تدور المروحة بيدك والسيارة حارة.
ارتفاع مؤشر الحرارة ونزولها بسرعة ممكن يكون بسبب وجود هواء داخل دائرة التبريد خصوصا ان كنت مغير ماء الرديتر قبل فترة.
سماع حنة اثناء سير السيارة وحرارة السيارة مرتفعة نوعا ما يدل على سلامة تماتيك ( كلتش) المروحة..

[السليطين]

قبل كل شي ؟؟

صيخ الاديتر ... 90% من الحرارة من الاديتر

[شرق المغيب]

الله يرضى عليكم ماقصرتوا
لحد الحين مارحت لورشه خلوني افحص واشوف وين المشكلة
اشكركم جميع ...

[السليطين]

صيخ الاديتر ..
لان التصييخ يعتبر مثل الصيانه الدورية ... ان نفع ولا ماضرك شي ولا يكلفك شي ..

لان اغلب الورش يتضربون عليك عشان ياخذون دراهمك ... ومستحيل احد منهم يقول لك ان المشكلة من الاديتر حتى لو انهم عارفين المشكله ..

اسال مجرب

[الوسم]

ممكن تصور المشكله بالفيديو
وتخلي الناس يشوفون المشكله
وبعدين نعطيك العلم

[SGL]

اخوي اامسي عليك وعلى اﻻخوان اذا الحراره ترتفع وتنزل بسرعه هذا
التماس في سلك الحراره
واذا انها ترتفع وتنزل بشكل بطيئ هذي المراوح مره تشتغل
ومره تطفي ...واذا ماتعرف تتبع اﻻسﻻك مر على كهربائي
اسأل المولى عز وجل ان ييسر امرك
والاخوان يفيدونك اكثر مني وبالتوفيق.

مثل ماقالك طير الطنايا
ممكن إلتماس أو حساس الحرارة خربان أو أصابع البطارية يبيلهن شد وتنظيف وممكن يكون بلف الحرارة

[مسير عليكم]

اخوي شف السلك والحساس تاكد منهم يمكن منجرح ويلمس في الحديد ويلعب

[شرق المغيب]

التماتيك حق المروحه يقولون مافيه شي
صيخت الاديتر وحصلته نصف نضافة
طويت على اسلاك الحساس شطرطون وهو مافيه شي بس قلت يمكن يلمس الحديد
الحرارة ماتعدت الربع على الخط وان شاء الله الوضع تمام
واشكركم وجزاكم الله خير .....

[مدرس بالغصب]

معي زي موترك وعانيت من نفس المشكلة وكانت النتيجه ان السلك السالب الي يمسك بالبدي مرتخي من جهة البدي ويعطي قراءة متذبذبه شدوه وانتهت المشكلة

[ابو فهد...]

شد سلك السالب المشكله دايم تكون منه

[شرق المغيب]

وين مكانه سلك السالب بالضبط ابي اشده

[برق و رحال]

على ما اعتقد سلك السالب اللي في البطارية

[شرق المغيب]

شكته مالاحضت عليه شي كان شوية صدى من حديد قاعدة البطارية

[عاشق الشعبيات]

اذا مشكلتك ماراحت للحين وحساس الحراره سليم والاسلاك التابعة لها سليمه

فإذاً شيك على سلك الكهرب ( الموجب ) اللي طالع من البطارية ورايح للدينمو يمكن يلمس البدي ويسبب ارتفاع في العداد او شيك على اي سلك كهرباء في السيارة لان الوضع اللي عندك احتمال انه ( التماس )

[ابو فهد...]

سلك السالب الي طالع من اصبع البطاريه السالب ومنشبك بالبدي

[أحمد محمد1429]

لا سلك سالب ولا موجب المشكله عندك من امبير الحراره اللي في الطبلون فيه مكثف يبي لذعه بالرصاص لتثبيته لأنه مع الحركه والحراره فيه اهتزاز وهذا حاصل معي وصلحه لي كهربائي هندي من يوم شافه قال منه لاحاس ولا شئ انت عندك خيارين ياتسوي طريقتي او تغيره

[ls1.5700]

كل الاحتمالات وارده مثل ماقالو الاخوان
انا متاكد بأن موترك مافيه حراره لو فيه حراره كان تشوف الانمبير يتحرك بطي سوا نزول او ارتفاع
المشكله عندك والله اعلم
اللتماس بالحساس او اسلاك الحساس او الانمبير فيه مشكله
والله اعلم