مشكله طرمبة البنزين حقت الجمس

[مساعدبن محمد]

السلام عليكم ورحمة الله وبركاته

إخواني عندي جمس سوبربان 2002 6 مسامير وفيه مشكلة هالطرمبه غثتني

غيرتها تقريباً 3 مرات مرتين ركبت حقت الوكاله وآخر مره ركبت طرمبة VX.R والحمد لله

طولت معي تقريبآ سنتين والباقي سنه أو أقل واللحين خربت حقت VX.R الفيش ذاب عليها

وأعتقد أنها شغاله وابي أعرف وش سبب هالعطل المستمر

ولكم مني جزيل الشكر والتقدير

أبومحمد

[قمة افرست]

هل سبق لك غيرت صفاية البنزين لانها تسخن الطرمبة اذا متسخه

واذا من سكان الجنوب العقبات سبب لسرعة تلف الطرمبة لانها تسخن مع الشد

الصفاية تحت باب السايق
في موديلات 2003 او 4 صارت تجي بالطرمبة اذا ماني غلطان


http://repairguide.autozone.com/znetrgs/repair_guide_content/en_us/images/0996b43f/80/22/f8/a6/small/0996b43f8022f8a6.jpg

[zayed98]

غير فلتر البنزين

ونظف التانكي

ونظف الانجكترات

وتأكد من الاهواز انها مانها معوجه


ركب فيول بمب حق المرسدس بوش (مركب فيول بمب بوش سنة 2004 على نيسان ولليوم تكد )

[جمس _ 2002]

ابد ان شاء الله تمام اذا انت مغيرها فيكسار بس حاول تغير الصفايه كل سته شهور اذا كنت تخليه يمشي على الربع والفيش رح لكهربائي يشيك عليه وامره طبيعي ان شاء الله

[مساعدبن محمد]

السلام عليكم

آسف على االإطاله

مشكورين إخواني على تفاعلكم

وبعد البحث عن حل للمشكله توكلت على الله ورحت لورشه فيها مهندس ماشاء الله عليه جيد

وشرحت له الوضع قالي قبل كل شي جيب لي طرمبة VX.R مع فيشها وصفاية ويكون نوعيه ممتازه

وبعد ماركبناها قال شف إذا تبي حقت ال VX.R تعيش معك أنتبه للبنزين ﻻينزل عن الربع خصوصآ

اذا كان الظهر أو الجو يكون حار أو في سفر ولك مني تعيش 3 سنين على مسؤوليتي وعبه 91 ﻷن

معه نسبة زيت يخلي الطرمبه رطبه وﻻ تنشف

والله يتمم على خير

وآسف على الإطاله