عن قبضتي فلتان عِن اِلجِوادي..الحل..مسكرة..حله.. عبد المؤمن..كفو

[ابو ماجد 2]

بسم الله الرحمن الرحبم

السلام عليكم ورحمة الله وبركاته


غطوه على النسوان ماهي ثقيله=غطوه انا اخفيت فيها مرادي
والمعذره ان جت غطاتي طويله= عن قبضتي فلتان عِن اِلجِوادي
عذراء لقينا بالمدينه عميله= ماظنها تلقى بأرض البوادي
بين النساء شفنا صنايع جميله=عذرا بأياديهن وكادٍ تِقادي
وليابغيتوا رمعة له عجيله=في لعبة احروفه ترى الحل بادي
اتلى ثلاث احروف يامن تشيله= اللي بقى منها صنيع الاعادي
من راسها حرفين يامن تزيله=اللي بقى فعلك تجاه المعادي
ان زيح منها الذيل رجلٍ حصيله=اليابترت الراس بين وكادي
ثاني حروفه لو للاول تحيله=عن فعلها الرجال ماصار غادي
عن ذي وهذي لابغيت الدليله= كلٍ لها بالزين تضرب جوادي




مع تحيات ابو ماجد

منتديات مكشات . خيمة الالغاز

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

محاولة

مكرمية

[ابو ماجد 2]

وعليكم السلام ورحمة الله وبركاته

سلمت يالغالي

وصح لسانك

محاولة

مكرمية


سلمت من الشر وصح لسانك دكتورنا
مالك لوى يالغالي
في انتظار مرماعك القادم

[عبدالمؤمن]

صح لسانك ابوماجد
نبي نغايش الهوامير
كان يسمحون لنا
نقول
مسكره
مس فعل الشيطان
كره للعدو
مسكر
سمكره

[ابو ماجد 2]

صح لسانك ابوماجد
نبي نغايش الهوامير
كان يسمحون لنا
نقول
مسكره
مس فعل الشيطان
كره للعدو
مسكر
سمكره

قلت في ردي على لغز خفيف سابق



صح بدنك يالغالي
وانت ياعبد المؤمن كسرت الصعيبات ماشاء الله عليك
لكن الرمعه تحضر وتغيب
مالك لوى يالغالي




وهاأنت تبرهن صدق ماقلته عنك
وسوف نضمك ضمن مرعبين الغطاوي
كفوووووووووووووو كفووووووو كفووووووووووو
كفووووووووو كفووووووووووو كفووووووو
ولله درك وصح لسانك ملايين ومافيك حيله
نعم
مسكره


http://www.hawaa.com/wp-content/uploads/2012/05/apply-mascara.jpeg

ولشرح اللغز

غطوه على النسوان ماهي ثقيله=غطوه انا اخفيت فيها مرادي
هي تخص النساء
والمعذره ان جت غطاتي طويله= عن قبضتي فلتان عِن اِلجِوادي
عنان جواد الغطو استرسل معي
عذراء لقينا بالمدينه عميله= ماظنها تلقى بأرض البوادي
نعم بالمدن وبالباديه ماضن تجدها
بين النساء شفنا صنايع جميله=عذرا بأياديهن وكادٍ تِقادي
نعم تتجمل بها النساء وهن من يقودنها
وليابغيتوا رمعة له عجيله=في لعبة احروفه ترى الحل بادي
هنا ندخل في لعبة الحروف
اتلى ثلاث احروف يامن تشيله= اللي بقى منها صنيع الاعادي
بدون آخر ثلاث حروف الاخيره مس والمس من الشيطان
من راسها حرفين يامن تزيله=اللي بقى فعلك تجاه المعادي
يبقى كره والكره فعلك تجاه العدو
ان زيح منها الذيل رجلٍ حصيله=اليابترت الراس بين وكادي
بدون ذيله مسكر والمسكر حصيله سكره وسكره تظهر بحذف الراس
ثاني حروفه لو للاول تحيله=عن فعلها الرجال ماصار غادي
لو تقدم ثاني حروفه اصبحت سمكره والسمكره عندنا تهم الرجال
عن ذي وهذي لابغيت الدليله= كلٍ لها بالزين تضرب جوادي
المسكره والسمكره كلها للتزيين هذي تتزين فيها النساء وهذي السيارات
لله درك ياعبد المؤمن رغم كثرة معطيات اللغزالا انك تغلبت عليه ايها المرعب

[عبدالمؤمن]

كفوك الطيب ابوماجد
الله يرفع قدرك عند مولاك

[ابو ماجد 2]

كفوك الطيب ابوماجد
الله يرفع قدرك عند مولاك

كفوك الطيب يامال الطيب
وانت قد تكون جديد على الخيمه لكنك لست جديد على الغطوات فمراميعك تدل على انك متمرس الله يزيدك من فضله

[أم نورة]

ماشاءالله عليك أخوي أبوماجد اللهم بارك

جزالة وابداع وصياغة مدهشة للغز

وصح لسانك أخوي عبدالمؤمن ماشاءالله عليك