اكسبلورر 2010 طبة الراديتر تهرب.. أفضل الحلول؟

[قرص عمر]

السلام عليكم
لدي فورد اكسبلورر 2010 وأول مرة أعمل الصيانة خارج الوكالة عند 120 ألف
لكن على كل حال قمت بعمل الصيانة عند كويك لان وهي تابعة للجزيرة
عموماً بعد أن انتهى الفني ذكر لي أن هناك كسر أو شعر في الطبة أعلى الرديتر (كما بالصور)
ذهبت للوكالة قالوا لازم تغير الراديتر كامل وسعره 1300 تقريباً، لا يبيعون الطبة لوحدها!
تركتهم وذهبت لورشة عادية قال فيه طبات تجارية مع تسييخ ب 200
ما رأيكم ، مع العلم أن الحرارة طبيعية ولا ينزل ماء للخارج، فقط بخار كما يبدو..
كما أرجو أن تدلوني على أفضل ورشة متمكنة وخبيرة بالراديترات..

http://i.imgur.com/GYwTa8d.jpg

http://i.imgur.com/Rt3En71.jpg

http://i.imgur.com/GXmNK5A.jpg

[محمدعبدالمجيد]

ركب تجارية تراهي تشد معك وانا مجرب

وإذا خايف شف لك عند حقين الرديترات مستعملة اصلية من الرديترات الخربانه اللي عنده وخله يركبها


ولا تهملها وانا اخوك يمكن مع الحرارة تنفجر معك وتطلع موية الرديتر وتروح المكينه

[سيف وقلم]

شف محلات قطع الغيار المتخصصة بفورد، التجاري أنواع ودرجات.

[د ك م 586]

انا لو كنت مكانك بلحم الشعر اللي في الطبة بلحام بارد من النوع الاصلي ,
واحد من الشباب معه مرسيدس ونفس مشكلتك لحمت له الطبه بعد صنفرتها والموتر له سنين ولا جاه شي
على فكره تلقا اللحام الاصلي بساكو
انا اخذ نوع اسمه pc7

[قرص عمر]

ركب تجارية تراهي تشد معك وانا مجرب

وإذا خايف شف لك عند حقين الرديترات مستعملة اصلية من الرديترات الخربانه اللي عنده وخله يركبها


ولا تهملها وانا اخوك يمكن مع الحرارة تنفجر معك وتطلع موية الرديتر وتروح المكينه


بيض الله وجهك
لا وانا اخوك ابعدنا عن التجاري وطاريه
سيارتي اللي قبل ما لعب فيها الا القطع التجارية



شف محلات قطع الغيار المتخصصة بفورد، التجاري أنواع ودرجات.


بالنسبة للطبة مافيه الا نوع واحد صيني اكثر من فني نصحني ما اركبه
الكثيرين نصحوني بتغيير الرديتر كامل!
شي يقهر اغير رديتر عشان طبة!
مشكور


انا لو كنت مكانك بلحم الشعر اللي في الطبة بلحام بارد من النوع الاصلي ,
واحد من الشباب معه مرسيدس ونفس مشكلتك لحمت له الطبه بعد صنفرتها والموتر له سنين ولا جاه شي
على فكره تلقا اللحام الاصلي بساكو
انا اخذ نوع اسمه pc7


اليوم مريت أكثر من محل ما نصحوني بالتلحيم
يقولون البلاستيك ضعيف وما يستحمل وممكن يرجع ينفك خلال شهر شهرين
هذا غير انه ما ادري ان كان الخلل من الطبة نفسها او من الرديتر هو اللي سبب هالمشكلة
يعطيك العافية

المحصلة من جولتي اليوم:
الطبة ما فيه الا صيني ودرجة ثانية، وحتى هالصيني يبي له شغل عشان يركب!
الرديتر الجديد من (التقوى) ب 995 ريال يعني فرق اكثر من 300 عن الوكالة!
التركيب عند اغلب الورش ما يتعدى 200 بس خايف من شغلهم!
مريت صيانة الوكالة باشوف كم يركبون الجديد..
تصوروا التركيب فقط ب 575 ريال .. شيء لا يصدق!
يعني الرديتر مع التركيب بحوالي 1900 ريال!!

الظاهر اني باتوكل على الله واغير جديد من التقوى
بس ودي بورشة متمكنة بدلاً من اللي شفتهم اليوم الله يصلحهم ما بقى شغلة الا ودخلوا فيها!

[الوسم]

وعلى الطريق لا تنسى تركب بلف حرارة يفتح بدري
أو أقل درجة حراره بس أصلي أصلي

[قرص عمر]

إن شاء الله
اشكرك على النصيحة