بسافر بسياره

[اوبرس]

ياشباب بإذن الله وبعد التوكل على الله

بسافر بسياره 950 كيلو وش اشيك ع السياره مع اني خايف من الاعطال وخايف منن السفره

وهل تنصحوني اسافر لأن اخاف اتوهق بنص الطريق


وش الي اشيك عليه والاحتياط؟؟

[صمان1]

السلام عليكم
1- قم بتغيير الكفرات
2- قم يتغيير سير الماكينة
3-خرطوش الرديتر
والله يسهل عليك

[تمرية]

السلام عليكم
هلا اخوي
1- غير زيت المحرك مع السفون
2- شيك على الاديتر لا يكون ناقص ماه
3- خذ معك مطور هواء والاشتراك والحبل

[yhya -ksa]

اهلا بك ي غلا الله يسعدك

شوف موضوعك نفس موضوعي ان شاء الله تستفيد منه ردو كثير من الشباب شوف جميع الردود الي مرفقه بلموضووع راح تفيدك

http://www.mekshat.com/vb/showthread.php?t=645728

توكلت على الله سافرت من الرياض الى تبوك

الحمدلله رحت ورجعت الحمدلله امس راجع من تبوك

السياره كانت تشتكي من تهريب وزاد التهريب

[بواردي جنوبي]

تأكد من الزيوت كلها وموية الريديتر والكفرات والاستنبه والععده حق الاستبنه العفريته والمفكات والاشتراك
واتمنى رحلتك تكون في النهار والله يسهل طريقك

[شهاب المحبه]

اكشف على زيت المكينة يمكن ناقص ولا يحتاج تغيير

اكشف على الاطارات يمكن تحتاج تغيير واذا طيبة عبيها 30 الكل

اكشف على الاستبنه ( الكفر الاحتياط ) يمكن الهواء ناقص

خذ معك ماطور هواء

اكشف على ماء الاديتر و على قربة الاديتر و قربة المساحات << اذا الماء ناقص عبيها ماء مقطر من البنشري العلبه 2 ريال

اكشف على السير اذا يطلع صوت غيره

تأكد من الانوار الامامية و الخلفية

وبعدها توكل على الله واقراء دعاء السفر و الله يسهل دربك وتصل بالسلامة

[ابو فهد...]

اهم شي لاتسرع لو يصير الي يصير
لاتخلي البنزين ينزل عن الربع
حاول ماتمشي وقت فيه الشمس حاره
تاكد من الزيوت
ومويه الرديتر
وكفراتك
وباذن الله تاصل سالم