ياويش رجلٍ بالتواصيف رجال..الحل..داخل اللغز..حله..أبو ماجد.كفو

[راعي العجراء]

السلام عليكم ورحمة الله وبركاته
لغز من اول رنعه


ياويش رجلٍ بالتواصيف رجال = والا العقل ماهوب يم الرجوله

عدد وبدد وانصف الحق يارجال= انصف حلال عن حرام بسهوله

خلى الحرام في غياهيب واهول = وادعى الحلال حول يدينه يطوله

واصبح مثل ياصاحبي قول وافعال = قصة ومثلها يالربع من يقوله
راعي العجرا

[ابو ماجد 2]

صح لسانك
قبل الزحمه
القرد وقصة ماجاء بالماء ضاع بالماء

[عامر الروقي]

صح لسانك ياراعي العجرا وبيض الله وجهك
وش رايك
الرجل الالي في سباق الهجن

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

وبيض الله وجهك على هاللغز

وياكثرهم اللي من البشر وينطبق عليهم للأسف البيت الأول

وماشاءالله عليك ياأبوماجد

ماأمداه ياقع:D

وكفو والله يالغالي

إنَّ رجلًا كان يبيعُ الخمرَ في سفينةٍ لهُ ، ومَعهُ قردٌ في السَّفينةِ ، وكان يشُوبُ الخمرَ بالماءِ ، فأخذ القِردُ الكيسَ فصعِد الذِّروَةَ ، وفتحَ الكيسَ ، فجعَلَ يأخذُ دينارًا فيُلْقِيِه في السَّفينةِ ، ودينارًا في البَحرِ حتَّى جعله نِصفَينِ .

الراوي: أبو هريرة المحدث: الألباني (http://www.dorar.net/hadith/mhd/1420?ajax=1)- المصدر: صحيح الترغيب (http://www.dorar.net/book/531?ajax=1) - الصفحة أو الرقم: 1770
خلاصة حكم المحدث: صحيح

[ابوذيبان]

الله الله الله

صح قلبك ملايين ياجدي

وابوماجد . جعله يسلم قام بالمهمة . تبارك الله

0

[راعي العجراء]

صح لسانك
قبل الزحمه
القرد وقصة ماجاء بالماء ضاع بالماء


كفو كفو ياجدي ابوماجد
وصح السانك ملايين نعم قصة القرد واللبن والماء
والرجل الغشاش
والمثل
ماجاب الماء غدا بالماء
لله درك ماخليته ينفس كتمت بلفه
مع السلامه

[راعي العجراء]

صح لسانك ياراعي العجرا وبيض الله وجهك
وش رايك
الرجل الالي في سباق الهجن


هلا ياخوي عامر الروقي وكل عام وانت طيب ياطيب
والرنعه عند الزعيم ابوماجد
دمت بخير ومع السلامه

[راعي العجراء]

وعليكم السلام ورحمة الله وبركاته

سلمت يالغالي

وصح لسانك

وبيض الله وجهك على هاللغز

وياكثرهم اللي من البشر وينطبق عليهم للأسف البيت الأول

وماشاءالله عليك ياأبوماجد

ماأمداه ياقع:D

وكفو والله يالغالي

إنَّ رجلًا كان يبيعُ الخمرَ في سفينةٍ لهُ ، ومَعهُ قردٌ في السَّفينةِ ، وكان يشُوبُ الخمرَ بالماءِ ، فأخذ القِردُ الكيسَ فصعِد الذِّروَةَ ، وفتحَ الكيسَ ، فجعَلَ يأخذُ دينارًا فيُلْقِيِه في السَّفينةِ ، ودينارًا في البَحرِ حتَّى جعله نِصفَينِ .

الراوي: أبو هريرة المحدث: الألباني (http://www.dorar.net/hadith/mhd/1420?ajax=1)- المصدر: صحيح الترغيب (http://www.dorar.net/book/531?ajax=1) - الصفحة أو الرقم: 1770
خلاصة حكم المحدث: صحيح


هلا وغلا يابوعلي
وصح بدنك
وتاييدك موفق
واشكرك على ايراد القصه
واعتقد انه كان يبيع لبن ويغشه بالماء
شاكر تفضلك لاعدمتك
مع السلامه

[راعي العجراء]

الله الله الله

صح قلبك ملايين ياجدي

وابوماجد . جعله يسلم قام بالمهمة . تبارك الله

0


من تلاميذك يابو ذيبان
وصح بدنك
وابوماجد ذبحه بكراع قعود املح
شاكر تفضلك في حضورك بارك الله فيك
واسلم وسلم ومع السلامه

[ذيب الفقارة]

كفووووووووووو كفووووووووووووو كفووووووووووووو

فارسنا وزعيمنا

أبو ماجد

الحل هو كما ذكرت :

قصة القرد والرجل الغشاش

وصح لسانك ملايين حبيب الكل

راعي العجراء

تحياتي

[راعي العجراء]

كفووووووووووو كفووووووووووووو كفووووووووووووو

فارسنا وزعيمنا

أبو ماجد

الحل هو كما ذكرت :

قصة القرد والرجل الغشاش

وصح لسانك ملايين حبيب الكل

راعي العجراء

تحياتي

كفوك الطيب ياجدي ابوعدنان
وصح بدنك ملاييين ولا يكفون
رفعت اسهم اللغز في حضورك
لاعدمتك ولا عدمت حضورك
مع السلامه