+++ يا إخوان أفيدونا عن زيت الدفرنسات والدبل والقير التماتيك للباثفندر 2005 +++

[أبونجم]

يا إخوان أفيدونا عن زيت الدفرنسات الأمامي والخلفي والدبل والقير التماتيك للباثفندر 2005 وش أنواعها ووين نحصلها ؟

ولكم الشكر

[الوسم]

أنتبه أنتبه أنتبه
لاتغير إذا ما عندك مشكله نصيييييحة

[م.سعيد]

هذه زيوت الباثفايندر..

1- دفرنش امامي API GL-5 spec 80W-90 Gear oil
2- صندوق التحويل Nissan Matic-D او متوافق مع Dextron III
3- دفرنش خلفي API GL-5 spec 75W-90 gear oil
4- القير Nissan Matic-J او Nissan Matic-S
تبديل السوائل يحافظ على المعدات ويطيل في عمر الصوف oil seals
تأكد من عدم خلط عدة انواع من الزيوت ولا تعتمد على زيوت البناشر خصوصاً زيت القير..جيب الزيت بنفسك
استخدم قازكت جديد عند كل تبديل زيت دفرنش ولا تستخدم القديم لمنع التهريب..
بالتوفيق

[أبونجم]

جزاكم الله خيرا.
أخي الوسم هذي الزيوت لازم تتغير كل 100 ألف كيلو للدفرنسات والدبل .
والقير التماتيك كل 50 أو 60 ألف .

شكرا لك أخي والشكر للأخ floppy

[الوسم]

خلاص اجل أخوي نجم توكل على الله وغير
ولكن لا تنسى .. أنا حذرتك !!!

[1824]

الدفرس انتبه اذا حقك في دف لوك او في قفل اتوماتيكي اللي يهز في البر لازم تحط له مانع احتكاك للدفرنس الخلفي فقط الي يسمونه دواء دفرنس اذا ما حطيته تطلعلك ونه وفي النهاية الكرونة والدفرنس بكبرة بالتوفيق لك

[الوسم]

لا تستعجل
وإسمع من باقي الأعضاء أيضا
لكي تتضح لك الصورة
ما ذا ستخسر من التأكد ؟؟

[أبونجم]

لا تستعجل
وإسمع من باقي الأعضاء أيضا
لكي تتضح لك الصورة
ما ذا ستخسر من التأكد ؟؟




الله يحفطك .

لاتخاف أنا غيرت الزيوت في سيارة قبل كذا .
بس اللي مو واضح نوع الزيوت في الباثفندر .
طبعا الدفرنس الخلفي له زيت يسمى LSD 80-90

شكرا لكم أخواني والله يجزاكم خير .

[الوسم]

الله يوفقك
واللي يخليني اشارك معك حرصي عليك
ولا ودي لك بالخساير
وخبرة ان زيوت الدفرنسات بالذات
ما عاد تكون بالمستوى والقوه اللي هي عليه قبل تغيير زيوتها
وأكثر من 95 في الميه منها بعد تغيير الزيوت تنعطب أو تخرب
وأقل المشاكل فيها تون أو يجي فيها أصوات
لذلك بالتوفيق من القلب

[م.سعيد]

المواصفة API GL 5 تحتوي على الاضافات (مادة الكبريت + الفوسفور ) الخاصة ب LSD لذلك لا يلزم اضافة "دواء دفرنش "

LSD = Limited Slip Differential

[أبونجم]

الله يعطيك العافية ويحفظك أخي الوسم .

والشكر موصول لأخي floppy الله يعطيه العافية .

بيض الله وجيهكم يالربع ..

[kalashnikov]

ما اعطيتونا العلم الاكيد هل التغيير فيه ضرر على السياراة ؟

[علي ابن]

كان معي بافند ماشي 300 لم اغير فيه زيت الدفرنسات وماشي تمام معي

[م.سعيد]

ما اعطيتونا العلم الاكيد هل التغيير فيه ضرر على السياراة ؟

دخلت منتديات اجنبية لقيت الكثير منهم يغير الزيوت كلها بشكل دائم..
بالنسبة للدفرنشات..لقيتهم يغيرون بحدو كل 50 الف..
فيه ناس عندنا غيروا زيت الدفرنش ويقولون خرب عليهم الدفرنش..لا اعلم هل السبب هو التغيير بحد ذاته من غير ما يكون سبق له التغيير او ان السبب هو اختياره لزيت غير متوافق مع سيارته..
لذلك انا اشوف ان الافضل للي ما سبق له تغيير زيت دفرنش سيارته ان يغير نصف الكمية ( نصف جديد + نصف القديم ) ويمشي على السيارة كم الف كيلو وبعدها يزيد النصف الثاني..
انا صراحة ما اجد للتغيير بشكل كامل سبب مقنع يخلي القير يخرب..لكن الواحد ما وده بعد يجازف..