مرحبا يااخوان لاهل الخبره __ الشناظره__ للطير

[ابوسلطان 66]

السلام عليكم ورحمة الله وبركاته

اخواني الصقاقير مين فيكم اكثر شخص جرب الشناظرة للطير الكل يعرف مدى خطورتها وانها مميته !!!

لاكن نشوف كثير من الصقاقير ما يستغنى عنها نبي نعرف منكم الي جربها وعلى كم طير جربها وكم طير مات وش الامراض الي جات الطيور بعدها اذا سلم

نبي نعرف كل شيء عن الشناظره وطريقة استخدامها ومتى تعطى للطير وفي النهاية هل تنصحون فيها اخوانكم الصقاقير او لا

تحياتي وتقديري للجميع

[أبوبشير العنزي]

جزاك الله خير الجزاء. .موضوع مهم للصقاقير...ونستفيد من خبراتهم...

[رابح الغلا]

اذا صار الطير سليم من الامراض شنذره. والاعمار بيد الله

[أبو فااارس]

السلام عليكم... اخوي الشناذره نوعين فيه طبيه وفيه طبيعيه وكلهن فيهن خطوره لكن تفاوت خطورتهن حسب استخدامهن ... الشناذره مكونه من ملح بحر ومواد كيماويه ممكن تحول لماده سامه في حالة وجود جروح بمعلف الطير.. وبالنسبه لاستخدامهن كل صقار هو ابخص بطيره ويعرف متى يشنذره
وكيف يشنذره وليه يشنذره .. بالنسبه لموت الطير توقع اي شي يصير للطير اثناء التشنذر ممكن يصير خطأ بسيط يخرب عليك طيرك ... اهم شي لتشنذر الطير اربع اشياء* يكون الطير صنيع*وسليم من الامراض قلاع والتهاب* وتشنذره بمكان بارد* ويكون مروبج * انت اعمل بالأسباب هاذي والباقي على ربك بعضهم قليل عرف يسوي كل شي لكن يوم يجي يبي يشنذر الطير يدخل الكبسوله بفتحة الرئه بالغلط ويموت الطير وبعضهم يشنذر بجو حار وينصرع طيره ويموت من الحراره والا يصيبه التهاب واخر شي انصحك بالشناذره الطبيه وتضيف لها مضاد حيوي بسيط *

[هم الشمالي]

اذا صار الطير سليم من الامراض شنذره. والاعمار بيد الله

مثل ماقال أخونا رابح الغلا اذا كان سليم من الأمراض شنذره ولافيه إن شاء الله إي مشاكل بالعكس تزين أعلومه وتنفتح شهيته للأكل والشنذره الطبيه أفضل للي ماعنده خبره بالشنذره العاديه لأنها خطيره ممكن ونت تشنذره يروح شي بالرئه ويذبح الطير يبيلها واحد متمرس ويعرف مقدار الشنذره الي تعطا لطير

[ابوسلطان 66]

جزاك الله خير الجزاء. .موضوع مهم للصقاقير...ونستفيد من خبراتهم...
شاكر ومقدر مرورك الجميل
تحياتي وتقديري لك

اذا صار الطير سليم من الامراض شنذره. والاعمار بيد الله

صدقت بس حرام اني اغامر بطيري
شاكر ومقدر مرورك

السلام عليكم... اخوي الشناذره نوعين فيه طبيه وفيه طبيعيه وكلهن فيهن خطوره لكن تفاوت خطورتهن حسب استخدامهن ... الشناذره مكونه من ملح بحر ومواد كيماويه ممكن تحول لماده سامه في حالة وجود جروح بمعلف الطير.. وبالنسبه لاستخدامهن كل صقار هو ابخص بطيره ويعرف متى يشنذره
وكيف يشنذره وليه يشنذره .. بالنسبه لموت الطير توقع اي شي يصير للطير اثناء التشنذر ممكن يصير خطأ بسيط يخرب عليك طيرك ... اهم شي لتشنذر الطير اربع اشياء* يكون الطير صنيع*وسليم من الامراض قلاع والتهاب* وتشنذره بمكان بارد* ويكون مروبج * انت اعمل بالأسباب هاذي والباقي على ربك بعضهم قليل عرف يسوي كل شي لكن يوم يجي يبي يشنذر الطير يدخل الكبسوله بفتحة الرئه بالغلط ويموت الطير وبعضهم يشنذر بجو حار وينصرع طيره ويموت من الحراره والا يصيبه التهاب واخر شي انصحك بالشناذره الطبيه وتضيف لها مضاد حيوي بسيط *

سلمت اخي الكريم كلام جميل ورائع

ولاكن انا سالت دكتور في مستشفى الامير فهد بن سلطان وقالي
مافي شي اسمه شناظره طبيه كلها نفس الشي وانا بالنسبه لي مستحيل اشنظر طير مهما كانت الاسباب

الف شكر اخوي لمرورك الكريم
تحياتي وتقديري لك

مثل ماقال أخونا رابح الغلا اذا كان سليم من الأمراض شنذره ولافيه إن شاء الله إي مشاكل بالعكس تزين أعلومه وتنفتح شهيته للأكل والشنذره الطبيه أفضل للي ماعنده خبره بالشنذره العاديه لأنها خطيره ممكن ونت تشنذره يروح شي بالرئه ويذبح الطير يبيلها واحد متمرس ويعرف مقدار الشنذره الي تعطا لطير

بيض الله وجهك سلمت اخوي

صحيح ان الشنظره اطيح لك راس الطير وتخليه يقبل عليك

لاكن الي طيره غالي عليه ماانصحه انا بالنسبه لي

الف شكر لمرورك الرائع تحياتي وتقديري لك

[ابوسلطان 66]

الحين الطيور على وشك انها تطلع من الربطه والشناظره عند اخوانا الصقاقير والمه

عشان كذا طرحت الموضوع اتمنا الكل يفيد ويستفدي من خبرات اهل الطيور في الشناظره

[ابو امجد 11]

الشناذر زين للطير بعد الزبطه ع شان يرمي الشبيكه

والشبيكه هذه تأثر على الطير من عدة نواحي مثل زيادة

رغبة الطير على العلف وتغيير نفسية الطير .

خطورتها : لاشك ان فيها خطورة اذا تم استخدامها من قبل

شخص ماعنده خلفيه في استخدامها لانه ممكن يزيد الكمية

المستخدمه وممكن تكون الشناذره ماهي طبيعية ١٠٠٪ وممكن

الشخص مايعرف ان الطير بدأ يتأثر من الشناذره .

وفي حال الطير اخذ الشناذره يجب وضع الطير في مكان بارد

لان الشناذر حار على الطير ورش الطير بالماء وانتظر عليه لما

يرمي الشبيكه وبعدها بتكون اموره طيبه ولكن خل الماء عنده لان

الشناذر يخليه يعطش .

ملاحظه : قد يكون فالطير قلاع داخلي واذا عطيته شناذر ممكن

يموت بسبب انه مايستطيع اخراج الشبيكه من القلاع في البلعوم

وقت تقل الشبيكه البلعوم ولكن يجب اعطاء الطير حليب بسرعه عن

طريق سرنجه ( ابرة ) كمية تقدر بربع فنجال القهوة وبعدها امسك

الطير واقلبه خل راسه تحت وذنابته فوق وبتطيح الشبيكه على طول

بإذن الله .

والشناذر يستخدم في ثلاثة طرق حسب معرفتي

يوضع بقطعة شاش ويعطى الطير

يوضع بجلد الحمامه ويعطى الطير

يوضع في كبسولة ويعطى الطير ( تعبأ يدوي )

وانا افضل الكبسوله لانها مافيها احتمال زيادة نسبه واسرع مفعول من الطريقتين الاوليتين

وبعد مايرمي الشبيكه بأسبوع اعطي الطير اسبوعياً عدد ( ٣ ) مكعبات سكر نبات وسرنجة حلتيت

سكر النبات لتنظيف معلف الطير والحلتيت لزيادة المناعه عند الطير ويستخدم ايضاً علاج لمعدة الطير

وبالنسبة لي انا ماقد مامات عندي طير بسبب الشناذر ولله الحمد

هذا ماعندي عن موضوع الشناذر والاخوان مؤكد عندهم من العلم والمعرفه اكثر مني في هالمجال

وجزاك الله خير يابو سلطان على الموضوع الطيب وخصوصاً ان موسم الشناذر قرب هههههه

[ابوسلطان 66]

الشناذر زين للطير بعد الزبطه ع شان يرمي الشبيكه

والشبيكه هذه تأثر على الطير من عدة نواحي مثل زيادة

رغبة الطير على العلف وتغيير نفسية الطير .

خطورتها : لاشك ان فيها خطورة اذا تم استخدامها من قبل

شخص ماعنده خلفيه في استخدامها لانه ممكن يزيد الكمية

المستخدمه وممكن تكون الشناذره ماهي طبيعية 100٪ وممكن

الشخص مايعرف ان الطير بدأ يتأثر من الشناذره .

وفي حال الطير اخذ الشناذره يجب وضع الطير في مكان بارد

لان الشناذر حار على الطير ورش الطير بالماء وانتظر عليه لما

يرمي الشبيكه وبعدها بتكون اموره طيبه ولكن خل الماء عنده لان

الشناذر يخليه يعطش .

ملاحظه : قد يكون فالطير قلاع داخلي واذا عطيته شناذر ممكن

يموت بسبب انه مايستطيع اخراج الشبيكه من القلاع في البلعوم

وقت تقل الشبيكه البلعوم ولكن يجب اعطاء الطير حليب بسرعه عن

طريق سرنجه ( ابرة ) كمية تقدر بربع فنجال القهوة وبعدها امسك

الطير واقلبه خل راسه تحت وذنابته فوق وبتطيح الشبيكه على طول

بإذن الله .

والشناذر يستخدم في ثلاثة طرق حسب معرفتي

يوضع بقطعة شاش ويعطى الطير

يوضع بجلد الحمامه ويعطى الطير

يوضع في كبسولة ويعطى الطير ( تعبأ يدوي )

وانا افضل الكبسوله لانها مافيها احتمال زيادة نسبه واسرع مفعول من الطريقتين الاوليتين

وبعد مايرمي الشبيكه بأسبوع اعطي الطير اسبوعياً عدد ( 3 ) مكعبات سكر نبات وسرنجة حلتيت

سكر النبات لتنظيف معلف الطير والحلتيت لزيادة المناعه عند الطير ويستخدم ايضاً علاج لمعدة الطير

وبالنسبة لي انا ماقد مامات عندي طير بسبب الشناذر ولله الحمد

هذا ماعندي عن موضوع الشناذر والاخوان مؤكد عندهم من العلم والمعرفه اكثر مني في هالمجال

وجزاك الله خير يابو سلطان على الموضوع الطيب وخصوصاً ان موسم الشناذر قرب هههههه

اخي العزيز ابوامجد

استفدت بالنسبه لي في كل ماذكرت واتمنا الجميع يعطينا ارائه ويفيدنا

تقبل مروري واعجابي

تحياتي وتقديري لك

[عاشق التوام]

وعليكم السلام ورحمة الله وبركاته يابو سلطان
أصبح وأمسي عليك بالخير أنت والحاضرين

بداية الإخوان ماقصروا في مشاركاتهم
وانا بتكلم عن رأيي (الشخصي) في موضوع الشناذر

أولاً وشهي الشبيكا
المعروف وعلى حد علمي إنها
مجموعة عصارات تتكون من العلف حتى تصير مثل الشحمه مغلفه بغشاء مخاطي
وهذي سبحان الله مايتم إستخدامها من قبل الطير إلا في حال لم يجد علف أي أنه يتصبر فيها من خلال الإمتصاص منها بدبرة الخالق سبحانه وتعالى لحين يلقى له علف
والشبيكا عادة تتكون بعد الشنذرة في ظرف زمني تقريباً بسيط يقدّر بإسبوع على الأقل وهذا حسب علف الطير
أعني حتى وإن شنذرنا الطير بترجع له في ظرف زمني بسيط
طيب وش الحكمة في إستئصالها وهي في الأصل بترجع تتكون من جديد

لو قلنا حذفها الطير بعد الشنذرة وصار يجي على وجهه حين الدعو
وبعد العلف المستمر تكونت الشبيكا
الطير بيرجع لوضعه الأول ولا لا ؟

فالعملية تعتمد على طريقة التدهيل والدعو في الأساس

فبما إني قلت هالشي (شخصي) فأنا على الطيور اللي نقلتها في البدايات صحيح قد غدت علينا طيور :( والحمدلله على ماكتب الله ولكن جهل منا في طريقة التدهيل والعجلة في الهداد والمهم ما كان أحد أسبابها إنه غدا على أساس إنه ماتشنذر
وبعد الممارسات و اخوة رياجيل من هل العرف مثلكم وشرواكم الطيور ولله الحمد تجي على الدعو مطفية النور

وبهذا أنا أقول إن الشناذر عملية خطيرة للطير جداً قد تنجح وقد تفشل وقد لا تؤدي الغرض التي من شانها عملت وأنا لا أستخدمها نهائياً لو أدري إني أدهل وأدعي طير عاصي لين يتجاوب معي ولا أخاطر به ويروح ضحية تجربة

هذا ما لدي وإختلاف الرأي لايفسد في الود قضية

تحياتي لك ولطرحك

[حجاب ودهيس]

تراي ماقريت كل المكتوب
لأكن نصيحه الي يبي يشنذر طيره
ألطريقه
عش الطير حمامه بريشها خله يأكل لين ينفهق من كيفه
ومن بكره قبل الروباجه بنص ساعه عطه الشناذر
يبي يحذف الروباجه ومعها الشبيكة
طريقه مجربه وبأذن الله ما تضره
ولا تعيشه غير اخر اليل او من بكره الصباح

[THE SNIPER H]

وعليكم السلام ورحمة الله وبركاته يابو سلطان
أصبح وأمسي عليك بالخير أنت والحاضرين

بداية الإخوان ماقصروا في مشاركاتهم
وانا بتكلم عن رأيي (الشخصي) في موضوع الشناذر

أولاً وشهي الشبيكا
المعروف وعلى حد علمي إنها
مجموعة عصارات تتكون من العلف حتى تصير مثل الشحمه مغلفه بغشاء مخاطي
وهذي سبحان الله مايتم إستخدامها من قبل الطير إلا في حال لم يجد علف أي أنه يتصبر فيها من خلال الإمتصاص منها بدبرة الخالق سبحانه وتعالى لحين يلقى له علف
والشبيكا عادة تتكون بعد الشنذرة في ظرف زمني تقريباً بسيط يقدّر بإسبوع على الأقل وهذا حسب علف الطير
أعني حتى وإن شنذرنا الطير بترجع له في ظرف زمني بسيط
طيب وش الحكمة في إستئصالها وهي في الأصل بترجع تتكون من جديد

لو قلنا حذفها الطير بعد الشنذرة وصار يجي على وجهه حين الدعو
وبعد العلف المستمر تكونت الشبيكا
الطير بيرجع لوضعه الأول ولا لا ؟

فالعملية تعتمد على طريقة التدهيل والدعو في الأساس

فبما إني قلت هالشي (شخصي) فأنا على الطيور اللي نقلتها في البدايات صحيح قد غدت علينا طيور :( والحمدلله على ماكتب الله ولكن جهل منا في طريقة التدهيل والعجلة في الهداد والمهم ما كان أحد أسبابها إنه غدا على أساس إنه ماتشنذر
وبعد الممارسات و اخوة رياجيل من هل العرف مثلكم وشرواكم الطيور ولله الحمد تجي على الدعو مطفية النور

وبهذا أنا أقول إن الشناذر عملية خطيرة للطير جداً قد تنجح وقد تفشل وقد لا تؤدي الغرض التي من شانها عملت وأنا لا أستخدمها نهائياً لو أدري إني أدهل وأدعي طير عاصي لين يتجاوب معي ولا أخاطر به ويروح ضحية تجربة

هذا ما لدي وإختلاف الرأي لايفسد في الود قضية

تحياتي لك ولطرحك




كلامك مظبوط 100%
انا عمري ما شنذرت طير ولا حتي ربط الطير وقت الربطه إلا لما جيت السعوديه وطبعا بسبب اختلاف الاجواء والحراره الشديده بالمملكه
ولكن بالنسبه للشنذره لم استخدمها ابدا وقد حذر منها اكثر من طبيب طيور
الشنذره عباره عن ماده الامونيا وهي ماده سامه والكل يعرف ذلك وما تقوم به داخل فرسه الطير انها تحدث التهاب شديد في الفرسه مما ينتج عنه انفصال الطبقه المخاطيه الشحميه عنها
هذه الطبقه من ضمن فائدها انها تحمي جدار الفرسه من الاصابات بالجروح نتيجه شظايا العظم والاجزاء المدببه
الحل البديل هوه ان تقلل علف الطير حتي ينزل وزنه ويستجيب علي الدعو افضل من ان تخاطر بحياه الطير بالشنذره ويكون ضحيه عمليه فاشله بعد ان انتظرت طيرك سبعه شهور حتي صفي واستعديت للنقل والدعو للصيد
هذا رايي الشخصي

[ابوسلطان 66]

وعليكم السلام ورحمة الله وبركاته يابو سلطان
أصبح وأمسي عليك بالخير أنت والحاضرين

بداية الإخوان ماقصروا في مشاركاتهم
وانا بتكلم عن رأيي (الشخصي) في موضوع الشناذر

أولاً وشهي الشبيكا
المعروف وعلى حد علمي إنها
مجموعة عصارات تتكون من العلف حتى تصير مثل الشحمه مغلفه بغشاء مخاطي
وهذي سبحان الله مايتم إستخدامها من قبل الطير إلا في حال لم يجد علف أي أنه يتصبر فيها من خلال الإمتصاص منها بدبرة الخالق سبحانه وتعالى لحين يلقى له علف
والشبيكا عادة تتكون بعد الشنذرة في ظرف زمني تقريباً بسيط يقدّر بإسبوع على الأقل وهذا حسب علف الطير
أعني حتى وإن شنذرنا الطير بترجع له في ظرف زمني بسيط
طيب وش الحكمة في إستئصالها وهي في الأصل بترجع تتكون من جديد

لو قلنا حذفها الطير بعد الشنذرة وصار يجي على وجهه حين الدعو
وبعد العلف المستمر تكونت الشبيكا
الطير بيرجع لوضعه الأول ولا لا ؟

فالعملية تعتمد على طريقة التدهيل والدعو في الأساس

فبما إني قلت هالشي (شخصي) فأنا على الطيور اللي نقلتها في البدايات صحيح قد غدت علينا طيور :( والحمدلله على ماكتب الله ولكن جهل منا في طريقة التدهيل والعجلة في الهداد والمهم ما كان أحد أسبابها إنه غدا على أساس إنه ماتشنذر
وبعد الممارسات و اخوة رياجيل من هل العرف مثلكم وشرواكم الطيور ولله الحمد تجي على الدعو مطفية النور

وبهذا أنا أقول إن الشناذر عملية خطيرة للطير جداً قد تنجح وقد تفشل وقد لا تؤدي الغرض التي من شانها عملت وأنا لا أستخدمها نهائياً لو أدري إني أدهل وأدعي طير عاصي لين يتجاوب معي ولا أخاطر به ويروح ضحية تجربة

هذا ما لدي وإختلاف الرأي لايفسد في الود قضية

تحياتي لك ولطرحك



100% بيض الله وجهك

تراي ماقريت كل المكتوب
لأكن نصيحه الي يبي يشنذر طيره
ألطريقه
عش الطير حمامه بريشها خله يأكل لين ينفهق من كيفه
ومن بكره قبل الروباجه بنص ساعه عطه الشناذر
يبي يحذف الروباجه ومعها الشبيكة
طريقه مجربه وبأذن الله ما تضره
ولا تعيشه غير اخر اليل او من بكره الصباح
حياك الله اخوي ودي انك تقرى للفايده والموضوع منزله في هذا الوقت عشان الكل يستفيد
لان الشناظره تاذي الطير وحرام يموت طيرك لاسمح الله عشان اطيح راسه باسرع الوقت
الصبر ثم الصبر

كلامك مظبوط 100%
انا عمري ما شنذرت طير ولا حتي ربط الطير وقت الربطه إلا لما جيت السعوديه وطبعا بسبب اختلاف الاجواء والحراره الشديده بالمملكه
ولكن بالنسبه للشنذره لم استخدمها ابدا وقد حذر منها اكثر من طبيب طيور
الشنذره عباره عن ماده الامونيا وهي ماده سامه والكل يعرف ذلك وما تقوم به داخل فرسه الطير انها تحدث التهاب شديد في الفرسه مما ينتج عنه انفصال الطبقه المخاطيه الشحميه عنها
هذه الطبقه من ضمن فائدها انها تحمي جدار الفرسه من الاصابات بالجروح نتيجه شظايا العظم والاجزاء المدببه
الحل البديل هوه ان تقلل علف الطير حتي ينزل وزنه ويستجيب علي الدعو افضل من ان تخاطر بحياه الطير بالشنذره ويكون ضحيه عمليه فاشله بعد ان انتظرت طيرك سبعه شهور حتي صفي واستعديت للنقل والدعو للصيد
هذا رايي الشخصي


100% بيض الله وجهك واتمنا الكل يقرى ويستفيد واتمنا مشاركت الجميع للفايده

تحياتي وتقديري للجيمع

[ابوسلطان 66]

ودي يكون فيه حمله على الشناظره من صقاقيرنا الكرام لانها تهلك الطيور وتذبحها ولا فيها فايده الا انها خساير وتعذب طيرك وماله ذنب

اتمنا الكل يهتم في هل موضوع والصقاره يبي لها ركاده وصبر والواحد يطلع ويتعلم من الصقاقير ويسال السؤال مو عيب ولا حرام في ناس في بداية المشوار لازم يسال ويطلع والصقاره بحر بحر ماله حد اتمنا تفاعل جميع الاعضاء

[أبو فااارس]

الشناذره في بعض الامور لابد منها يابو سلطان خصوصا للقرناس الوحش

[ابوسلطان 66]

الشناذره في بعض الامور لابد منها يابو سلطان خصوصا للقرناس الوحش

كلامك صحيح بس خل الواحد يجلس له اسبوعين ثلاث ويأخذ نفس النتيجة ولا يغامر بطيره

[ابو صقر الحفر]

السلام عليكم بالنسبة للشندرة هي زينة للطير واكثر الصققاقير يشندرون طيورهم باول الموسم لاكن انصحك لا تستخدم القديمة اللي توجد عن العطار الان توجد الكبسولة عن مستشفي الصقور او عند اهل المرابط وانصحك بالكبسولة البيضة هي خفيفة علي الطير بعض الصقارة يلف عليها شاش لانها حارة علي الطير بس اهم شي كثر الماء عندة ولا تعطية لحم بالعضم خله الحم مهروس او تزيل الحم عن العضم

[ابوسلطان 66]

السلام عليكم بالنسبة للشندرة هي زينة للطير واكثر الصققاقير يشندرون طيورهم باول الموسم لاكن انصحك لا تستخدم القديمة اللي توجد عن العطار الان توجد الكبسولة عن مستشفي الصقور او عند اهل المرابط وانصحك بالكبسولة البيضة هي خفيفة علي الطير بعض الصقارة يلف عليها شاش لانها حارة علي الطير بس اهم شي كثر الماء عندة ولا تعطية لحم بالعضم خله الحم مهروس او تزيل الحم عن العضم

والله وانا اخوك مهي زينه ماغير تضر طيرك ضررها اكثر من نفعها اتمنا تقرى الردوود الاخوان ماقصروا بيض الله وجيهم

[راعي القراميش]

فوايدها ..
في المناطق الحارة..الشحمة في غرغور الطير تأثر على نفسيته في القنص و ما يرغب في الصيد و ما يعزم على صيدته خاصة لو الجو حار شوي.. اما في الشتا في البرد القارص لا يحبب تشنذير الطير لان الشحمة ما تضيره

قبل التشنذير تتاكد ان الطير سليم من الامراض و خاصة القرح ..

حجم الشناذرة حسب قياس الطير...

ممنوع تشنذر الطير مرتين في نفس الوقت.. لو ما فادته الشناذرة الاولى و ما عق شي.. خيرها ف غيرها ممكن تشنذره عقب ايام مب ف نفس الوقت.. شنذرنا طير و ما انتبهنا بها طاحت الشناذرة و لا بلعها الطير.. حد يقول بلعها و حد يقول طاحت.. و انتظرنا الطير ربع ساعة و ما تاوع... جا في بالنا انه طاحت في الارض و ضيعناها.. و صفقناه بالقانية و ما مرت الا دقيقتين و هو ميت.. لا حول و لا قوة الا بالله .. و من عدها ما شنذرنا طير مرتين موول و الحمد لله .. هذي الحادذة الوحيدة

الطير لا بد ما يكون عديد و وزنه زين مب ضعيف .. و مهم جدا تكون معشي الطير العشى الطيب قبل تشنذيره بيوم..

بعد الشناذرة لا ترش ثم الطير بما كثير.. بختين بالخاخ فقط .. فقط.. فقط.. و تبعد عنه الما تماما لين ما يعق الشناذرة