ابي عزبه

[ربوشي]

السلام عليكم ابي عزبه جاهزه وين القاها تكفون او الزم اشتري عزبه لحالها بدون شي واعبي فيها انا من الرياض

[بن جلاجل]

ما يبيلها خبير رح لمحلات الرحلات

[ضلع سلع]

شوف اخوي افضل شي انت تجهز عزبتك بنفسك . لانك انت الوحيد اللي عارف احتياجك ، وبعد تعرف المقاسات اللي تناسبك ومع كثرة الكشتات تبين احتياجك للأشياء والنقص بالعزبه .
الاهم لا تسترخص بالعزبه وخذ الاصلي او اللي صناعة ممتازه .

[ابورايف]

السلام عليكم ابي عزبه جاهزه وين القاها تكفون او الزم اشتري عزبه لحالها بدون شي واعبي فيها انا من الرياض


كما تفضلت تاخد العزبه من محلات الرحلات الحجم الي يناسبك
والمعاميل من محلات الأواني

[خالد الخطير]

اولاً / لا تشتري عزبة جاهزه ، قل لي ليييه ؟!

الجواب / لانهم يحطون لك على مزاجهم اشياء لا تستفيد منها وجودتها متدنية !!

ثانياً / اشتر العزبة على مزاجك انت فقط ، قل لي ليييه ؟!

الجواب / لانك بتشتري اشياء اصلية وتدوم معاك سنوات !!

ثالثاً / نوع العزبة ، فانصحك بشنطتين متوسطة المقاس ، قل لي ليييه ؟!

الجواب / علشان تكون مرتب و منظم ، والعزبة الواحده حوسه وقروشة !! يعني لو تبي شي معين لازم تنفظ العزبة الكاملة علشان تطلع منها الي انت تبيه ، بالاضافة انك تبي مكشات خفيف قهوه وشاي وسواليف فهنا يكون عندك عزبة حوسه و الدنيا مختبصه !!

رابعاً / راح نساعدك بالاختيار لكل عزبتك باسماء المحلات اختصاراً لك ، قل لي ليييه ؟!

الجواب / لاننا خسرنا قبلك ، و اكلناها مفلفله على اشياء ماكنا بحاجتها ، ولكن كل شخص في البداية تكون خبرته بسيطة جداً وقد يكون صيد سهل للمحلات ، وبالتالي تدخل في دوامة اكمال العزبة

خامساً / خذ بالاعتبار لن تكتمل العزبة مهما عملت ، قل لي ليييه ؟!

الجواب / لان الكمال لله سبحانه فقط ، ولكن حاول تكمل الشئ الضروري و الي تدعو له الحاجه و تستفيد منه ، لاننا تعبنا نشتري و نغير ونعبي المستودعات

اخيراً / اتمنى ماطفشتك بـ ( قل لي ليييه ) :D بس من المحبه لك نبي لك الزين بدون خسارة ، ولي عودة لك ان شاء الله لترتيب العزبه معك :)

[ربوشي]

الله يعطيكم العافيه وجزاكم الله خيرولي رجعه معك ياقل ليه هههههههه حياك باي وقت والخاص مفتوح لك وللرجاجيل مثلكم وشرواكم

[CoAsT BoY]

خذلك شنطة + صحن رز كبير صحون مقاس 30 سم + صحن مقاس 20 + صحون سلطاات + سكين لحم + سكين سلطات + صفايةة لغسيل الرز + قدر رز + قدر صغير للبيض المسلوق +طاوه للشكشوشه + ملعقة طبخ خشبية + ملعقة لغرف الرز + ملعقة طعام + ملعقة شاي + علب للسكر والشاهي والبن والهيل والزيت خذ علبة موية ابو نص ريال+ طاسه لغسل الرز + طاسه أم غطاء للعجينة + دافور مقاس 10 رطل + ملقاط + اعواد ثقاب قديمك نديمك

[فارس الكلمه]

والله الأفضل تعبي عزبتك أنت
البعض يحتاج قدور والبعض مايحتاج .. وهكذا
وترى الزين طيب بيطول معك وترتاح

[محمد ابن عيد]

..
حياك الله ي الغالي
فيه ب الـرمايه عزبه كامله باغراضها
و فيه انك تشتـري عزبه و تعبيها ب نفسك
و الله ييسـر آمرك

[فهد33]

[QUOTE=ضلع سلع;10190412]
شوف اخوي افضل شي انت تجهز عزبتك بنفسك . لانك انت الوحيد اللي عارف احتياجك ، وبعد تعرف المقاسات اللي تناسبك ومع كثرة الكشتات تبين احتياجك للأشياء والنقص بالعزبه .




الاهم لا تسترخص بالعزبه وخذ الاصلي او اللي صناعة ممتازه .
ياخوي وين يجهز عزبته بنفسه الحين يقول لك وين القاها وهو بالرياض الرجال شكله جديد على المواضيع هذي ويمكن تلقاه مايعرف يصلح شاهي الله يهديك الليلة الظلماء بينه من عشاها هههههه
إلا شف وأنا خوك يالحبيب رح لأي محل مكشات رحلات محطات تبي تحصل عزبة كاملة انبغيت للطبخ لقيت وإن بغيت للقهوه مثل والله يعينك انتبه بس لا ينفجر بك الغاز تراه خطر شب بحطب ازين لك :):D


تراي أتغشمر معاك :D

والأخ خالد الخطير فعلاً خطير خذ بالك منه .. ماقصر عطاكياها من طقطق الى سلام عليكم بس يبيلك تطبعها وتروح للمحلات وتقراها عليهم :D وأبشر بسعدك
وفيه نقطة إذا بغيت تروح تكشت يعني وجمعت كل أغراضك وحددت المكان عطنا خبر نبي نمر عليك نتقهوى قهوة بس قهوة ونضحك معك ونشوف شغلك :D
سلام ,,

[الوافي.]

اول شي خذ الشنطة
بعدين رح للبيت وخذ اللي ما يبونه من فناجيل وبيالات وصحون وقدور ودله وليفة وملاعق
وكمل الباقي من السوق
المهم اذا اخذت اللي بالبيت اكتبهن هنا وان شاء الله نساعدك بإكمال الباقي

قبل كل شي انت تبي العزبة للطبخ والنفخ او بس للقهوة والشاهي
وكم عدد ربعك اللي يطلعون معك بالعادة

[فارس الكلمه]

اولاً / لا تشتري عزبة جاهزه ، قل لي ليييه ؟!

الجواب / لانهم يحطون لك على مزاجهم اشياء لا تستفيد منها وجودتها متدنية !!

ثانياً / اشتر العزبة على مزاجك انت فقط ، قل لي ليييه ؟!

الجواب / لانك بتشتري اشياء اصلية وتدوم معاك سنوات !!

ثالثاً / نوع العزبة ، فانصحك بشنطتين متوسطة المقاس ، قل لي ليييه ؟!

الجواب / علشان تكون مرتب و منظم ، والعزبة الواحده حوسه وقروشة !! يعني لو تبي شي معين لازم تنفظ العزبة الكاملة علشان تطلع منها الي انت تبيه ، بالاضافة انك تبي مكشات خفيف قهوه وشاي وسواليف فهنا يكون عندك عزبة حوسه و الدنيا مختبصه !!

رابعاً / راح نساعدك بالاختيار لكل عزبتك باسماء المحلات اختصاراً لك ، قل لي ليييه ؟!

الجواب / لاننا خسرنا قبلك ، و اكلناها مفلفله على اشياء ماكنا بحاجتها ، ولكن كل شخص في البداية تكون خبرته بسيطة جداً وقد يكون صيد سهل للمحلات ، وبالتالي تدخل في دوامة اكمال العزبة

خامساً / خذ بالاعتبار لن تكتمل العزبة مهما عملت ، قل لي ليييه ؟!

الجواب / لان الكمال لله سبحانه فقط ، ولكن حاول تكمل الشئ الضروري و الي تدعو له الحاجه و تستفيد منه ، لاننا تعبنا نشتري و نغير ونعبي المستودعات

اخيراً / اتمنى ماطفشتك بـ ( قل لي ليييه ) :D بس من المحبه لك نبي لك الزين بدون خسارة ، ولي عودة لك ان شاء الله لترتيب العزبه معك :)

لك عوده ( قل لي ليه ) ؟
علشان تقول ليه :D:good2:

[أبو يحيى.محمد]

طلبك موجود

مفاجئة الموسم .. ((( عزبة المسافر ))) .. بالصور والتفاصيل

http://www.mekshat.com/vb/showthread.php?t=619565

----------------------------

((( عزبة السياحة ))) .. خفيفة وصغيرة .. بالصور والتفاصيل

http://www.mekshat.com/vb/showthread.php?t=638231

----------------------------

(((( عزبة الربيع ))) ... لعشاق الشاي

http://www.mekshat.com/vb/showthread.php?t=647893

[J00Ry]

احسن شي تجهزها انت عشانك تعرف وش ينقصك من اغراض ووو وغير كذا ارخص لك

[الشكري1]

عندي وحده مقاسها وسط ممتازة وجودة عالية للبيع

[ربوشي]

واخيرا شريت وحده فاضيه وابي فزعتكم بعبي الاغراض فيها الله يعطيكم العافية وماقصرتو طبعا العزبه للطبخ فقط لان عندي عزبة الشاهي والقهوه

[راكد القناصه]

لا تشتري عزبة جاهزه