رأيكم مهم!

[j.b.k]

السلام عليكم

يالربع عينت لي شاهين باقي له أربع انا عارف انة الطير متأخر واجد بس كلمت راعية و قالي انة مب مشكلة اقنص بالطير الموسم هذا والموسم الجاي بيصف.

. راعية يقول الطير حذف الي فوق بس و انى مب مشكلة ابدي دعو من أول تسعة وش رأيكم عادي انقل الطير و هو لسة ما صف .

اتشالله تفيدوني

[أبو فااارس]

على هواك اذا ريشها نظيف اقصر لها وادعها واذا قصدك التصفي ممكن مع الكراوين اخر الموسم تصفي وتخالف السنه الجايه بس ودك ان الشيهانه تنقلها من المربط مصفيه لو مع اخر الطيور وهاذي مشكلة البحريات ودك تقنص بوحش اما فرخ والا خلويه موسم فقط

[THE SNIPER H]

زي ما قا ابو فارس ممكن تنقل الطير عادي وهوه بيكمل الجرنصه بس لا تقصر عليه اكثر من اللازم عشان الريش الجديد هيطلع ضعيف
الاجانب ما يربط الطير ابدا طول السنه دعو ةتدريب عادي

[j.b.k]

يعني لو نقلت الطير هل موسم الموسم الجاي الطير بيكون صاف ؟

[THE SNIPER H]

الطير يصفي متأخر وزي م صفي متأخر يبدأ الموسم الجاي يحذف متأخر وهكذا
اذا عايزه بيدأ يحذف بدري اربطه اخر هذا الموسم بدري واديله كورس حذف وفيتامينات بس لا تكثر عليه

[القصير111]

إذا الشيهانة بحرية طبيعتها كذا تتأخر

إما إذا هي جبلية وريشها نظيف مثل ماذكروا الشباب

عادي تنقلها وتقصر عليها عشان ماتحذف وانت تقنص وبداية شهر مارس

القادم دخلها المربط وتصفي الموسم القادم طبيعي مثلها مثل الطيور

وفالك النوماس

[j.b.k]

يعطيكم العافية

[محمدالشكره]

لا تنقله الحين تو باقي على الصيد خلها لين يجي الموسم ثم انقلها لا تستعجل

[Naif1]

السلام عليكم ورحمة الله وبركاته
توكل على الله تعالى

[راعي القراميش]

الشاهين طبعه يتاخر.. و الطير امبقى 4 هذا ممتاز جدا .. مع الوقت و دليل على ان الطير مب مريض و العالم الله

يزهب الشاهين في شهر يناير و ان قدم شهر ديسمبر ف خيرن منه

شي من الطيور بتتعثر من نقله و هو مبقي.. بتجيه حمة يبى يتوح و انت تبا تهد ع كراوين.. خذ لك فرك لاول الموسم و خل هالشاهين لتاليه

كلن له نظرته