المساعد الشخصي الرقمي

مشاهدة النسخة كاملة : سؤال عن شخال الكنداسه جي اكس ار 99


شايف نفسه
02/08/2014, 04:59 PM
سلام عليكم يا شباب عندي استفسار
عندي الجي اكس ار فيه ثقل وواحد من العيال
معه نفس الموتر توه شاريه وماشاء الله الموترخفيف عزمه
ولاحظت ان شكمانه اشقر
قالوا لي اكيد مشيول الشخال
لكن السؤال ماحصلت احد يعطيني موقع الشخال
الموتر فيه دبتين الكبيره والخلفيه هل الشخل كوجود بالكبيره او الصغيره
او بمكان ثاني
شايف نفسه
03/08/2014, 08:08 PM
ياشباب نبي احد عنده خبر عن الشخال
ابوصالح666
03/08/2014, 10:27 PM
وعليكم السلام
الدبه الكبيره والصغيره كلهن فيهن شخالات ومالهن دخل بالعزم إذا خربت الدبه تلقى الشخال يهتري من داخل وتسمع صوت الشكمان مزعج والشخالات مهمتها تخفيف صوت الهواء الخارج من المكينه مثل الفلتر يفلتر الهواء ويطلع من الشكمان بدون صوت
والشخلات ماتنشال ابد ولاتقدر تشيلها لأنها داخل الدبه مثبته من مصنعها بس فيه ناس تركب هدرز وتشيل الدبات وانا ماعندي خلفيه عنه
ابوراكان تبوك
04/08/2014, 08:40 PM
الشخال اللي يسبب مشاكل في دبة الرصاص اول وحده بعد الكزوز في الدبة الصغيره والدبه اللي عند الدفرنس الخلفي لاتقربها

تقدر قبل لاتفرغ الدبه تقدر تفصل الشكمان من عند الكزوز وتجرب موترك

عموما هذه المشكله شائعه في الجيوب الربع والشاص واللاند كروزر فاغلبهم يفرغ الدبه الصغيره من الرصاص حتى يسير الموتر خفيف وتنزل حرارته ويقل استهلاك الوقود
لكنها في نفس الوقت مهمه حتى تقل رائحه الشكمان
شايف نفسه
05/08/2014, 10:42 AM
لاهنتم يا ابو صالح وابو ركان
ومثل ما قلتوا دبة الصوت ما ني قاربها
لكن ابي دبة التلوث هذي او الرصاص
اللي بعد القزوز
جيت محلات اصلاح الكندسات يقولون ما يجي له دبه بعد القزوز
ولاحصلت له شي موجود
مافيه الا دبتين الصوت الكبيره والخلفيه الصغيره

السؤال هل يوجد دبة رصاص بالجي اكس ار من 98وفوق الى 2006
وللعلم موتري 2002 سعودي

او ان الرصاص يكون داخل الماصوره الاماميه
ابوراكان تبوك
05/08/2014, 05:28 PM
معليش اخي انا بتأكد لك بنفسي وان لم اجدها سوف اطرح لك حلول ان شاء الله تفيدك
شايف نفسه
05/08/2014, 06:08 PM
الله يجزاك خير
خدمك المال والبنون يا ابو راكان
اسدهم
05/08/2014, 08:54 PM
يالغلا انبطح تحت الموتر وشف موتر خوييك وش هو مسنع من الشكمان هو مقصص او شايل الزبدة انك تسوي مثلة وتشوف
شايف نفسه
06/08/2014, 01:22 AM
يا اسدهم المشكله ان مابه شين واضح لا قص ولا تزويد وهو شاري الموتر كذا ما سوا به شي
واللي خلاني اصدق واستغرب الموتر عزمه ماشاء الله طيب وشكمانه احمر يذكرني بالبانزين الاول
هم الشمالي
06/08/2014, 01:44 AM
صدقت أول تشوف الشكمان من داخل احمر قبل لايغيرون البنزين وهالحين حتى السياره الجديده تلقى شكمانها اسود من داخل بسبب البنزين الجديد بس غريبه هالوضع بموتر خويك ياليت اذا عرفت وش السبب تعلمنا وابي اسئلك هو بخاخ ولا كلبليتر
MGS88
06/08/2014, 04:50 AM
مافيه دبة رصاص من 98 الى 2007
حتى الفكسار
لكن يمكن خويك عليه راس هدرز الراس بس ماله صوت تأكد انه وكاله
بعدين شيك على فلتر البنزين والبواجي واسلاك البواجي ونظف الثروتل او اللهات
ابوراكان تبوك
06/08/2014, 06:05 AM
فعلا لايوجد دبة رصاص مثل ماقال MGS88 وانا تأكدت بنفسي مافيه اي دبه عليها حساس كلها عادية

لكن

في الجيب الربع كنت افرغ الدبه الصغيره من الشخالات والاحظ فرق كبير في العزم ولا يحتر بسرعه

الجكسار اكثر ما يذبحه الدبل بدون فرار ماينفع
+
البواجي افضل نوع NGK وفلتر الهواء وصفاية البنزين اي يخلل فيها يثقل السياره
اسدهم
06/08/2014, 07:08 AM
سولموترك تصفية مكينة من وزن بلوف وصفاية بنزين وبواجي وسلاك بواجي
شايف نفسه
10/08/2014, 03:44 PM
لاهنتم يا اخوان
موتري مافيه شي ولله الحمد
الموتر اللي شفت هذا ولو كان بس خف كان قلت انه
ممروش ومطلعن ما ببطبه
لكن اللي محيرني ومخليني اتاكد انه مسوى فيه شي
شكمانه اشقر
الموتر ماهو بذاك النظافه فيه جيوب انظف منه
لكن ماحصلت ولا واحد شكمانه اشقر
وانا اببحث وارد لكم ان لقيت علم