المساعد الشخصي الرقمي

مشاهدة النسخة كاملة : مشاء الله امطار تهل على الرياض الان


غالي
02/12/2006, 01:26 AM
السلام عليكم ورحمة الله وبركاته
صحيح يمكن اهل الرياض يشوفون بعيونهم
لكن اكتب استبشار الامطار اذا كنت على الانترنت او قريب منه دخلت خصوصا لاكتب الموضوع
والا الصراحه ياما امطرت او رشت بدون مانكتب موضوع
وكذلك لاخبار اخواننا الي برا الرياض باحوال مدينة الرياض ....... للإحاطه :)
ابشركم مساء اليوم العصر على المغرب جت امطار متوسطه على مدينة الرياض
وبداء بالرذاذ مده لابأس بها
والجو من ذاك الحين حتى الان ملبد بالغيوم البيضاء التي تشع وتعكس انوار الرياض
وفي هذي اللحظات وانا اكتب الموضوع هاهي سحابه عابرة تهطل بالامطار اللهم اجعلها امطار خير وبركه ويعم بنفعها ارجاء البلاد
ـــــــــــــــ
والسلام ختام :good:
سيد النشاما..
02/12/2006, 01:39 AM
الحمدلله

الله زد وبارك وعم به الأرجاء ياكريم ياحليم
فايز العامر
02/12/2006, 01:42 AM
نعم،،،
ولابد من تحديد الحي والشارع إن أمكن... فمثلك عارف أن الرياض من أكبر مدن العالم مساحةً وأحياناً تمطر على حي وتسيل شوارع والحي اللي جنبه شوارعه ناشفه وماجاه ولا قطره، وهذا بصراحة مشهود في الرياض.. وأقرب دليل الأمطار اللي جتنا هالأيام،، وأحد الأعضاء صور لنا حي الجنادرية وأحد شوارعه مليان ماء... وحي النسيم جنبه ماجاه ولا قطره ... وقبل كم يوم أنا جاي من جهته الثمامة وكان جايتهم رشه طيبه ويوم قربت لمخرج 10 كان المطر يحبه قلبك الطريق بالقوة يمشي ويوم دخلت شرق الرياض ومشيت مع خريص باتجاه الشرق ماكأن جاهم شي... وياسبحان الله...
واللي يرفع ضغطي اللي يجيك يقول (الرياض غرق والشوارع تمشي) وأنا فاتح باب المجلس أطالع الحوش ومافيه ولاقطره ... :confused:

عشان كذا أقول لابد من تحديد الحي والشارع إن أمكن....




رعاد...
غالي
02/12/2006, 03:12 AM
هلابك اخوي سيد النشاما
وهلابك اخوي رعاد .......... مكاني التخصصي

وهلابكم والله