ابرة البابور ماعرفت لها

[بدوي502]

السلام عليكم

اخواني شريت لي بابور قاز:)

ومليته بالقاز ويوم جيت اشغل الكباس او الابره ماتطلع هوا

اضنها خربانه وشلون ازينها :(

والسلام عليكم

[ذري1000]

اذا كانت في الرياض فيه محلات اليابس في سوق الزل متخصصين في اصلاح المواقد

[بدوي502]

انا فالخرج اخوي

[بدوي502]

للرفع تكفون

[رجل الغابه]

معليش اتوقع انها ماما مهي ابره نضفها

[الشيخ الظريف]

نظف المامه(مخرج الغاز) واغرز بالمخرج ابره صغيره تفتح مخرج الغاز ولا تحتاج لمشوار ولاشيء

[بحرالقلزم]

لا تنظف بالابره لانها تنكسر وتسكر المجرى
فيه فرشه حديد اسحب منها احد الاسلاك الحديديه ونظف بها
تحصلها عند مواد البناء

[الشيخ الظريف]

الابره ممتازه بس لا تصير غشيم

[بدوي502]

نظف المامه(مخرج الغاز) واغرز بالمخرج ابره صغيره تفتح مخرج الغاز ولا تحتاج لمشوار ولاشيء
الله يجزاك خير ورحم الله والديك ادخل اي ابره حقت الخياطه وهل احط شي ثاني معه مثلا زيت ولا بنزين عشان ينظف وينفتح زين

لا تنظف بالابره لانها تنكسر وتسكر المجرى
فيه فرشه حديد اسحب منها احد الاسلاك الحديديه ونظف بها
تحصلها عند مواد البناء
ههههههههههههههه والله حيرتوني عالعموم رحم الله والديك يارب

الابره ممتازه بس لا تصير غشيم
لاتخاف بس انا غشيم فالبابور مالي اي خبره فيه :D

[كوكيان]

السلام عليكم
طريقة تشغيل الدافور القاز ( كيروسين ) كالتالي اولا تاكد انك تملي ثلثي الخزان لترك مجال لضغط الهواء وبعدين حل مسمار التنسيم شوي وحط شوي قاز في الصحن الصغير الي تحت الراس و ولعه بالولاعه واتركه دقيقتين لين يحمى الراس مضبوط لان الدافور ما يحرق القاز السائل لازم يتحول الي بخار بعدين اقفل مسمار التنسيم وعطه من 15 الي 20 كبسه بالكباس لين تقوى الشعله.
اذا ما تجمع ضغط في الخزان ممكن الجلده حقت الكباس ناشفه يبيلها تشحيم او الخزان فيه تنسيم. واذا ما طلع قاز من المامه الي في نص الراس معناتها مسدوده يبيله فك الانسداد بواسطة الابره الي تجي معاه .
اتمنا اكون افدتك ( تري هذي الامور ما يعرفها الا الشياب هههههه )