ماقنوم 350 ؟

[NissaN 1990]

السلام عليكم

كل عام وأنتم بخير أعضاء وزوار مكشات
أشتريت ساكتون ماقنوم من صاب وتطلع نهاية هذا الأسبوع
إن شاء الله

بس المشكله في الحجم قالو لي اللي موجود 4.5 وأنا من زود الفلسفة قلت مابي إلا هو
على بالي هو الزين:):):)
وبعد ماقريت في النت:type:
طلع مايصلح للحمام وأنا ما ابيه غير للحمام ويقولون اللي يصلح حجم 5.5 وش رايكم ؟؟

والدربيل المناسب لها وشو اللي مايغير الوزنية والرصاص المناسب لها بعد ؟
الرجاء المشاركة

[taal0]

الف مبروك بس لو انت ماخذ 5·5
احسن بالتوفيق

[محتار مدري]

مبروك والله يعطيك خيرها ويكفيك شرها

شوف اخوي عندك خيارين
الاول جرب النوع هذا تحصله فالرمايه
وزنه 10 قرين
http://im85.gulfup.com/0FbSBF.jpeg

لان مشكلة الماقنوم 350 في عيار4.5 تكون سريعه والصتم الخفيف يكون دقته شبه معدومه
واغلب الصتم عندنا فالسعوديه خفيف غير اللي بالصوره

اذا ماضبط معك شوف الخيار الثاني تروح لصاب وتغير السبطانه الى 5.5
لان الفرق فالساكتون السبطانه والباقي نفس بعض

[TABUKII]

انا عندي ماقنوم ٣٥٠
صار بماسورتها طعج بيسط وهي ٤،٥ وطلبت طلبيه من صاب ماسوره وعند سؤالي كم قياس الماسوره قلت ٥،٥ غلطت في المقاس وبعد ماوصلت اكتشفت اني غلطان. وتوكلت على وركبتها وماشاءالله من احسن مايكون.
والله يعطيك خيرها ويكفيك شرها

[ابومعاذ z22]

الف مبروك 5-4صارلها عني اكثرمن ثمان سنوات ماشاء الله تبارك الله اصيدبها حمام وقمري وسمان وحتى الحجل
في البداية تتعبك شوي في الوزنية ﻷنها قوية لكن اذا تمرنت وخف ارتدادها بتطربك وصيدها مايروح باذن الله مشكلتها الوحيدة في وزنها تبيلها واحد نشيط

[محمد ابن عيد]

..
حياك الله ي الغالي
مبـروك عليك المبروكه
اساله في سبطانه 5.5 اذا لقيتها ركبها
و ان مالقيت ابد صدقني تطرح اللي تبيه
خذ رصاص تشيكي اخضر من صاب Jsb
وفالك الشحم

[ابو محمد 50]

خذ نفس الصتم الي بالصوره زي ماقالو الشباب شفت الماجنوم ثاني ايام العيد مع واحد بالشعيب مقاس 4.5 يصيد دخل ماشاء الله مسافه حلوه والصيد مع الراس عرفت انه دقيقه البندق الله يطعمك خيره ويكفيك شره

[NissaN 1990]

ماقصرتو معلومات قيمه ووافيه كم حق السبطانة لو بغيرها ؟
وأفضل دربيل ؟

[خيال وبروق]

موضوع في وقته توني محاسب على وحدة فايبر 4.5
دورت 5.5 وماحصلت اتصلت على كل الفروع وماعندهم

[خيال وبروق]

انا عندي ماقنوم 350
صار بماسورتها طعج بيسط وهي 4،5 وطلبت طلبيه من صاب ماسوره وعند سؤالي كم قياس الماسوره قلت 5،5 غلطت في المقاس وبعد ماوصلت اكتشفت اني غلطان. وتوكلت على وركبتها وماشاءالله من احسن مايكون.
والله يعطيك خيرها ويكفيك شرها


كم سعر السبطانه مع التركيب؟
وكم تاخذ من يوم لو طلبتها منهم الى ان توصل ؟
واي فرع يغير السبطانه ؟
شكرا

[TABUKII]

كم سعر السبطانه مع التركيب؟
وكم تاخذ من يوم لو طلبتها منهم الى ان توصل ؟
واي فرع يغير السبطانه ؟
شكرا

سعرها 350 ريال
والوقت حوالي ثلاث ايام من المدينه المنورة إلى تبوك
والفرع اللي تم تغير المساورة في بيتنا مافي اسهل منها

واي خدمة ابشررر انت والاخوة الاعضاء
والسلام ختام

[TABUKII]

موضوع في وقته توني محاسب على وحدة فايبر 4.5
دورت 5.5 وماحصلت اتصلت على كل الفروع وماعندهم

لو تبي رقم المصري رد لي

[شغب007]

تتبرك فيها وفالك الصيد الوفير

بصراحة حجم 4.5 راح يتعبك شوي خاص ان الهوائية قوية مره ولو خذيت 5.5 افضل بكثير

لكن دامك شريتها تتهنا فيها ان شاء الله

[فايروخ27]

لاقويه ولاشي خلك على بندقك نصيحه بعد فتره من الاستخدام تحسها ضعفت شوي واستقرت لوضعها الطبيعي

بندقك من احسن مايكون فلا تخسر نفسك ع الفاضي والبنادق الهوائيه بجميع انواعها هي في الاساس تسليه

اكثر منها منفعه وطلب للصيد والقنص .... تحياتي لشخصك

[farisalahlam]

انا شريت 4.5 قبل اريع شهور من صاب وماعجبتني دقتها سيئه رغم اني جربت افضل انوع الصتم
والحين ابي اغير الماصوره 5.5مالقيته عند صاب يقولون مخلصه
الي يعرف مكان احصله فيه يفزع لنا

[TABUKII]

انا شريت 4.5 قبل اريع شهور من صاب وماعجبتني دقتها سيئه رغم اني جربت افضل انوع الصتم
والحين ابي اغير الماصوره 5.5مالقيته عند صاب يقولون مخلصه
الي يعرف مكان احصله فيه يفزع لنا


فرع المدينه المنورة

[تركي4800]

ياشباب. اللي ساكن بالرياض. ترى امس رحت لمحل برق الحيا اللي بمخرج١٥ داخل المعرض فيه كشك توه فاتح من اسبوع لأبن حميد(الصياد العربي) المعروف بالغربية. حصلت عنده كمية كبيرة من ساكتون الماغنوم٣٥٠ -٥،٥

واخذت لي وحده ولله الحمد. اللي يبغى ذا البندق يلحق عليها خصوصاً ان صاب مقطوعة من عنده.

وشكراً لكم

[kabtn]

السلام عليكم
طيب وش الي افضل الخشب ولا الفيبر

[تركي4800]

من ناحيتي انا. الخشب افضل بكثير من ناحيتين الاولى:انها الخشب يصبر اكثر من الفيبر. ثانياً:الفيبر لو صار بها كسر ولا شي وين بتصلحها وبكم.
لكن ميزة الفيبر انها اخف من الخشب بكثير.

قيمة الفيبر١٦٠٠ والخشب ١٩٠٠

[NissaN 1990]

ياشباب. اللي ساكن بالرياض. ترى امس رحت لمحل برق الحيا اللي بمخرج١٥ داخل المعرض فيه كشك توه فاتح من اسبوع لأبن حميد(الصياد العربي) المعروف بالغربية. حصلت عنده كمية كبيرة من ساكتون الماغنوم٣٥٠ -٥،٥

واخذت لي وحده ولله الحمد. اللي يبغى ذا البندق يلحق عليها خصوصاً ان صاب مقطوعة من عنده.

وشكراً لكم


:good::good::good:

بالفعل كنت عندهم بعد مادفعت فلوسي لصاب ولقيتها في برق الحيا فلاكن خيره إن شاء الله

[تركي4800]

انشالله خيره لك. وبالبركة البندق الجديدة والله يطعمك من خيرها ويكفيك شرها

[coolfishing]

السلام عليكم ... و كل عام و انتم بخير

بالنسبة لمعلومة ان الفيبر في الديانا ماجنوم اخف من الخشب
فهذه المعلومة ليست بدقيقة ... ويمكن الرجوع الى الرابط التالي للفائدة

http://www.mekshat.com/vb/showthread.php?t=633710

تحياتي
اخوكم
ابو وجيه

[تركي4800]

لك الشكر يا أبو وجيه. ولكن الاستفتاء بالرابط المرفق من قبلك اجمعوا على ان الفيبر اخف من الخشب. وليس كما تظن- لكن نحن نقصد اخف من ناحية الوزن وليس من ناحية القوة

ولك شكري واحترامي.

[salehzahrani]

بسم الله الرحمن الرحيم

السلام عليكم ، العلم عندي ان شاء الله
لاتخاف وانا اخوك ترا شريت ماجنوم رصاص صغير مثلك من صاب وندمت في البدايه ولكن ركبت لها
منظار وقاعده 4 مسامير وقنصت فيها الين تعبت كل انواع الطيور قمري وحمام وطيور صغيره والحمد لله
ماتخطي بأذن الله ، في البدايه تعبت الين عرفت وزنيتها وتغير الوضع بشكل ماتتخيل، مشكلتها ضعيفه
على الحمام وبعد تقريبا سنتين من الأستخدم والطحن غيرت السبطانه 5،5 من صاب
ونصيحتي لاتستخد رصاص غير الكروسمان ترا جدا جدا جدا ممتاز سواء صغير او كبير
وسعره مره رخيص ، تاخذ 500 طلقه ب20 ريال ويبلاش
انت الحين استخدمها واقنص فيها واذا طفشت غير السبطانه ب300 وانتهينا

[NissaN 1990]

بسم الله الرحمن الرحيم

السلام عليكم ، العلم عندي ان شاء الله
لاتخاف وانا اخوك ترا شريت ماجنوم رصاص صغير مثلك من صاب وندمت في البدايه ولكن ركبت لها
منظار وقاعده 4 مسامير وقنصت فيها الين تعبت كل انواع الطيور قمري وحمام وطيور صغيره والحمد لله
ماتخطي بأذن الله ، في البدايه تعبت الين عرفت وزنيتها وتغير الوضع بشكل ماتتخيل، مشكلتها ضعيفه
على الحمام وبعد تقريبا سنتين من الأستخدم والطحن غيرت السبطانه 5،5 من صاب
ونصيحتي لاتستخد رصاص غير الكروسمان ترا جدا جدا جدا ممتاز سواء صغير او كبير
وسعره مره رخيص ، تاخذ 500 طلقه ب20 ريال ويبلاش
انت الحين استخدمها واقنص فيها واذا طفشت غير السبطانه ب300 وانتهينا




ماقصرت كفيت ووفيت
بس وش أسم الدربيل ووين أحصل القاعدة الممتازة ؟

[coolfishing]

حفظك الله اخي تركي 4800 ... و جميع الأعضاء في المنتدى

انا لم اتطرق الى قوة البندقية ... فجميع بنادق الديانا ماجنوم 350 قوتها واحدة سواء كانت خشب او فيبر كل حسب
مقاس الرصاص 4.5 او 5.5 ... و مشاركتي كانت لتصحيح معلومة ان وزن البدقية الخشب اثقل من الفيبر وهذه
المعلومة (( غير صحيحة )) ... و الصورة التالية كانت موجودة في الرابط الذي كان في مشاركتي الأولى

http://www.mekshat.com/pix/upload05/images253/mk95620_rws%20350.jpg


فكلمة weight التي اعلى المربع الأحمر في الصور تعني (( الوزن )) باللغة العربية


و هذان الرابطان للشركة المصنعة للبندقية موضح فيها المعلومة لمزيد من التأكيد

http://www.diana-airguns.de/index.php?id=216&L=1&width=1280&height=1024

http://www.diana-airguns.de/index.php?id=246&L=1&width=1280&height=1024


تحياتي
اخوك
ابو وجيه

[تركي4800]

كفيت ووفيت ياأبو وجيه وبيض الله وجهك على ها المعلومات. منك نتعلم طال عمرك

لك تحياتي.

[NissaN 1990]

استلمت البندق قوتها هائله بس واجهت مشكله بالوزن وقالو لي قص من النيشان وقالو راح تتفكك عليك ابي حل لو فيه وبالصور لو سمحتو

[عآشق المهره]

استلمت البندق قوتها هائله بس واجهت مشكله بالوزن وقالو لي قص من النيشان وقالو راح تتفكك عليك ابي حل لو فيه وبالصور لو سمحتو

الف مبروكك اخوي
لاتقص من نيشانها ولاشيء
اول شيء لازم تربط مسامير البندق الظاهره لك جميعها ..
والطريقه جدا سهله ..
تستخدم شطرطون السباكه الابيض موجود في اغلب محلات السباكه وتلفه على المسامير وتشدها ..
بالنسبه للنيشان لازم تفكه وتسوي نفس الطريقه مع المسامير بالاضافه انك تحط غراء الزجاج ( سوبر قلو ) وتشدها بسرعه ..
وبعدين اوزنها وماراح تختلف معاكك لاكن احفظ الارقام حقت النيشان وكل ماجيت ترمي تاكد منها ..
وفي النهايه مانبي الا دعواتكك :D

[تركي4800]

الف مبروك اخوي والله يطعمك من خيرها ويكفيك شرها.
شف ها الرابط راح يفيدك. دعواتك
http://www.mekshat.com/vb/showthread.php?t=624240

[تركي4800]

http://www.mekshat.com/vb/showthread.php?t=624240 شف هذا الرابط

[NissaN 1990]

جزاكم الله خير ماقصرتو وافين

[salehzahrani]

بسم الله الرحمن الرحيم

المنظار وانا اخوك اسمه نيكو ستيرلنج من صاب واخذت زوم من 3 الى 9 ويكفي
لأن بنادق الهوا مداها قريب ، وبالنسبه للقاعده برضه من عند صاب واظن قيمتها 70 ريال