اباخذ سيارة تاجير منتهي بالتمليك

[رسااااوي3]

السلام عليكم ورحمة الله وبركاته
اباخذ سيارة تاجير منتهي بالتمليك
بس ابي سيارة دارجه بالسوق بحيث لو بغيت اتنازل عنها تروح ماتقعد بكبدي
مع اني احافظ عل الموتر
وش تنصحون به
وشكرا سلفا

[محمد1415]

اولا انصحك تبعد عن التاجير لانه به شبهه ولا فيه بركه


ثانيا الاف جي ومن ثم البرادو وبالتوفيق

[صقر العثمور]

وعليكم السلام ورحمة الله وبركاته وكما قال اخي محمد عليك بشي اسمه تايوتا مثل ال فجي والبرادو والجيب جي اكس ار بالتوفيق

[برق السر]

هلابك والله
يالغالي ابعد عن التمليك والله ماوراه خير نصيحه وحتي اذا جيت تبي تنازل عن الموتر وش الفايدة ؟
تقصد وتعب نفسك واخرتها ياحسره وش يصفيلك بس
والسيارات الدراجة في السوق الجيوب هي الافضل
وأبي اضرب لك مثال بسيط نفرض انك تبي تطلع من عبد اللطيف جميل
اول شي واللي يقهرك الدفعه الاولي اتوقع من 30000 وانت طالع اذا تبي القصد حول ال 3000 او اقل
حدود 2800 وإذا دفعت دفعه طيبة بيطلع القصد من ال2000 وفيها
واخرتها بتقصد وإذا جيت تبي الفكة منه راح تعرف انك ضيعت فلوسك و وقتك واخرتها خسران
والسيارة لا هي بسمك ولا شي
واغلب اللي ياخذون تأجير اخرتها يبون الفكة منه
انت لا تستعجل وفكر واستخر
وأنصحك وانا اخوك ابعد عن التأجير واخذلك سياره تمشي امورك لو ب 20000 واصلح
فيها الليل والنهار ولا اخذ تأجير
والله اعرف ناس كثير اخذو تأجير ولا اقتنعو بكلام الناس
واخرتها يقول راتبي مايجلس راتبي مافيه بركة ؟
ولا صاير عليه حادث والسيارة تشليح
والعلم عند الله ان التأجير حرام وابعد عنه يغنيك الله
والله يوفقك وانا اخوك وكل شي راجع لك انت وهذي نصيحه لو جة الله مابي غير دعوي منك
ابعد عن التمليك

[قرحوف]

انحش عنها لاتشب في راتبك بالحرام ودق على دار الافتاء يعلمونك

[عز الخوووي]

خير الكلام ماقل ودل
نصيحه لاتقرب التاجير منتهي بتمليك

http://youtu.be/w5XImnZgUak

[لامبالي]

مدام انك بتقصد
اشتري لك النترا
والله انها طيبه على الخط وراسيه
وللي عنده عائله صغيره تكفيه وزيادة
.
او كورلا ممتازه جدا