تعبت من قير اليوكن !!

[walee25eed]

السلام عليكم
عندي يوكن ٢٠٠٧ اكس ال طويل ٨ مسامير

قبل اسبوع .. ارتفعت حرارة القير .. و اتجهت لورشة و غيرت زيت القير و الفلتر ..
بعدها سافرت ٢٠٠ كيلو و ارتفعت حرارته من جديد ..
اتصلت بنفس صاحب الورشة ، وقال ممكن مبرد زيت القير يحتاج تنظيف ..
و فعلا .. نظفته مع الرديتر و بعد يوم فقط رجعت حرارة القير !!
صارت توصل ١٣٠ ..
اخذت السيارة الى ورشة فحص ..للقير ، قال .. لي الفني ..
يحتاج توضيب و تغيير حساس الحرارة الخاص بالقير ،،

انا صراحة متخوف من التوضيب .. و من جهة ثانية .. السيارة معي من ٤ سنوات ما غيرت زيت القير الا من اسبوع فقط ،،
ما رأيكم ؟؟
هل اغير الحساس .. و اوضب القير ،، او اكشف على الفيوز و الحساس اول ،،
ثم اترك التوضيب آخر المطاف ..

للعلم : يوجد دبل و مافيه مشكله الدبل ..

[محمدعبدالمجيد]

اذا تبديلات الجير تمام ليه توضب ممكن مشكلة بسيطة وتنحل

عندنا الورش من تجيه قال لك توضيب ( ترى اخر العلاج الكي )

كانت عند العم سيارة عطاها ريس بقوة وطلع صوت بالمكينه مثل صوت العمود

وداها لمكنيكي قاله لازم توضيب راح لواحد ثاني فك غطاء البلوف شاف احدى عصافير البلوف فارطة صامولته ركبها وإنحلت المشكلة

[walee25eed]

نعم يبدل .. بس ماهو منتظم بالتبديل ..
و فيه نتعه إذا كان عليه حرارة بس و إذا مهدي ..
أما فوق 50 أو 60 مافيه نتعه

[سيف وقلم]

وش الزيت اللي غيرته؟


لابد يكون مطابق لمواصفات قير سيارتك وحبذا لو كان من الوكالة نوع gm وليس ac delco

[walee25eed]

استخدمت AC Delco
هل ممكن يكون منه ؟؟

[walee25eed]

على فكرة .. حرارة زيت القير كانت ترتفع من قبل اغيره
أيضا .. المشكلة بدأت تحديدا عندما اعدت برمجة الدعسة عند مركز
فحص كمبيوتر .. لأنه كان الموتر يطول بالتبديل و كان فيه النتعة كذلك.

[بني سعد]

السلام عليكم

غير الحساس مع بلف الحرارة الخاص بالقير اول شي وان شاء الله تنحل المشكلة.

[1824]

افصل البطارية ساعة وجرب ارجع اشبكها وجرب يمكن عندك لحسه في البرمجة او ودها الوكالة بس خلهم يفحصون وصلح برى وانتهت السالفة بس جرب افصل البطارية المشكلة شيء من ثلاث الحساس حق حرارة القير او ان الزيت ناقص بكثرة او البرمجة فيها مشكلة بس وش نوع الزيت الي استعملته مكتوب عليها DEX 6 دكسرون 6 ولا مهم جدا في التعشيقات وعمر القير المستقبلي

[almo3jl]

اخو مشكلتك انت بنفسك حليتها وريحتني من كل الملاحظات الي كنت بسالك عنها

صراحهم اول ماقريت موضوعك كنت بسالك عن برمجه الدعسه هذا سلمك الله سالفتها طويله عريضه برمجه السرعه الواطيه غير العاليه كلن وله برمجته ولازم نوع جهاز مبرمج غير خاص فيها لاكن مابي أطولها عليك




بعد البرمجه نزل الضغط عن وكالته ولا ارتفع ولو بشي بسيط


الي بقوله ان كانت انزل عن ضغط وكالته راح تقل كفائ منظومه الكهرب كامله يعني الأنوار ترمشالتكييف تقل البروده المروحه ماتعمل مضبوط كل شي كهربائي يقل تشغيله


اما اذا ارتفعت ولو بشرطه راح تزيد سخونه الموتر ولو شي غير ملحوظ وهذا يسبب الاطاله في تشغيل السرعه الثلاثه للمروحه اذا كانت سيارتك موديل حديث



الخلاصه.


ارجع له وخل يضبط وضعه هو وكمبيوتره وأول ماتجيه بوجهه قله زي وجهك برمجتك وعلمه بالحاصل



واذا كان بعيد عليك او ماتبي تطالب افصل أصابع البطاريه الزائد والسالب جميع ٥ او ١٠دقاييق وارجع اشبكهن وشغل على طول راح تتغير برمجتهم له التعبانه واتوقع انشالله يرجع زي اول


هذا الشي اكيد حتى لو انك برمجته على شان الضغط يطلع وينزل او غيره من الملاحظات



والي يقولك توظيب ونغير حساس هذا اكيد سوري او تركي هذي طرايقهم بالنصب هو يقولك حساس ودخل معاها توظيب قال يمكن تضبط الشغله ويوظب واستفدنا شغل ايدينا احسن من تركيب حساس ممكن ببلاش او ان طار ٥٠ ريال


اما ملاحظاتك على القير الي تشكي منها أسبابها البرمجه خطا وان ماضبط بعد تغيير البرمجه امشي عليه ٥٠٠كيلو وارجع غيره دام تقول ٤ سنوات ماغيرته


وانشالله بتنتهي مشكلتك

[الوسم]

يااااا وليد
الوكااااااااااله سيده
الوكاااااااله سيده
نصيييحه

[العابر2222]

اول شي ارجع الموتر لبرمجة الوكاله
والطريقه
فك اصبع السالب واضربه في راس اصبع البطاريه اكثر من مره خله يطلع شرار
راح ياشر الموتر واشبك الاصبع وشغل

الشي الثاني
لازم تركب مبرد قير خارجي نفس مواصفات السعودي
انا معاي خليجي مافيه مبرد خارجي الحراره الحين ووقت السفر على ١٠٠ وفي البر١١٧
وهذا شي طبيعي لان حرارة الجو مرتفعه
ركب مبرد خارجي عند مركز ممتاز وراح تدعي لي


النقطه الاهم تعشيقات قير موترك ٤ يعني يحتر بسرعه القير لازم مبرد خارجي
انا تعشيقات موتري ٦ ويوصل ١٠٠ بالراحه

[مخ سعودي]

باختصار
هل وجدت براده حديد بالقير اثناء تغيير الزيت
اذا وجدت براده فيه فيجب عليك تغيير مبرد القير الخارجي فقط باكبر منه