نديم المجره
03/08/2014, 09:54 AM
عندما تشتكي لاحد من الناس ويقدم لك الخدمه المطلوبه فيعتبر هذا الانسان في نظرك صاحب كرم وشهامه.
فكيف اذا تقدم احدهم لمساعدتك وسخر امكانياته الماديه والمعنويه وذلك بمجرد ان ذكر له احدهم عن معاناتك قبل ان تشتكي له
فهذا الانسان لاتستطيع جميع عبارات الثناء وفاء حقه
وش هقوتك باللي فزع قبل ننصاه = وقدم لنا الفزعه قبل نشتكي له
وبادر بفزعاته لنا قبل ننخاه = من شأن يحمي وجيهنا من الفشيله
عبدالعزيز محمد الله يرعاه = ولد العريفي شال عنا الثقيله
والله لولا خالقه ثم لولاه = كان الزمان يلفنا في شليله
هذا الذي يستاهل العز والجاه = واحد ويسوى بالمواقف قبيله
عزالله ان المدح والطيب يزهاه = النادر اللي مالقينا مثيله
له مدةٍ كل الخلايق تمناه = لله دره مايمد الهزيله
يارب تسعد ولد عمي وتاقاه = ويارب تعطيه العطايا الجزيله
الله يرحم من على الطيب رباه = عسى جنان الخلد تصبح مقيله
ولاهان ابوخالد عن الوضع نباه = سلطان عل اسنين عمره طويله
اعيال عمي عزوتي بالملاقاه = واللي ماعنده مثلهم عزتي له
احمد بن عبدالرحمن العريفي
(نديم المجره)
فكيف اذا تقدم احدهم لمساعدتك وسخر امكانياته الماديه والمعنويه وذلك بمجرد ان ذكر له احدهم عن معاناتك قبل ان تشتكي له
فهذا الانسان لاتستطيع جميع عبارات الثناء وفاء حقه
وش هقوتك باللي فزع قبل ننصاه = وقدم لنا الفزعه قبل نشتكي له
وبادر بفزعاته لنا قبل ننخاه = من شأن يحمي وجيهنا من الفشيله
عبدالعزيز محمد الله يرعاه = ولد العريفي شال عنا الثقيله
والله لولا خالقه ثم لولاه = كان الزمان يلفنا في شليله
هذا الذي يستاهل العز والجاه = واحد ويسوى بالمواقف قبيله
عزالله ان المدح والطيب يزهاه = النادر اللي مالقينا مثيله
له مدةٍ كل الخلايق تمناه = لله دره مايمد الهزيله
يارب تسعد ولد عمي وتاقاه = ويارب تعطيه العطايا الجزيله
الله يرحم من على الطيب رباه = عسى جنان الخلد تصبح مقيله
ولاهان ابوخالد عن الوضع نباه = سلطان عل اسنين عمره طويله
اعيال عمي عزوتي بالملاقاه = واللي ماعنده مثلهم عزتي له
احمد بن عبدالرحمن العريفي
(نديم المجره)