شاعر مبتدي وأريد التقييم من الشعار في المنتدى ومن يعرف الشعر

[ابوفهد502]

السلام عليكم
الكتاب باين من عنوانه وانا مبتدي واريد التقييم
بدون مجامله لان المجامل مايطلع الشاعر
وهذه هي القصيده

مدام لي جدن ينومس بالافعال
عز الله اني من قلال الرجالي

ومدام فاخّر كنيتي عبيد.. رجال
عز الله اني شايلن للثقالي

اللابة اللي عزها بين الاجيال
لاد العبيدي معتلين الطوالي

اللي لهم فعلن ينومس بالاشبال
قبل الكبير وقبل برك الجمالي

اهل الوفاء والطيب حماية القال
اللي لهم في الوقع فعلن اجلالي

واجب علي امدح هل الطيب والعال
اهل الجزايل والصفات الخصالي

ربعي ولالي غيرهم يوم الاهوال
لكثرة الاهوال لي من رسالي

ان اشهد اني عايشن بين الاجبال
بفعالهم واهل الوفاء في العوالي

ماني من اللي رافعن ربعي اميال
افعالهم ترقى سنود وجبالي

واختامها صلو عدد عد الازوال
على الرسول اللي يحل العقالي


وسلامتكم،،،،

[المهندس1]

لك مستقبل في عالم الشعر لكن قد يتأخر قليلا

[قوافي ( أم نهار )]

عليكم السلام ورحمة الله وبركاته
ننتظر شعراء مكشات لتقييم القصيده
تحياتي وتقديري واحترامي
متابعة خيمة القصائد المكشاتيه

[مفكر إسلامي]

إن بغيت العلم الي يجمد على الشارب أخوك جرب الشعر وعرف دروبه لكن اعلمك الشعر أكثره مافيه خير واقولك من تجربه ابعد عن الشعر ممكن تسمعه من احد لكن لا تركز عليه ولا تعوم فيه وعليك بالقرآن كانك تبي الجنه كلام رب البشر حق وما انزل إلا بالحق, ماهو كلام الناس الي فيه حق وفيه باطل

[مرير الشوق]

ان اشهد اني عايشن بين الاجبال
بفعالهم واهل الوفاء في العوالي

شاعر متمكن ولكن حبذا لو تشيل البيت هذا
والله يوفقك

[قلم جريئ]

اقول انتم وش بلاكم علي الرجل هذا شعر
والشعر موهبه من الله ويعجز الف شنب يكتب قصيده
وخوينا اشهد بالله انه شاعر
وخذها مني وانا اخوك وعيب علي امدح نفسي ولكن محاتسيك شاعر عقب شاعر عقب شاعر
اشهد بالله لك مستقبل بالشعر ولك شان ماهو بسيط ابد انصحك بالقران فهو يزيد من الشعر عندك وعليك بقصايد ابن لعبون تراه مدرسه الحاله ولايهون القاضي والخلاوي وحتي جيلنا والله بهم شعار ماهم بسيطين
الزبدة اذا هذي اول قصايدك فهنيك وهني الشعر بواحدن مثلك
وتذكر الموهبه محتاجه رعايه واعرف ان ربي خصك من جميع البشر بموهبة الشعر
اخوك / قلم جريئي

[نمر القريني]

صح لسانك .. و مستقبلك بإذن الله قوي
و الشعر لاهوب عيب و لا حرام ..
و باعطيك نصيحة اخوك خلها في اذنك ..
لا بغيت توزن البيت .. غنه يعني شله على اي شيله
ان حسيت ان البيت يتناسب مع نفسك في الشيله
فهو موزون وان حسيت انه اطول من نفسك فاقصره
و ان حسيت انه اقصر من نفسك فزوده ..
لين يناسب البيت مع الشيله
هذي للبدايه
بعدين بتلقى نفسك تكتب البيت موزون تلقائيا

بعد ماتتقن الوزن بالشيله
حاول تتعمق بالاوزان
الي هي فعال و فعول و افعال و مفاعيل و الى اخر الاوزان

[محمد بن ناصر الثبيتي]

ابوفهد

روح دربك خضر,,,

[ابوصالح3]

شاعر وقصيدتك جزله

[ممتر البران]

ان اشهد اني عايشن بين الاجبال
بفعالهم واهل الوفاء في العوالي

شاعر متمكن ولكن حبذا لو تشيل البيت هذا
والله يوفقك
عطاك العلم
او تغير قوافي الصدر والعجز

[قوافي ( أم نهار )]

السلام عليكم ورحمة الله وبركاته
الشكر الجزيل لكل من تفضل بتقييم القصيده ونكتفي بهذا القدر من المشاركات
شاعرنا الفاضل فهد:
لعلك وصلت لنقاط مهمه بالنسبه للقصيده بناء علی تقييم الاخوه الافاضل
ونعتذر باقفال الردود والاكتفاء بالمطروح
ننتظر قصيده مكشاتيه بارك الله بك وبالجميع
تحياتي وتقديري واحترامي
متابعة خيمة القصائد المكشاتيه