يا أخوان وين أحصل هالموقد ؟

[البنك المهجور]

السلام عليكم ... يا احبابي محتاج هالموقد وين احصله
لأن اللي بالسوق الآن وضعهن مو أمان بعكس هذا أمان ويتحمل .

http://www10.0zz0.com/2014/08/05/04/829141041.jpg

[Mohammed5d]

مالك لوا هذا الموقد اللي ماله امان هذا طفايه حريق ومرهم

[محمد 11411]

ابعد عنه يا اخوي
هذا مثل ما تفضل الاخ طفاية حريق مرهمه
ومشاكله واجد
خذ لك موقد اصلي مع محول
ولا دافورين ازين لك

[البنك المهجور]

صحيح كلامكم يا أخوان مثل ماتفضلتو الأصل فيه طفاية حريق
لكن للأمانة مع واحد من الشباب شغال مافيه أي مشاكل
وأنا بصراحة متعقد من سالفة الموقد لوحده والدبة لوحدها
والشكل هذا يختصر علي يعني ٢*١

[ابو شت]

خابر البريه عندهم الطفايه المرهمه

[محب الجهاد]

فًُر منه فرارك من الأسد من أسباب انفجار كثير من الدوافير أنها قريبة من مصدر النار وبالتالي الحرارة العالية جداً اللتي لايتحملها الدافور

[الرحال2222]

اكثر من موضوع شفته منفجر

[البنك المهجور]

أشكر لكم تجاوبكم ... بالنسبة للإنفجار هذا موقد نوع ثاني
- على ماعتقد صيني - ويكون له صاجة فوق تركب على الموقد
بعكس النوع هذا يجي قطعة واحدة عبارة عن طفاية حريق مرهمة موقد

[طير الطنايا]

ابعد عن الشر وغنيله ..هذا مثل
من اخطر الدوافير الي يكون مقارب للشعله وهذا افعاله رديه مع الناس
خذلك دبه ''لي ''وغاز راسين الي يتسفط وريح بالك
وماالك ومال الي انت تقوله ذا
نصيييييحه.

[البنك المهجور]

مشكور أخوي على النصيحة
لكن عندي سؤال أيهما أكثر خطورة الموقد هذا أو
راس الشعلة اللي نركبها على الدافور العادي ؟

[alrassam]

هذا أكثر خطوره من الدافور الصيني بدرجتين وأكثر خطوره من الدافور الهندي والايطالي والفرنسي والسويدي من سبع الى عشرين درجه وذلك حسب تقييمي الشخصي ،،،، اتمنى لك التوفيق

[rami52]

هذة الانواع لم تأتي منها صناعة صينية لانها اردى من الصيني
حتى الايطالي الموجود حالياً لم يعد ايطالي بل صيني للأسف
ريح نفسك وخذ نوعية هندية ان لم تجد النوع السويدي حيث النوع الهندي مصمم على المواصفات السويدية كبريموس وبي كي ال

[كايد]

انحش منه

ياناس اشوف الناس متعبه عمرها ونص رواتبها في موقد بريموس وموقد كولمان وكوفيا
قنصت مصر وجنوبها والله مامعنا لاغاز ولا دافور وقنصنا السعودية نفس الكلام .
اذا مرة راس قز كوفيا 85ريال ودباب ام 14 تكفيك وزود .واذا انت راعي طبخ
دبة غاز 12رطل ب125ريال ايطالي انتبه من الصيني
واي قز يقوم بالمقام .حتى الصيني ابو45 ريال يوفي باللازم

ما ادري وش هالثقافة اللي كل عدته بريموس

اخبر الناس تفتخر بالبلاجيك وعدتها ماهو بريموس وقزوزها
رايي الشخصي ويحترم .

[البنك المهجور]

بيض الله وجهك ياكايد وكلامك على العين والراس

لكن مثل مايقولون لولا أختلاف الأنظار لبارت السلع

وكل شخص وله رغبته الشخصية اللي نتفق او نختلف معها .

[أبورنا الشمري]

له أكثر من أربع سنين عندي وزي الفل..
شاريه من واحد بالقصيم راعي ورشه اسمه ماجد ورقمه عندي لو بغيته عطيتك اياه
لكنه غالي..

[البنك المهجور]

تسلم يابو رنا وافزع لي برقمه الله لا يهينك
والسعر مقدور عليه إن شاء الله .

[الشلفا]

البنك المهجور ما شاء الله عليك مصر على هالموقد رغم نصائح الاخوان

الله يكفيك شره ان شريته
وما دامه بخاطرك
انا سبق لي سماع نقاش حول هالعينة من المواقد ومدحوا موقد نفسه يصنعه العثيم
تحصل له صور في الردود على هالموضوع

http://www.mekshat.com/vb/showthread.php?t=369098
ولكن توقف عن التصنيع بسبب وزارة التجارة - حسب ما سمعت والله اعلم -
لكن يمدحون الأمان فيه ،، وجودة تصنيعه
ويجي منه مقاسين 10 و 15 رطل
وأسعاره تبدأ من ٤٠٠ وطالع
وما زال منه بقية في السوق خصوصا في القصيم ،، لو تبحث بتحصله ان شاء الله
والله يكتب لك التوفيق .

[البنك المهجور]

اللهم آمين جزاك الله خير أخي الشلفا
وأنت وجميع الأخوان كلامكم على العين والراس
وأنا بصراحة مابحثت عنه إلا إني عارف هالنوعية
بالذات ودرجة الأمان العالية فيها والله يكتب مافيه الخير
وأشكرك أخي الشلفاء على الموضوع الللي ارسلت والمعلومات
اللي أفدتني فيها .

[أبورنا الشمري]

حياك الله يالغالي
وأعتذر عن التأخير بالرد..

ماجد الزايدي
055536169
هذا الرجال وأنا أخذت منه قبل ٤ سنوات..
ويشهد الله إنه دافور يطرب..
بس لازم تغير العين لأنه يحط عين صينية..
فكهن وحط بدالهن بريموس..

وبالنسبة للي يقول هذا خطر..
عود الكبريت خطر
بس باليد اللي ماتعرف له..
الواحد يحتاط والله الحامي..

[الوكر2888]

الرقم ناقص

[البنك المهجور]

بيض الله وجهك يابو رنا ماقصرت

الرقم هو 0555136169

مافيني صبر بحثت حتى

حصلت الرقم الناقص ههههههههه

[أبورنا الشمري]

ههههههههههه
إي والله الرقم ناقص..
كتبته من العجله والله
العذر والسموحة منكم..
وفعلاً مثل ماقلت الرقم:
0555136169

الله يوفق الجميع

[أبورنا الشمري]

وجهك أبيض يالغالي

[البنك المهجور]

أشكر جميع من تفاعل مع موضوعي
حصلت مواقد لكنها كيسيات مرهمة أو صفائح مبرومة
وهي غير آمنة الآمان بعد الله في طفايات الحريق المرهمة
بشرط أن تكون أصلية
لذالك لازال البحث جاري عن هذا النوع من المواقد
ومن لديه علم عنه لايبخل علينا الله لايحرمكم الأجر جميعاً

[خيال الغلبا]

انحش اخوي تراك غالي علينا

لايحوشك هذا بسم الله عليك

[أميرالمحبين]

السلام عليكم.
مجرد كلمة مرهم هذي تكفي الواحد يصرف نظر عنه
ومواصفات طفايات الحريق تختلف تماماً عن مواصفات الدافور من حيث قوة الضغط وماشابه.
انا اشوف اغلبية الاخوان قالو انحش عنه والسبب غير آمن. في امر زي هذا مو لازم تخوض التجربه عشان تتاكد بنفسك بينفجر او لا. اذا فات الفوت ماينفع الصوت
خذلك من الاشياء المعروفه المجربه
هذا مجرد راي لاني احب لاخي ما احبه لنفسي.