8000 ريال فقط

[ذيب المراجل]

السلام عليكم ورحمة الله وبركاته

يا أخوان أنا وضعت ميزانية 8000 ريال .. لشوزن أم خمس

هل القى بها القيمه ... وش تنصحوني فيه ؟

ولكم الشكر والتقدير

[ابو قاطع]

ان شاء الله تحصل ستوقر صناعة تركيه

[ذيب المراجل]

ان شاء الله تحصل ستوقر صناعة تركيه


ابو قاطع
جزاك الله خير

بإنتظار البقية

[دكتور زمانه]

والله أشوف ربعي معهم ستوقر 2000 ويمدحونها
وكذلك ارتمس بس انها اغلى من الاستوقر
او تاخذ لك بيكال روسية نظيفة بس ممكن تلقاها بأغلى
تبي شوري والراي لك خذ لك ام حبة امريكية نظيفة وريح بالك
كد ومد بتلقها من 4000 إلى 5000 تزيد او تنقص حسب النظافة
وبتلاقي أنواع حلوة تركبها على كعبها بحيث يقلل ندفها من 100 - 200 ريال انتبه تاخذ ابو 15 ريال . انا لي كم سنة بهذي الطريقة وربنا ولك الحمد . موفق خير

[ابوصالح3]

وانا من راي اخوي دكتور زمانه ,,خذ ام وحده ,,اقتصادية بالفشق ,,سعرها رخيص

ماعاد فيه صيد يسوى ,, بندقي من 30 سنه او اكثر ,,اشتريت انواع من ام خمس ولازالت هي عندي

ظايفها بكرت العايلة ,,

[ذيب المراجل]

الغالين دكتور زمانه . وأبوصالح
ماقصرتوا وبإذن الله رايح امشي بنصيحتكم
بس السؤال وين القى القطع الي تخفف ( الندف ) .. انتم عارفين اني الأمريكية من عيوبها الندف

[محمد ابن عيد]

..
حياك الله ي الغالي
آرتمس تـركيه اطيب التـركيات
مع ان الاسعار الحين قابه
لقـرب الموسم
الا اذا كنت تعـرف واحد قرم
يبيعلك برضا و سمح

[المتلولس]

مثل ماقالو الاخوان مالك الا التركيات بالقيمة هذي او زودها الفين وخذلك بيكال موفق خير

[فتى آلصفرآت]

يا رجال خذلك ام حبة زي ما قالو اخواني دكتور زمانه و ابو صالح خذلك ستفنز ام سيلان ما فيه صيد زي اول يستاهل ام خمس

[أبـو مـدمـر]

خذ لك ام حبه أنقليزيه أوم 7 اوبر تراهن مشببات في الصيد وندفها موب ذاك القوه وانا معي حقة جدي ومعي بيكال والله اني اخذها واترك البيكال استمتع برميها اكثر من البيكال ولافيه صيد يحمل انك تحط ازود من الـ 10 في سلاح

[ا ل ح]

ام حبه ممتازه لكن اذا تبي ترمي طيور مثل الجرجس و القطا هذي دواها عند ام خمس واذا الدعوه قميري وعلئ شاكلتها عندك ام وحده والله يهي تسوق سوق غير طبيعي بس الله يعينك علئ الندف مع العلم انها بتوفر عليك فشق انا استخدمها و عليها كعب اسود عليه شعار برتا ممتاز جدا