مشكلة تفتفة و طرطعه من الشكمان محرك هايلكس

[Yazeed H]

السلام عليكم

بالنسبة لمحرك هايلكس 4Y كربريتر

بين فتره و فتره تجي مشكلة و تروح بعد كم يوم وهي ان السيارة اثناء الوقوف شبه طبيعيه ولكن اذا عشقته بالاول و دعست المكينة تتفتف و يطلع صوت طرطعه من الشكمان و يطفي يعني الموتر و الطريقة الوحيدة اللي اخليه يمشي ان ادعس و افك الدعسه بسرعه بشكل متكرر الين اوصل بر الامان ولكن ما يتعدى سرعه ٢٠ كم/ساعه

و دخان ابيض من الشكمان خفيف مع انه قبل تحصل المشكلة مافيه دخان

الموتر وقفته على الخط الفرعي و برجع له بكرا و المشكلة ان ما اقدر اجيب مهندس و الوضع المادي تعبان :D

افيدوني وين احصر البحث هل هو ضعف وصول بنزين او ضعف شراره ؟ (عندي عده مفكات و خبره بسيطه )

و كيف اعرف ان اسلاك البواجي موصله بالترتيب الصحيح ؟ لان هذي المشلكة ما حصلت الا قبل كم شهر بعد ما غيرت البواجي صارت تجي و تروح بين فتره و فتره يعني تقريباً كل شهر ٣-٤ ايام تحصل معي

* ملاحظة السيارة ما تتحرك كثير و اغلب الوقت موقفها لوجود سيارة اخرى


جزاكم الله الف خير و كفانا الله شر نصابين الصناعية

[Yazeed H]

يتبع <<<<<

السلام عليكم مريت قبل شوي على السيارة و جربت افصل اسلاك البواجي واحد واحد بالترتيب و اشغل السيارة
ونفس المشكلة سواء فصلت احد اسلاك البواجي او لم يفصل لافرق ابداً

اتمنى ان هذا يساعد في تحديد المشكلة

[ابوصالح666]

شيك على مسامير الكبريتر حقات وزن الهوى او عندك فيه بأحد الأهواز حقه الكبريتر تنسيم أو سلك مفصول أو عندك ضعف كهرب بالدينمو او البطاريه

[أحمد محمد1429]

والله يالحبيب ياليت تبدأ بتغيير البواجي احتمال انها مضروبه .. عارف تتقول جديده اقول لك غيرها ثم غير الصفاي . علمنا بالنتيجه

[مرير الشوق]

غير اسلاك بواجي احتماااال كبيررررر انها منها

او افحص االموتر فحص كمبيوتر ب 100 ريال ويطلع كل علومه

وبالتوفيق

[كن متفائلا]

دور أحد عنده مثل موترك ورتب الأسلاك بنفس الوضع

وأذا ماتغير شي أحتمال البواجي فيها خلل تصنيعي خصوصا أذا كانت ماهي وكالة

[Yazeed H]

بارك الله فيكم

اليوم شريت بواجي جديدة اصلية و الاسلاك ما لقيتها بشوف الصناعية القديمة العصر بإذن الله

و بغيرها كحلول مبدأية رخيصة و اقولكم وش يصير معي

والشكر موصول للجميع

[Yazeed H]

غيرنا البواجي ولا فيه فرق

ننتظر اسلاك البواجي توصل والله يعين

[Yazeed H]

غيرنا البواجي ولا فيه فرق

ننتظر اسلاك البواجي توصل والله يعين

السلام عليكم

اليوم ركبت اسلاك البواجي واضطريت اطلبها من النت لان في المحلات مافيه غير تجاري
نوعها NGK يابانية و افضل من اسلاك الوكالة
و لايزال الوضع نفسه بمجرد ادعس يتفتف و يطفي ( اذا ما دعست تبقى المكينة تشتغل مع اهتزاز خفيف )

ارشدوني جزاكم الله خير وش ممكن تكون المشكلة خصوصاً ان البواجي واسلاكها جديدة

[GMC89]

اظن المشكله من الديلكو
رخ على مسمار الديلكو ولفه شوووي وخلك عارف وزنية اللف عشان لو ما تغير معك شي ترجعه على وزنيته القديمه
اللف يكون يمين وجرب الموتر ان ضبط ولا رجعه مثل اول ولف يسار و عطنا خبر وش يصير معك

[الحربي 591]

اخوي الغال
شوف الشكمان صوته زي كذا
http://m.youtube.com/watch?v=TtAYHOUuwVE

والسياره فيها كتمه ولالا

[Yazeed H]

اظن المشكله من الديلكو
رخ على مسمار الديلكو ولفه شوووي وخلك عارف وزنية اللف عشان لو ما تغير معك شي ترجعه على وزنيته القديمه
اللف يكون يمين وجرب الموتر ان ضبط ولا رجعه مثل اول ولف يسار و عطنا خبر وش يصير معك

مرحبا اخوي انا غيرت البواجي و اسلاكها بنفسي ولكن هذا المسمار. ما اعرف وينه ولا عندي علم بالديلكو
اذا عندك شرح مبسط او ورشه خبرة في الرياض اكون لك من الشاكرين

[Yazeed H]

اخوي الغال
شوف الشكمان صوته زي كذا
http://m.youtube.com/watch?v=TtAYHOUuwVE

والسياره فيها كتمه ولالا

مرحبا اخوي ايه تقريبا نفس الصوت + طرطعه اذا دعست و يطفي

هل عندك فكرة عنها بارك الله فيك

[الحربي 591]

شوف موضوعي عن التفتفه
..
والطرطعه تجيني اذا دعست لكن نادر

بس قبل ما تدخل الموضوع الكويلات سليمه شيك عليها لاهنت

[الحربي 591]

http://www.mekshat.com/vb/showthread.php?t=638839

وانصحك تفحصها كمبيوتر

[Yazeed H]

السلام عليكم

اخواني اتضح ان الديكلو او موزع الشراره الكتروني

هل يستبدل او يتم اصلاحه ؟

هذي صورة:

http://im86.gulfup.com/4uze6d.jpg (http://www.gulfup.com/?eaxj9c)

[SGL]

أخوي الديلكو لاتقربه ولاتنوشه دام إنه إكتروني بس شيك على الغطى من داخل إذا تعبان تغيره أما الصوت أثنين شيك عليهم زين زين سلك الكويل السلك الخامس شبيه سلك البوجي وصفاي البنزين غيرها وتأكد إن البنزين يوصل بكميه كافيه للكربريتر أحيان يكون في لي منقطع على خفيف ومسوي تنسيم ويسويلك قلق مثل ماصار معي في باترول

[حمزةعبدالمطلب]

اخوي يزيد اول شئ زبط الكلربريتر الحلاب او البزبوز عندك مايوصل بنزين جيدآ لمن تدعس بنزين مايحضر بنزين كفاية فلذلك تطفي قم بوزن الديلكو علشان تروح الطرقعة
تختبرة افتح القربة اللي فوق الكلربرتر وادعس بنزين وشوف فيه بنزين من البزبوز يطلع او ينزل بنزين كثير او لا قم بفك الغطاء ونظف البزبوز بسلك الحدادة او فرشاة حديد

[MSAN]

ا الطريقة الوحيدة اللي اخليه يمشي ان ادعس و افك الدعسه بسرعه بشكل متكرر الين اوصل بر الامان ولكن ما يتعدى سرعه ٢٠ كم/ساعه



هلا بك.. هذي أعراض زيادة في البانزين أو نقص في الشرارة


بالتوفيق

[Yazeed H]

السلام عليكم

بما ان موتري الثاني دخلته الوكالة و مطول كم يوم اليوم قلت خلني اشوف نهايتها مع الموتر الخربان

شغلت السيارة وجلست ادعس الين احسها بتطفي ولكن واصلت الدعسه والموتر صار يقطع وكأنه بيطفي ولا رفعت الدعسه لمده ٥ دقايق

المكينة صارت تمام فجأه !!!

صحيح اثناء الوقوف فيها تفه واهتزاز بسييييط ولكن مشكيت عليها مشوار طويل و شغاله تماام !

ثالث مره تصير نفس المشكلة و ترجع تتصلح من نفسها و المشكلة اذا صارت و انا في البر او مكان بعيد وش الحل ابي اتطمن لا تصير مره ثانية وانا في مكان بعيد


اسف على الإطاله و اشكر كل من رد علي و اعطاني اي معلومه

[ثلاث بيالتين]

حبيب قلبي
اسلاك البواجي
والكويل الموصل

هل غيرتهم كلهم ؟
اذا ما غيرتهم كلهم
غيرهم وبتنحل المشكله

وياليت تعطينا وشلون بدت معك المشكله من الاساسا
هل فجأه طلعت او بعد تغيير شي معين ...