زيت هرب فتره وبعدين وقف من نفسه؟؟!!!!

[قصيمي دب سريع]

السلام عليكم
سيارة جيب فكس ار 2008
هرب الزيت فتره يمكن اسبوع
غيرت السيفون والزيت وبعدها هرب يوم ثم وقف تهريب
قلت اروح للورشه للأطمانان
كل ورشه يقولون اذا وقف خلاص انسى الموضوع
رحت لراعي ورشه خبره قال لي هذا عمود التيمن يهرب
قلت له طيب وقف التهريب
قال لا لا ماوقف
قلت له الا وقف
قال خلاص وقف انتهى الموضوع
اناماشوف زيت بالارض ابدا ابدا
حتى غسلت الحوش قلت اذا نقط جديد معناته كلامه صحيح
ولكن الحمد لله والا نقطه
الان هل اروح افك عمود التيمن واغير الصوف والا بما ان الزيت وقف اتكل على الله وانسى الموضوع
سؤالي
هل ممكن الزيت يهرب ويوقف من نفسه من عمود التيمن او ايمكان غير الصره والفلتر؟؟
علما اني تراي اترك الزيت يمشي احيانا 15 الف كيلو
واخيرا الان والا نقطة تهريب
افك المكينه والتمين لانه يقولي تبي تكلف الفك 1500 ريال لانه يبي يفك كل شي فالعمود من داخل
رايكم

[ابو فهد...]

غسل مكان التهريب الي بالمكينه ونظفه زين وامش اسبوع اذا كان ما فيه اثر زيت فالحمد الله واما اذا كان فيه الله يعينك

[وطن العزة]

احتمال ان اللي غير لك الزيت ما فك الصاجة اللي تحت الصره

وتجمع عليها شوي زيت من القديم وبدا يندي لين خلص :)


الصاجه اللي أقصد محدده باللون الأحمر

http://im62.gulfup.com/cYqGsm.jpg (http://www.gulfup.com/?OgxpZI)


لكن إقطع الشك باليقين وعاير الزيت وشف فيه نقص ولا لا

و إن شاء الله ان موترك ما فيه الا العافية

[ls1.5700]

وشلون يهرب زيت عمود التيمن
عمود التيمن داخل المكينه ماله دخل بالموضوع كله
يمكن يقصدون عمود الكرنك
وانت فهمت خطا
على العموم لاتوسوس مادام وقف تهريب الزيت ماعندك مشكله
انا اتوقع بأن العامل اللي غير لك السيفون
لما فكه انسكب منه زيت على الصاجه الحاميه او على الدفرنس او على اجزاء من المحرك
لاتخاف دايم تحصل مع ابو هناد وابو يمن وغيرهم

[قصيمي دب سريع]

الله يجزاكم خير
والزيت مره
اابشركم والا نقطه على البلاط
لدرجة اني خايف انحت المكينه وتخبط
كل شوي قايل ول على هالمكينه تصلح روحه بروحه
سالفة نكتت السوداني الي انشل (يعني جاوه شلل) على انهم كسولين
يوم قالو له اوصف لنا شعورك
قال والله انا خايف من كثر الفرحه داير امشي تاني