مشكلة في لمبة التشييك عندي... فتك 2008

[bullet4668]

السلام عليكم ورحمة الله وبركاته

طبعا هذي اول مشاركه لي وان شاء الله افيدكم ونستفيد من خبراتك


يااخوان انا معي فتك موديل 2008 ماشي 114000 كم مشكلتي عانيت منها 5 شهور ولالقيت لها حل وهي عند سرعه 130 وزود تقطع السياره مثل قطعت البانزين بشكل غير ملحوظ مايحس فيه غير السواق وبعدها تولع معي لمبة التشييك ويضعف العزم ولا كأنك تدعس عداد الضغط مايرتفع لازم اطفي السيارة واشغلها وترجع مزبوط وديتها كهربائي فحصها كمبيوتر طلع فيه خطأ مسجل كوده p0212 قال لي هذا حق الدعسه طلب اغير الكتاوت البني اللي بالرفرف من جهة السواق وغيرته ولافيه فايده شيكت على اسلاك الدعسه والافياش كلها تمام طبعا الوكالة قالوا غير الدعسه كاملة 4800 ريال واكثر الكهربائية قالوا مستحيل تخرب مشكلتك بالظفيره والدعوه تصانيف احيانن تولع اللمبه واحيانن لا امشي 180 طبيعي السياره صار عليها حادث وطلع الارباق فا مدري يمكن تأثرت منه

اللي عنده علم بالموضوع ياليت يفيدنا لاني تعبت وانا اصلح وكل مااسافر تطلع المشكلة

ولكم خالص تحياتي

[almo3jl]

اخوي مشكلك برمجه الدعسه لازم برمجه روح الوكاله او ورشه كبيره تحصل فحص كمبيوتر وبرمجه

اذا الموتر واقف الضغط ثابت او يطلع فوق تحت او يرتفع واحد ونص او ثنين ويرجع طبيعي او ينزل عن الطبيعي ويرجع له كل هذي علامات اذا الموتر يحتاج برمجه دعسه

[المتلولس]

مشكلك مرت علي بالضبط معي فتك والسيارة تصير تمشي عادي وفجاه تولع لمبة التشيك والسيارة يطيح عزمه اطفي السيارة واشغل ترجع طبيعية المشكله اللي لقيتها عند كهربابي فك الغطاء فيه افياش عند الثلاجة نظفها وركبها والحمدالله زان الموتر

[bullet4668]

اخوي مشكلك برمجه الدعسه لازم برمجه روح الوكاله او ورشه كبيره تحصل فحص كمبيوتر وبرمجه

اذا الموتر واقف الضغط ثابت او يطلع فوق تحت او يرتفع واحد ونص او ثنين ويرجع طبيعي او ينزل عن الطبيعي ويرجع له كل هذي علامات اذا الموتر يحتاج برمجه دعسه

فعلا اخوي عداد الضغط ماهو ثابت من بعد مانظفت الثروتل بالاسديلكو صار يرتفع وينزل بس كانت المشكلة قبل التنظيف لكن ان شاء الله اروح للوكالة وابرمجها

[bullet4668]

مشكلك مرت علي بالضبط معي فتك والسيارة تصير تمشي عادي وفجاه تولع لمبة التشيك والسيارة يطيح عزمه اطفي السيارة واشغل ترجع طبيعية المشكله اللي لقيتها عند كهربابي فك الغطاء فيه افياش عند الثلاجة نظفها وركبها والحمدالله زان الموتر


اخوي ياليت تحدد لي بالضبط وين الافياش هذي وهل لها علاقه بالدعسه او الثروتل ولا لا

[bullet4668]

انا قريت موضوع عن كتاوت الدعسه للفتك وهو الكتاوت الثالث الازرق اللي بجنب الكتاوت البني الكبير فا مدري هل هو الازرق ام البني ياليت احد يفيدنا بالموضوع هذا طبعا شيكت على الافياش سليم

[أبو الوليد 14]

علبة الكتاوت فيه (( 3 لون ازرق - 1 لون بني - 1 لون اسود ))
غير الآتي :
رقم 1 لونه ازرق
رقم 3 لونه ازرق (حق الدعسة )
رقم 4 لونه بني

الثلاثة اللي فوق هي المهمة وهي اللي ممكن تتسب ضعف العزم وتشتغل لمبة المكينة
غيرها وبيظبط الموتر ان شاء الله

[bullet4668]

علبة الكتاوت فيه (( 3 لون ازرق - 1 لون بني - 1 لون اسود ))
غير الآتي :
رقم 1 لونه ازرق
رقم 3 لونه ازرق (حق الدعسة )
رقم 4 لونه بني

الثلاثة اللي فوق هي المهمة وهي اللي ممكن تتسب ضعف العزم وتشتغل لمبة المكينة
غيرها وبيظبط الموتر ان شاء الله

الله يعطيك العافيه ابو الوليد اغيرها وان شاء الله يزبط

[ابوسند9]

وعليكم السلام
اخوي الدعسه عندك سليمه ولو هي عطلانه تتصلح ولا تستبدل والمشكله مو منها
انت جرب بدل الكتاوتات اللي لونها ازرق
واذا ما تغير شي يبغى لك تشيك على قواعد واسلاك ومشابك الكتاوتات اللي ذكرها اخونا ابو الوليد
يرضو شيك على فيش حساس قربة الهواء فممكن عندك المشبك متوسع او فيه املاح ومع الحركه يفصل
واذا ما تغير شي شيك على افياش الكهرباء اللي راكبة با الدعسه اللي با المكينه
واذا ما تغير شي نظف الدعسه ببخاخ تنظيف
لكن غالباها المشكله تحدث بسبب الكتاوتات الثلاثه ذات اللون الازرق لما تمشي وبعدين تطفي وتشغل وتختفي المشكله ,لكن اثناء المشي اول مره اسمع عنها

[المتلولس]

مشكلك مرت علي بالضبط معي فتك والسيارة تصير تمشي عادي وفجاه تولع لمبة التشيك والسيارة يطيح عزمه اطفي السيارة واشغل ترجع طبيعية المشكله اللي لقيتها عند كهربابي فك الغطاء فيه افياش عند الثلاجة نظفها وركبها والحمدالله زان الموتر


اخوي ياليت تحدد لي بالضبط وين الافياش هذي وهل لها علاقه بالدعسه او الثروتل ولا لا

المشكلة عندك مثل ماقلتلك افياش ماركبت زين ماهو حساس الهواء فيه افياش جنب الثلاجة اذا فكيت الغطاء البلاستيك تلقاهم بالنص عند الثلاجة افصلهم وجب منفاخ هواء بعدين ركبهم نفس مشكلتك مرت علي وهذا حلها

[المتلولس]

وتراي غيرت الكتاوت كلها ولا زان الموتر الا يوم ركبنا الافياش زين لاتخسر والموضوع بسيط

[bullet4668]

الله يعطيكم العافيه جميعا راح اجرب كل ماذكر وان شاء الله تطلع منها