اقتربت من تكسير عدة الصيد و الإعتزال

[هاوي الصيد 14]

السلام عليكم و رحمة الله و بركاته

جهزولي حفل اعتزال عن الصيد

ما أدري وين الخلل

من ناحية الصبر صابر

مدري وين المشكلة

هل هي العدة

العدة
1- قصبة بانكس كورية مدري كم تتحمل وزن فيها أرقام بس مافهمتها و طولها 2.7 متر
2- المكينة مدري وش نوعها مكتوب عليها 5:1 بيرنق و رقم 3000 بس حجمها لا بأس فيه

3-الميدار او الي يركبون عليه الطعم مدري هل هو اسمه ميدار و لاأنا غلطان اعتقد صغير يعني مثلا لو قرقفان بحجم الكف يكون ممتاز له مدري هل يتحمل اسماك كبيرة او أصلا ما بيثبت

الطعم :
روبيان و طبعا لما اصيد كأني أأكل السمك ببلاش لأنه ما يمسك تجي السمكه مستانسه و تنهشه نهش ما ألاقي إلا القشر هههههههه

و عندي حاليا سمك سردين شريته و حاطه بالفيزر مدري ينفع ولا لأ


أوقات الصيد :
بعض الأحيان بعض الفجر و بعض الأحيان الصباح و بعض الأحيان آخر الليل

طبعا من ناحية العدة كل من جا شافها قال ماتنفع مع إنه نفس المسافة إلي يرميها أرميها أنا لأني نازل تحت عند الصخور أما هم من فوق الصخور

و بعض الأخوة شافوالعدة قالوا أنت وخبرتك

تحطمت العدة شريتها بمبلغ و قدره

مكان الصيد كورنيش الدمام و الخبر

باقي ما رحت للهافمون ولا للجبيل


أرجو المشاركة و مساعدتي

[هاوي الصيد 14]

طبعا إن شاء الله ناوي أنظف و أقشر الروبيان للطبخ

فإن شاء الله تردون بسرعة قبل ما أخلص و آطبخه و آكله

[بدر12]

الصبر ياخوي اصبر ماتعلمنا الئ بعد تعب و لسه نتعلم ً
روح الزبنه او اطلع ايجار مع احد كلمني اضبطك مع شباب رحلات بدمام قطه بسيطه و فالك طيب

[هاوي الصيد 14]

الله يعطيك العافية أخ بدر و الله يكثر من أمثالك

طبعا رقمك بحفظه عندي بإذن الله و ما قصرت أخ بدر

بالنسبة للزبنة تنفع بالعدة الي عندي

لأني ودي أجرب شعور تسحيب شي كبير

ودي أشوف القصبة شوي و تنكسر بس طبعا ما تنكسر

وش رأيك بالعدة إلي عندي
و الطعم و نصائحك أخ بدر و منتظر ردود الاخوة أيضا

[أبوحافظ]

عليكم السلام و رحمة الله و بركاته

الرزق من الله اولا واخيرا

ثم الاخذ بالاسباب مثل اختيار الموقع والطعم الطازج
وهذي اهم نقطتين بالنسبة لي من واقع تجربة

من النادر ان احد يدلك على موقع طيب لكن جرب في كل مرة موقع
الرفقه الطيبه من هواة الصيد تعينك كثيرا على الصبر

جرب ترسل الطعم مسافة 200 متر بالفلين واكثر وراح تلاحظ فرق بالصيد

كل ما ابتعدت عن شواطئ المدن كل ما تزيد فرص الصيد

عن نفسي استخدم المخدجه واجرب الصيد بجميع انواع الطعوم

الاحتكاك باهل الخبره يوفر عليك وقت طويل للتعلم

المكان والموقع ولو عندك معرفه في المنشئات الحكومية او الخاصه اللي البحر راح تشوف فرق بالصيد

اخذ المعلومات من عدة صيادين يعطيك تصور كامل عن الصيد

في رحلاتنا كل واحد يكون معه اقل شي 3 قصبات ويجرب بجميع السنارات وخيوط مختلفة

بعد ماتعلمت طريقه الصيد بالقصبه واجهتني مشكله الموقع اجتهدت وكنت اجرب مواقع كثيره واوقات مختلفة واستعنت بقوقل ايرث وكنت اسئل اهل القرى القريبه من الشواطي حتى صار عندي فكرة كامله عن اماكن الصيد من الليث وحتى الجنوب مسافى 400 كيلو تقريبا

هذا ما عندي من تجربة اتمنى اكون افدتك

مع تمنياتي لك بالصيد الوفير

[بدر12]

العده مافيها قصور و تعتمد علئ خبرتك الطعم فرش جديد و تذكر الرزق بيد العباد
تبي عليك بطعم الحي تبي شعري روح قريب المينا عند المخازن
الايام هذي السبيطي شغال ارسال و اللعب طعم حي او مصران دجاج طبعا شغل ارسال او مد
و انصحك تدخل بحر طراد بتنبسط و بيتحول الموضوع ادماااان

[هاوي الصيد 14]

الله يعطيكم العافية و يوفقكم
أخ أبو حافظ و الأخ أبو بدر و الأخوة جميعا

طبعا أخوكم مبتدئ جداااااااااااااااااااااااااااا

يعني مثلا طريقة الفلين ما أعرفها ولا أعرف كيف أرسل و هل أرسلها بالقصبة

بالنسبة للموقع فيه شباب صادوا سبيطي كبير ما شاء الله بعد الفن تايم

و بالنسبة للطردا أخ بدر إذا الصيد بالقصبة و انا ما صدت شي صرت مدمن فما بالك اذا دخلت البحر أعتقد إني ما راح أرجع للبر هههههههه

ودي أستفيد اكثر يعني مثلا عطوني نقاط واحد اثنين ثلاثه و بطبقها و بأرد لكم خبر عنها

يعني نستفيد من خبراتكم الكبيرة ما شاء الله

و أتمنى تكون مصطلحات الشرح تناسب الجاهلين مثلي بأمور الصيد

لأنك لو تقولي أرسل بالفلين بقولك كيف لو تقول مده بقولك وش يعني مده

[أبوحافظ]

المد او الارسال هي طريقة تستخدم فيها الفلين لتوصيل الطعم مسافة بعيده

ولمعرفة الطريقة يرجى الدخول على هذا الموضوع

http://www.mekshat.com/vb/showthread.php?t=643231

[بدر12]

ابشر هذا المد
http://www.mekshat.com/vb/showthread.php?t=643231
فديو
شوف صيد طعم حي
خذ قدر او شبك اي واحد طارف من المطبخ و اهم شي اذا سالتك الوالده قول مادري ماشفته و شوف لك فنيله قطن لبس القدر من فوق و ثبته مضبوط يغطيه كااامل سو فيه فتحه صغيره و طبعا معك طحين
امسح شي بسيط علئ القماش بطحين و داخل الفتحه كثر عجين
خمس دقايق و اسحبه من البحر
شيك داخله بتشوف فيه ميد و استخدمه يكون حي
الوقت هو الفجر
و استخدمه حي با الارسال ً فالك السبيطي و الهامور
المكان موجود الحين الميد عند فرضه المزروعيه

[هاوي الصيد 14]

بإذن الله بطبقها و أرد لكم خبر عنها
و جزاكم الله خير أبو حافظ و أخ بدر
و تحملوني و اتمنى أن يتسع صدركم لأسألتي الغثيثة و التي تنم عن جهل عميق بأدنى أساسيات الصيد

بالنسبلة للفلين ترجع مع الخيط ولا تنفك من الخيط

شفت مقطع
http://www.youtube.com/watch?v=8kKFk10cDEE

و هذا الرابط الثاني

http://www.youtube.com/watch?v=HaameT0E2RA

كم سعر لفة الخيط العادي و الخيط السلك مثل إلي بالمقطع الثاني اذا عندكم فكرة عنها

بالنسبة للطعم الحي أمس شايفهم تحت رجولي السمك الملون الصغير أصفر و مدي وش موجود و سمك طويل يشبه أبو سيف صغير

فيه قدر بيودع من المطبخ الله يخلف على الوالدة بقدر أحسن ههههه

بس طبعا بيكون برضاها اهم شيء رضى الوالدة

[tdwg105137]

الله يرزقك بالسبيطي اللي يجبر خاطرك

[tdwg105137]

لاتنسى تعزمنى على الغداء
ههههههههههههههههههههه
لا امزح معك خل الطعم للصيد ولا تيأس

[فايز76]

مثل ما افادوك الاخوان
ويا ريت لو تحاول يكون معك قصبتين وتجرب فيهم طعمين مختلفين والاولى تكون ركه (الثقل فوق والطعم تحت) والثانية علاق ( الثقل تحت والطعم فوق )
حتى تفهم المنطقه اللي انت فيها وجربها بالحمل والفساد وجرب وقت الرشة ووقت ثبر ومع التجربة اكثر من مره راح تفهم المنطقة اللي انت فيها وتصير تروح بالوقت المناسب
ولا تنسى الصيد اولا رزقه من رب العالمين وثانيا محتاج صبر وتعليم ( اصبر على المكان اللي انت فيه وجرب باكثر من وقت وطريقه ) وانت اكيد عارف انه الصيد ساعه في الوقت والطريقه الصحيحه يغنيك عن تعب يوم كامل

[هاوي الصيد 14]

السلام عليكم و رحمة الله و بركاته
الشكر الجزيل لك أخ tdwg105137 (http://www.mekshat.com/vb/member.php?u=302422) و الأخ فايز على النصيحة
بالنسبة أيها الأخوة للعدة يعني نقدر نقول انها طيبة ؟ ولا ماتنفع
و بالنسبة للسمك الكبير هل له وقت الآن ليلا ؟

[هاوي الصيد 14]

أخ بدر بالنسبة ل فرضه المزروعيه هل تقصد بجانب خفر السواحل حق المزروعيه ولا ذي منطقة ثانية

[بدر12]

أخ بدر بالنسبة ل فرضه المزروعيه هل تقصد بجانب خفر السواحل حق المزروعيه ولا ذي منطقة ثانية

صح جنب الخفر باتجاه القوارب
شيك الرسال الخاصه

[رشيد22]

هههههه ولا يهمك كنت مثلك ابا اعتزل وللحين مااعتزلت

[alsarwi]

الفلين شكله يروح وما عاد يرجع لأنه ما فيه شي يمسكه ، يعني استخدام مرة واحدة فقط .

[هاوي الصيد 14]

أشكركم جميعا على التشجيع و شكرا أخي رشيد و أخي الصراوي

[NOBL3]

كلنا يا صاحبي نعاني نفس معاناتك ، لدرجة إني كسرت قصبتين في بداية تعلمي للصيد من زود القهر ورميتها بحر

مثل ماقال اخونا ابو حافظ ، كل ما ابتعدت ورحت اماكن يقل فيها البشر كل ما صدت أكثر وأكبر

كورنيش الدمام والخبر هذي تعتبر مناطق مدعوسة قلما تصيد فيها صيد يطيب الخاطر الا ما رحم الله

العزيزية أفضل السيئين من وجهة نظري وقريبة نسبياً ، جرب فيها دائماً

بإختصار :

- حاول تبتعد دائماً وتبحث عن أماكن هادئة ما عليها قدم ويفضل الأماكن الممنوعة لو عندك واسطة
- صيد بالطعم الحي قدر المستطاع لأنه يزيد من فرص صيدك بأمر الله
- أحرص على الأوقات المثالية للصيد ( حمل وفساد ) ( مد وجزر )
- تعلم الصيد بمجرور الفلين اذا كنت تبحث عن الأحجام الطيبة
- ما انصحك بالطراد لأنه مكلف وحنا هدفنا الصيد بأقل التكاليف

الله يوفقك

[بوريان1982]

اخوي هاوي

البحر له حلاوته بحد ذاته وسبحان الله يعود النفس على التأمل والصبر وماراح تكسبها بين يوم وليلة والصيد هو ثمرة ومو شرط تكون بداية تعلمك وهوايتك ثمرة الصيد ولكن عليك بالصبر

عني طلعت حداق بشهر 7 السنة الماضية اول مرة اطلع وضرب الصيد عندي وطلع معي 9 شعريات احجام حلوة ومن طلعتي الاولى حتى الان ما ضرب معي شيء ولكن ما خليت مكان بكل طلعة مع الشباب اطلع والحياة يحتاج لها صبر مثلها مثل البحر

ما ازيد على كلام النواخذة اللي افادوك بكلام درر اللي منهم نتعلم ولكن لا تخلي مكان ما تروحه وخلي طلعتك للبحر طربة ووسعة صدر ووناسة لا تخليها للصيد فقط لانك بتتعب كثير

[الصيادالمليح]

دائما اذا اكل السمك الطعم فمعناه ان السنارة اكبر من فم السمكة وعليك بتصغيرها و تصغير حجم الطعم ليناسب حجم فم السمكة

و اذا اصطدت سمكة صغيرة اشبكها في سنارة اكبر و خيط اكبر لتصطاد بها سمك اكبر فالسمك الكبير يحب الطعم الحي

[accentkool]

قرار الاعتزال خاطئ
الصيد صبر كلنا قلنا كذا
وكل مالنا نعلق بالصيد ونولع بة اكثر

[فني بحر]

السبب الصيد رزق بي يد الله مو بي يد العده والله الرزاق الكريم