مشاهدة النسخة كاملة : كشتاتـt
ماجد المنيع
02/12/2006, 12:50 PM
بسم الله الرحمن الرحيم
الحمد لله .. على الخير والأمطار غسلت قلوب الناس قبل أراضيهم وديارهم
أنا قررت أني أكشت هالسنة أكثر من السنوات السابقة
الجو يساعد
والأمطار تشجع
وأيضاً ابحاول أنزل تقرير لكل كشتة من كشتاتــT
وأخليكم مع الكشتة الأولى
الخميس 10/11/1427 هـ
http://t7mel.net/uploads/d3d462b28b.jpg
الموتر توصخ قبل لا نمشي
صح أني منيب ماخذه معي
بس طريق استراحتنا في شقراء كان مطين
الله يرزقنا زفلت ونفتك
http://t7mel.net/uploads/fe4b069237.jpg
تحركنا بعد ما طلعت الشمس مباشرة
وأول شي سويناه بعد القهوة
عبينا التوانك ماء
http://t7mel.net/uploads/1bc47d8e07.jpg
همن رحنا تقضينا
وخذنا دقيق بر
وحنيني < ----- رجعنا ما ذقناه
وشابورة
ومن كل نعمة الله لا يغير علينا
http://t7mel.net/uploads/8edd4772e0.jpg
بما أننا في بداية موسم الكشتات
قرر أخوي أنه يلغي فكرة الدوافير
ويستبدلها بدبة غاز أصرف
http://t7mel.net/uploads/7fd4f1022d.jpg
بعد ما مسكنا خط المستوي
كان الجو ممتاز
الغيوم منظرها خيالي
ماجد المنيع
02/12/2006, 12:53 PM
http://t7mel.net/uploads/3bf05cb5b2.jpg
وعبنا التوانك بنزين
بس وحنا نعبي جانا شباب معهم كراسيدا اكس ال مطيحه
قالوا وين الداهنه
قلنا انتم فيها الحين
قالوا : طيب هي ما فيها بر ؟!!
قلنا : والله ما ندري ؟ ( مدري وش تقول لها النوعية )
http://t7mel.net/uploads/9e25753c1d.jpg
موتر أخوي
قولوا ما شاء الله تبارك الله
على طعوس الفروثي
الا على طاري الفروثي وش رايكم بالاسم تحس أنه زكرتي
يصلح اسم ماركه
http://t7mel.net/uploads/688281b920.jpg
عندي تقليد
قبل لا أروح للبر لازم اطق لي لوح ككاو
ما لقيت قلت أتعبر بكندر < --- ولد نعمه
طبعا السبب لان الككاو تمسك البطن
http://t7mel.net/uploads/b5642d78d5.jpg
ما شاء الله الارض رويانه
الله لا يغيرها من نعمة
http://t7mel.net/uploads/6371822524.jpg
هذا الموتر الي أنا راكب فيه
عاد قولوا ما شاء الله تبارك الله
ماجد المنيع
02/12/2006, 12:55 PM
http://t7mel.net/uploads/2903cc09e0.jpg
ليش ما قلتوا ما شاء الله
هذانا غرزنا ونحتاج ننسم للموتر شوي
http://t7mel.net/uploads/553b0560bb.jpg
ما يهم اذا كان كل الي حولك حجارة
أنت تستطيع أن تكون شجرة مثمرة
http://t7mel.net/uploads/4cfdc63b2b.jpg
انتبهوا للبعارين
تراهم بدوا يتنقلون ويلاحقون المراعي
الله يستر
http://t7mel.net/uploads/7cf2e2fa44.jpg
قعران بصراويل ذهبية
ستايل جديد
خخخخخخخخـ
http://t7mel.net/uploads/64764010f4.jpg
لا تفوتكم اللمعة
http://t7mel.net/uploads/70f7cb0e1e.jpg
الصروال الذهبي
مو شكله جميل بس
لا وعملي كمان < ---- خخخ دعايات
ماجد المنيع
02/12/2006, 12:59 PM
http://t7mel.net/uploads/b908620752.jpg
هنا استقرينا بعد ما مرينا على شعبان وأودية شقراء
اخترنا وادي ( شعيب ) الخويش الشمالي
http://t7mel.net/uploads/878ed82797.jpg
الشعيب كان فيه مناقع بس مهيب كثيرة
السبب نوعية الأرض الرملية
http://t7mel.net/uploads/8ba3106ae5.jpg
يا ما حلا الفنجال مع سيحة البال
ابو ريان يدق القهوة بالنجر
http://t7mel.net/uploads/8dacc6d214.jpg
وهذي النتيجة
شغل نظيف يابو ريان
http://t7mel.net/uploads/5da67f390b.jpg
كلما رفعت راسي
أشوف هالمنظر الجميل
ماجد المنيع
02/12/2006, 01:02 PM
http://t7mel.net/uploads/7cbfe9202c.jpg
لاننا ما استقرينا في هالمكان الا حول الـساعة حدعش
قالوا أجل مهنا فطور وخلونا نسعى في الغدا
ولان الناس كلهم كاشتين
ما لقينا دجاج مبرد
وزي ما تشوفون المجمد يبيله تذويب
http://t7mel.net/uploads/3d8815630b.jpg
تقطيع الدجاج
وش رايكم بالقاطاعة ؟؟ شيك وتهوس .. مو؟
http://t7mel.net/uploads/e2d3d8dbd6.jpg
بعد التقطيع ونزع الجلد
ننطل الدجاج في الدزدر ( القدر) زي مانتم شايفين
طبعا فوق الكشنة
http://t7mel.net/uploads/2638c1d83a.jpg
وبالهنا والشفاء
بس ناقصنا ببسي
http://t7mel.net/uploads/172151985b.jpg
وعقب الغدا سواليف
وتقهوي
وسعة صدر
ما درينا الا والشمس تقول استأذن ابروح يا شباب
قلنا لها وييييييين ؟؟!! تونا بدري
قالت معليش اجيكم باتسر باذن الله
عاد ما حبينا نلزم ونحلف عليها وقلنا اكرام النفس هواها
http://t7mel.net/uploads/8ccebe43ad.jpg
حتى السحاب في الشرق حزين على فراق الشمس
ماجد المنيع
02/12/2006, 01:03 PM
http://t7mel.net/uploads/375dc651ff.jpg
عاد دامها تبيتجي باتسر وشوله الحزن
شب النار يا شباباها
وخلنا نسولف ونستانس بس
http://t7mel.net/uploads/f593cb6da2.jpg
تذكرون يوم اقولكم اننا شارين دقيق بر
هذا ابو شهد يعجن لنا عجينة
ووافقت أنها صارت مصابيب
http://t7mel.net/uploads/436c51808f.jpg
وبدى الشغل النظيف
http://t7mel.net/uploads/0b72901f58.jpg
وأكلنا البان كيك البري
وكان حاقه اورجينال خالص
سلمت يدينك
عدسة : ماجد المنيع
عاد أنا هنا وصلت لنهاية كشتتي الأولى لهذا الموسم
أتمنى تكونوا استمتعتم معي فيها
وإذا فيه أي ملاحظات أو طلبات للكشتة القادمة
عطونا رايكم
اذا الصور طويلة ومملة نقصرها
اذا التعليقات ثقيلة دم نشيلها
اذا الاطار مهو زين نغير ابوه بعد
بس لا تنسونا بدعوة في ظهر الغيب
اشكر لكم مشاركتنا هنا
والى لقاء قادم
محبكم
ماجد المنيع
خيال الغلبا
02/12/2006, 01:05 PM
احلى شي قولة الشباب عن الداهنه
هي مافيها بر
ماجد المنيع
02/12/2006, 01:11 PM
شكلي موضوعي بينحذف :(
بعد ما قريت الشروط لقيت اني حايس الدنيا
انا اعتذر وبالامكان حذف الموضوع
واذا فيه مكان اقدر انزل فيه تقرير كشته مثل هالموضوع ياليت تدلوني عليه
واعتذر مرة ثانية
متفائل
02/12/2006, 01:51 PM
السلام عليكم
ماشاء الله تبارك الله على الصور الرائعه
والتعليق الأروع
لاتحرمنا تكفى من تقاريرك واخراجك الرائع
وليه ينحذف حرام ؟؟؟ بالعكس شيء جميل
بأسألك احي الكريم ماجد :
ماهي نوع الكاميرا المستخدمه ؟؟؟ ماشاء الله
وياليت تعلمنا الوضع الي استخدمته في التصوير اوتو ولا يدوي ؟؟؟
اما هذي الصوره ماشاء الله تبارك الله لوحة فنية رائعه
http://t7mel.net/uploads/6371822524.jpg
(محمد العبري)
02/12/2006, 02:06 PM
أوخوي الغالي ماجد
موضوع جميل وصور رائعة وتعليقات طريفة جداً امتعتنا بها
لك تحياتي وننتظر رحلتك القادمة
النحاسي
02/12/2006, 03:02 PM
ماشاء الله يا غالي...
ابدعت ورحلة ممتعة وتوقيت مناسب
مشاء الله الحقيقة صور ماعليها كلام...
ولله طلعة رايقة جداً...
والتصوير منك رائع يا غالي
واعجبتني(جداً) الكثير من الصور ..
شكرا لك..
قسوره2006
02/12/2006, 03:17 PM
ما شاء الله على هذه الصور الطيبه وجزاك الله خير على المجهود الرائع
وننتظر منك المزيد
وشكر متواصل للجميع
مسافر1
02/12/2006, 03:37 PM
أخي ماجد .. سلمك الله .
تشكر على هذا التقرير المفصل والموثق توثيق كامل ..
حقيقة طريقة جميلة .. صور رائعة ..
نتمنى لك كل توفيق .
المرقاب
02/12/2006, 03:42 PM
ماشاءالله تبارك الله
الله يسعدكم دنيا وآخرة
يعطيك العافية اخوي ماجد
اشهد بالله انك رااااااايق وشكل الطلعة معك ماتنمل
شغل مرتب على الاخر
تكفى تسثر لنا من هالمواضيع
صخب
ابوريما
02/12/2006, 05:00 PM
يا سلام عليك وعلى تقريرك الرائع والمبدع فيه والله جميل جدا جدا (( لامن تصويرك ولامن العبارات الرئعة )) اتمنى لك التوفيق والسداد في رحلاتك القادمة إن شاء الله
بس عندي سؤال واحد فقط // ماهي كمرتك الرائعة ؟
الهلالي
02/12/2006, 06:22 PM
رائع ياكبتن ماجد وتقرير وافي وتصوير رائع بارك الله فيك وننتظر الرحلة الثانية .
فل اوبشن
02/12/2006, 06:36 PM
هههههههه ماجد والله انك فله تصير صديقي على العموم امتعتنا بالرحله الحلوه
والتصوير الرائع والتعليق المرح تحياتي لك ولربعك اللي خاووك ..
حمد الذكي
02/12/2006, 07:32 PM
تبي الصدق اول ما شفت اسمك استانست
كنت اتابعك في احد القروبات البريدية
تصويرك رائع
وتقريرك حلو
عندي سؤال وش نوعية الرز ووشلون خليته اصفر؟
مشعل_1001
02/12/2006, 08:03 PM
مشكور علي الصور الجميلة وخصوصا النملة ام سروال ذهبي صراحة صور حلوه وقرصان حلوة وناااااااااااااسة وماشاء اللة علي التيوتاء سيارتك . الله يعطيك العافية بس نبي الكاميرا المستعملة في التصوير
al - wadhe7
02/12/2006, 09:54 PM
الله يعطيك العافية
..
صور جميلة + تعليقات أجمل = موضوع متكامل جميل .
تكفى كثّر لنا من ها الكشتات ووسع صدورنا .
تحياتي :
الــواضــح
جت كذا
03/12/2006, 01:57 AM
بعد هالصور ما شاء الله عساني اكمل دوام هالأسبوع
يعطيك العافيه مع تمنياتي لك بمزيداً من الكشتات الممطره.
ماجد المنيع
03/12/2006, 05:54 AM
ما شاء الله
اشكركم والله على هالتفاعل الرائع
وردودكم الجميلة والغالية على قلبي
ان شاء الله ابشروا بكل جديد
وللي سألوا عن الكاميرا
هي Nikon D50
والحائزة على أفضل كاميرا للمبتدئين عام 2006
سعرها حاليا 3400 تقريبا + حقيبة + كرت ذاكرة 2 قيقا
الصور أغلبها اخذت في وضع الاتو
وهذا بسبب أنها رحلة وسعت صدر
ما لنا في الكلافات الواجد
وشكرا :)
ع.ف.الدرويش
03/12/2006, 07:22 AM
السلام عليكم ورحمة الله وبركاته
أخوي ماجد.. صبحك الله بالخير
بدايةً حياك الله أخو جديد لنا في هالساحة الطيبة
يليه..موضوعك رائع جداً
ما أقول إلا بارك الله فيك
وبإنتظـار كل جديد منك
أخوك..(أبو فهــد)
هواوي
03/12/2006, 07:50 AM
تقرير رائع ومميز وجميل جدا
ننتظر المزيد وخاصه اننا لازلنا في بدايه الموسم وتصويرك يشجع والجو والمناظر تشجع
تسلم ايدك على حرف و كتبته وعلى كل صوره صورتها
((( الحر)))
03/12/2006, 10:53 AM
وش ارد وش اكتب في ردي ... لا ومن زين الامور تقول احذفوه. هاها ذى بعدك فيه منتدى يحصل مثل هالصور والتعليقات ويحذف الموضوع.
نبدا بسم الله:
الحمد لله .. على الخير والأمطار غسلت قلوب الناس قبل أراضيهم وديارهم
كلمات رائعة ومعانيها كبيره ماشاء الله.
بس طريق استراحتنا في شقراء كان مطين
الله يرزقنا زفلت ونفتك
ترى مامعنا احد بوزارة المواصلات.
بس وحنا نعبي جانا شباب معهم كراسيدا اكس ال مطيحه
قالوا وين الداهنه
قلنا انتم فيها الحين
قالوا : طيب هي ما فيها بر ؟!!
ماتفوت شي كل شي تنقله..لكن حلو فيها بر واحلى منها مطيحه:)
يصلح اسم ماركه
شكلك عند محل ملابس جاهزه;)
طبعا السبب لان الككاو تمسك البطن
في اي موسوعه طبيه... يادختور:)
هذانا غرزنا ونحتاج ننسم
تحتاجون بلف وابرته ;)
ما يهم اذا كان كل الي حولك حجارة
أنت تستطيع أن تكون شجرة مثمرة
في اي موقع من الاعراب:(
اما هالقعران الله عجيبه سبحان الله...لكن التنوره الي على القعرانه الاخيره روعه.
كلما رفعت راسي
أشوف هالمنظر الجميل
ماشاء الله اجل كل الطلعه وانت رافع راسك...يحقلك سعودي:p
(ننطل) الدجاج في الدزدر
كم الي يسون الغداء...لكن احلى مافي الغداء البصل..
بس ناقصنا ببسي
انا قايلك انت كل شي تعلم فيه
ما درينا الا والشمس تقول استأذن ابروح يا شباب
قلنا لها وييييييين ؟؟!! تونا بدري
قالت معليش اجيكم باتسر باذن الله
عاد ما حبينا نلزم ونحلف عليها وقلنا اكرام النفس هواها
:no2:
وأكلنا البان كيك البري
وكان حاقه اورجينال خالص
الله مافهمتها
***********
اخوي خالد اسعد الله ايامك على هذه الصور الرائعة والتعليقات الساخره والمضحكه.
لك كل الشكر والتقدير ونتظر رحلات وكشتات مثل هذا ... وبنفس الاسلوب.
وافر واغلا واحلا تحيه.
جبل دامغ
03/12/2006, 01:15 PM
أخوي ماجد المنيع ....
كتبت فأبدعت ...:cool:
وصورت فأتقنت ...:good2:
وعلقت فأضحكت ... :D
فلا تحرمنا من ما أعطيت . :type:
ابو تركيr
03/12/2006, 01:59 PM
صور رائعة الله لايغير عليكم
وننتظر الطلعة الثانية إنشاء الله
طخيمان
03/12/2006, 03:05 PM
هلا والله ماجد كيف الحال عساك بخير
والله صور رائعة جدا جددا ولا تحرمنا من جديدك تكفى (سهود و مهود):D :p :)
أكيد عرفتني...
الشقردي
03/12/2006, 03:09 PM
يامال العافية
مشرفنا الحر يقول خالد لا ماهوب اسمه خالد هذا ماجد
وان ما خاب ظني فان اخوه اسمه خالد راعي السدو, صحيحي؟
قل له يسلم عليك الشقردي كثير السلام ووينه ما سجل معنى بمكشات؟
الاداري
03/12/2006, 04:19 PM
طلعه روووعه
ما شاء الله تبارك الله
عبدالله العمير
03/12/2006, 05:11 PM
السلام عليكم
ماشالله تبارك الله
الف مبروك علينا تواجد هذا المبدع
في التصوير الجميل والسرد اللطيف والتعليق الخفيف على القلب
الحقيقة اتحفتنى بموضوع وتقرير وصور رائعة
الحقيقة استفدنا منك الكثير في موضوعك
ومن محبة عندي ملاحظة لكي تكون لوحتك القادمة اروع
اتمنى ان يكون شرح الصورة فوقها
حفضك الله ورعاك وجزاك الله خير الجزاء
ماجد المنيع
04/12/2006, 05:46 AM
مشكورين اخواني لى هالردود
ابو الطواري <---- أجل أنت فيذا بعد :)
================
الازرق
مشكور يا اخوي على اقتراحك
وفعلا كانت العادة اني احط الشرح فوق
بس هالمرة قلنا نغير جو
:")
قناص الحبارى
04/12/2006, 06:05 AM
السلام عليكم
ماشاء الله تبارك الله على الصور الرائعه
والتعليق الأروع
لاتحرمنا تكفى من تقاريرك واخراجك الرائع
وليه ينحذف حرام ؟؟؟ بالعكس شيء جميل
الظلماوي
13/12/2006, 09:40 PM
الخ ماجد اشكرك على الموضوع المميز وسلملى على الشقردي راعي الفيراني
اخونوره
14/12/2006, 02:18 AM
ما شاء الله عليكم
كثر من الطلعات والتقارير السنعه
بس كل شي الا كندر لأنه دنمركي
هلا والله ماجد
منور مكشات يالغالي
موضوع مميز
وطرح جميل
ولا تحرمنا جديدك
ننتظر تقاريرك القادمة
برق تميم
14/12/2006, 08:40 AM
ما شاء صور رائعه اخوي ماجد الله يوفقكم ويحفظنا واياكم
يا ليت كانت الصور بدون ايطار ولا شي كذ على طبيعتها
زباير السليع
14/12/2006, 12:25 PM
ماجد ليش أبو شهد مهوب أبو عبدالله----وبعدين اللي بيطلع للبر يختار هرفي مهوب كاكاو ودجاج مجمد----أمزح معك كل نفس وما اشتهت
اسعدك الله في الدنيا والآخرة
AbuAnas
14/12/2006, 01:01 PM
تقرير مفصّل .. صور رائعة.. تعليقات ظريفة..
جزاك الله خير أخوي ماجد..
أبوأنس
كشاتي
14/12/2006, 01:14 PM
السلام عليكم ورحمة الله وبركاته جميعا ...
الاخ ماجد ...
باختصار .... ابدااااااااااااااع ....
وفق الله الجميع
رسلان
15/12/2006, 07:24 AM
موضوع جميل ... صور رااائعة ... تعليقات طريفة لطيفة ...
عافاكم الله أخي : ماجد المنيع ...
على الموضوع الجميل ...
جهد راااائع تشكرون عليه ...
وبما أن الموضوع من الأوائل اسمحلي أخي بملاحظة على حجم الصور ومكان التحميل ...
فمتصفحي الدايل أب - وهم الغالب - يعانون من الصور الضخمة (صوركم تتجاوز 200 كيلو ) ...
والأفضل تحميلها على موقع مكشات : http://www.mekshat.com/vb/images/editor/pix-t.gif (http://www.mekshat.com/pix/upload/test.htm)http://www.mekshat.com/vb/images/editor/separator.gifمع العلم بأن الحجم الأعلى للصورة 80 كيلو وهو حجم مناسب جداً للصور الجيدة ...
بورك فيكم وفي جهودكم ...
مهراس
15/12/2006, 11:29 AM
السلام عليكم ورحمة الله وبركاته
ماجد المنيع انت مثل اللاعب الموهوب كل الأنديه تجري وراه، لا وشايف لعبك ما هو على مستوى، نعم تواضع وقناعه الله يجعلنا من أهلها، كنت اود ان اسالك وحصلت الاجابه في ردك للأخوان، فعلا تقرير مميز وسرد رائع ملىء بالظرافه وزينتها الصور الجميله، الله يزيدك من راحة البال، واتمنى اشوف لك موضوع كشته احسن من هذي، تقبل تحياتي،
أبو فهد
راعي الكيف
15/12/2006, 01:28 PM
لاتعبت يالغالي ..
صور رائعة بالفعل ... والتقاط اروع ... صراحة ... سلم لي على موتر اخوك الشاص ... إكككة !!
ماشاء الله تبارك الرحمن ... نازلن من فوق النفد ... يومي تقل ملك ... عسى الله يبارك لاخوك فيه يارب ...
في انتظار تقاريرك القادمة بلهف وشوق ... وكللللشن تمام ... بس انت اسدح التقرير الثاني وما عليك
يعطيك العوافي
نيتروجين xp
15/12/2006, 02:55 PM
ما شاء الله تبارك الله . . .
روعـــــــة X روعـــــــة
صور وتقرير وترتيب أحلى وأحلى . . .
وأكيد نبغى كل رحلاتك القادمة على مكشات فلا تحرمنا منها . .
أخيراً . . تقبل أجمل و أرق التحايا . . .
المجتهد . .
ابـ معزي ـو
15/12/2006, 03:09 PM
الله يعطيك العافيه
ماشاء الله رحله رائعه
وننتظر جديدك
قرم البر
11/07/2008, 02:07 AM
الله يعطيك الف عافيه على هالتقرير الصراحه انه خيال مشاالله
خالد15
09/08/2008, 02:13 AM
رحلة طيبه وصور روعه
بس ودي أعرف وين جهزت الموتر فيه لو ماعليك أمر
محمد الرويس
09/08/2008, 02:21 AM
ماشالله
الله يرزقنا بالمطر
الخادم
11/08/2008, 04:59 PM
الله يعطيك العافية
عنبري
11/08/2008, 05:28 PM
ماشاء الله........رحله طيبه
الله يرزقنا بالامطار
شنكارuae
13/08/2008, 10:42 PM
الله يرزقنا ويا كم المطر رحله طيبه
اول 111
14/08/2008, 07:35 PM
مشكووووووووووووووووووووووووووووووووووووووووووووووو وووور
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir