وين احصل مطارة الهدلق

[فايروخ 370]

السلام عليكم ورحمة الله وبركاته

اخواني المكشاتييين

بغيت مطارة الهدلق اظن كويتيه اعرف ماهو وقتها بس لها طعم غير

وعذبتنا المطارات المحليه

المهم وين احصلها بالرياض او القصيم

[اهم-1]

انا شريت وحده من محطة العتش ولقيتها بمكشات بالرياض
بس ترا ماهي اللي انت تبي كانك تخبر الاولات
الجديده ماش

[shamshir]

حياك الله اخي الكريم
عندنا رجال يبيع الاولات وجدد علي 500
0533124533
عنيزه

[فايروخ 370]

جزاكم الله خير

[SGL 4200]

عند السنيدي في الجرده ببريدة انا اخذ من عنده قبل فتره ماذاكر بضبط ورد الكويت الامانيه لا نتسانا من الدعاء الله يوفقك

[المهمري]

اخذتها قبل فترة حقت المطلق خرابيط تهرب مهيب مثل الاولات

[الوانيت1]

اي مطاره تشتريها لازم تكب فيها كاسين سكر وتملاها علي الاخر ماء وتنقعها في سطل لمدة يومين علي الاقل مع تفقدها كل ١٢ ساعة لتزيد الماء اذا نقص من السطل او من القربة وترجها وفي اليوم الثالث اخرجها وعلقها لمدة يوم ثم شف معدل الخرير هل توقف ام لايزال بنسبة بسيطة كرر مرة ثانية كأسين سكر تكب داخل القربة ثم عبها ماء من جديد وعلقها وبدون تنقيع هالمره وزد الماء وزد السكر لين يتوقف تنقيط الماء تماما مع انها مملوئه بالماء وجنوبها رطبة وكل ما كثرت السكر كل ما تسكرت اجنوبها ولا عاد سربت وعقبة اغسلها من داخل برج الماء فيها وخلاص مبروك عليك لن تخر ولن يتسرب الماء منها واخذ احلي وابرد ماء و اكلمك أنا من تجربة وغيره لااااا تحاول مهما كان نوع وجودة القربة اللي بتشريها مااااا لها الا هالطريقة وسلامتك .....////.

[طبقة الاوزون]

موجوده عند محل كشته بحفر الباطن

[محب الشبه]

خمسميه ريال يالطيف

[wafi4sa]

جربت اللهيبي ممتازة عندي الحين
لكن اشترى صديقي من المحل نفس النوع لكن لم تنفع معه تخرشكل الدعوى حضوض

[كسول]

أهلاً بالجميع
بالنسبه للمطارة عليك بالهيبي كويتية وممتازة جداً ورخيصه بي 25 ريال فقط
اول ماتشريها عب لك قدر كبير ماء وحط معها شوي ملح وخلها لك 3 أيام وكل يوم مر عليها واقلبها
تراي مجربها اكثر من مره ومع اصدقائي وبإذن الله تضبط معك
مطارة اللهيبي كويتية :good::good::good::good:

محبك / ابومحمد