طقه في قير سييرا 2012

[Saif966]

السلام عليكم ورحمة الله وبركاته
عندي سييرا 2012 z71 عندي مشكله لما اعشق القير من الP الى D او R يطلع صوت طقه
والمشكلة الثانية لما أكون ماشي ورفعت عن الدعسة ودعست مره ثانيه يطق طقه كان صادمني احد من وراء .
والي يخبر لي ورشة بالدمام يعطينا العنوان .
والله يجزاكم كل خير

[ابوعبدالله199]

هذي المشكله صارت لي بلاند كروزر 2007 وقالي المهندس انها من جلب الدفرس الامامي او الجلب الاماميه
ويجب كذلك تشحيم بعض الاماكن من اسفل السياره تشحيم كامل مثل العمود والخ .. واباذن الله بتروح الطقه وتدعي لي

ابدا اول شي بالتشحيم عند اقرب بنشر وخله يشحم الموتر من تحت

[Saif966]

رحت اليوم للورش قالو عندك فضاوة بالقير والطقه تجئ وانت تمشي وفجاءة تهدي او عند ما تقوم السيارة بالأول وقالو لي توضيب وانا مو مقتنع بكلامهم وعندي تبخير بالعمود جهة الدفرنش لكن قالو ماله دخل هذي بالقير
ابي حل الله يرضى عليكم وين أصيل حجازي ومن أمس ما فيه الا رد واحد

[عاشق الموج]

انا عندي نفس مشكلتك
في جمس موديل 2001 تجي طقه قوية
يعني مثلا اكون ماشي طبيعي واخفف وادوس تجي طقه
وكانه احد صادمني من خلف السيارة
اسفط على جنب اطفي السيارة خمس ثواني وارد اشغلها
اعشق القير السيارة ترجع طبيعي
صراحه ما كشفت على السياره عند ورش
مع العلم تبديلات القير ممتازه

[Saif966]

المشكله الحين ناس تقول طبيعيه وهي اساسا مهي طبيعيه والمصيبة الثانيه تروح لا اي واحد يقولك توضيب قير عشان فضاوه وتعشيقات القير ما فيه خلاف
نبي احد يعطينا الحل وين اصيل حجازي ابي اكلمه لكن ما اقدر اكلمه خاص لازم مشاركات فوق ال50 مشاركه والله كرهت السياره بكبرها

[3zyiz]

الحل خله مثل ما هو لين يفقع القير .. اما توظبه عشان طقه !!! عزالله ما وظبته دام فيه نفس ويمشي

طيب ياخوي شيك على الصليبات احتمال الطقة في عمود الكردال موب القير خصوصا اذا السيارة تستخدمها تحميل او للبر ... من خبرت الجموس بالثمانينات وهي ما تكمل سنة اذا انت راعي بر تضطر تغير صليبات العمود من الحمولة او التطعيس

[turki_20041]

السلام عليكم ورحمة الله وبركاته
عندي سييرا 2012 z71 عندي مشكله لما اعشق القير من الP الى D او R يطلع صوت طقه
والمشكلة الثانية لما أكون ماشي ورفعت عن الدعسة ودعست مره ثانيه يطق طقه كان صادمني احد من وراء .
والي يخبر لي ورشة بالدمام يعطينا العنوان .
والله يجزاكم كل خير

وعليكم السلام ورحمة الله وبركاته
انا سيارتي يوكن دينالي 2012 ونفس المشكله بالضبط , ودخلت السيراه الوكاله وقالوا لي عادي , طلبت منهم تشحيم عمود الكرنك , وشحموه لي لكن نفس المشكله ماراحت , بالذات عند التعشيق من p او n الى R تشعر بالدقه قويه .
اتوقع هذا عيب مصنعي بالجموس

[basel8222]

يا اخوي ماعليك من حقين الورش لا توضيب ولا شي ما عند امهم سالفه كان معي سييرا 2010 تجي فيه الطقه اللي تقول عنها وتلاحظها اكثر بالحواري لا جيت تلف وتدعس مع اللفات وبخصوص فضاوة القير ما ياثر ولا شي موتري فيه الطقه من شريته اذا جيت تعشق من نمره الا نمره تجي طقه تحس كن القير ينزل وبعته وللحين مع راعيه مافيه شي لا توسوس ولا شي ترى الطقه طبيعيه

[LiLiiibcJI]

السلام عليكم
أخي لا توضب ولا شي
عندي جيب 2007 نفس مشكلتك تماما ولكن ليس بهذا العنف :eek:
غيرت جلد دفرنس امامي مثل ما ذكر أحد الأخوة في رده على هذا الموضوع
شحمت الأعمدة وأنا ما أعرف سيارتك ولا عمري سمعت فيها لكن لو دفع رباعي وفيها عمود شفت فك الشفت وشوف تستمر المشكلة معك أو لا ؟
في ناس كثير بمشكلة سيارتي اشاورا علي افك عمزد الشفت للتأكد
وللمعلومية الطقة الخفيفة عاديه كما عرفت من الجميع ومن الوكالة أيضا

[1824]

الطقه عادية اهم شيء تغير زيت القير والدفرنس والدبل بوقته ومافي اي مشكلة بموترك بالتوفيق لك

[الحربي 591]

اخوي الغالي الطقه هذي كانت مزعجتني ونفس الطقه اللي تجيك
المهم رحت لبترومين وغيرت زيت القير مع السيفون ..وزيت الدركسون
ولاحظت انها اختفت نهائيا ...

[صاروخ الغطغط]

شق صليبات العمود يمن فيها فضاوه لنها مع التعشيق تطق ولا رفعت رجلك عن الدواسه ودعست تطق شيك على صليبات عمود كردان

[Faisal1994]

السلام عليكم اخوي انا عندي سييرا 2012 والطقه هذي كانت عندي قبل ووديته الوكاله لأنه كان باقي ع الضمان ومدري غيرولي قطع وراحت وبعد فتره رجعت الطقه وسألت ناس عنها قالو طبيعي هذي الطقه وهي عيب في جميع الجموس لا تخاف يعني .

[R I V A L]

الطقة يا اخوان طبيعيه 100% ولا تخافون
وليست عيب مصنعي ولا شي
انا عندي سييرا 2008 من خذيتها وهي فيها
وسألت مهندس في الوكالة وهو فلبيني في الامارات عندنا
قالي هذي طبيعيه والمصنع هو اللي مسويها؟؟؟
استغربت قلت له ليش؟؟
قالي لان المكينة قوية جدا ويجب ترك فضاوة بين المكينة والقير عشان ما تكسر عليك القير من قوة المكينة
يعني هذي حركة متعمدة من المصنع
حماية للقير من الكسر من قوة المكينة