أسعار سوق الطيور !!

[شراع]

السلام عليكم ورحمة الله وبركاته

كيف الحال أن شاء الله طيبين

يالربع قبل كم يوم رحت لسوق الطيور بالرياض ادور لي طير واشوف الأسعار

وبصراحة انصدمة .. شيهانه جبلية قياسها 13 ب 3700 ماباع .. وتبي وﻻ أمسك الباب

شاري نفسها قبل سنتين او 3 ب 2000 !!

وبعدها أكتشفت أن سبب إرتفاع الأسعار هو

1- التشدد على التهريب من اليمن وهذا رفع أسعار الطيور الي تجي من الجنوب
2- أن السوق عندنا له زباين من أحد الدول المجاورة يجون ويأخذون شبات وطيور وﻻ يهمه السعر وهذا شفته بعيني

برايكم هل هذا الشي طبيعي أو الموضوع له أسباب في ارتفاع الأسعار بالشكل هذا

أتمنى من الجميع يشاركنا ويعطينا رأيه

[THE SNIPER H]

كل شيئ ارتفع سعره وليس الطيور فقط
الله المستعان

[محمدالشكره]

السلام عليكم
من قبل العام وهي مرتفعه اسعارها

[هم الشمالي]

طيب محد عنده علم هل وصل شي من الفروخ الحرار الكمل لسوق الرياض

[دولاار]

عليكم السلاام ورحمة الله
فعلآ اسعار الطيور كل سنه في زود
واتوقع ان السبب الرئيسي في ارتفاع الاسعار هو اقبال جميع الناس على الطيور

[Naif1]

السلام عليكم ورحمة الله وبركاته
كﻻم أخونا دوﻻار ميه في الميه
حسب علمي الطيور في الدول المجاورة كثير من عندنا

[قناص الدبدبة]

طيب محد عنده علم هل وصل شي من الفروخ الحرار الكمل لسوق الرياض


أخوي هم الشمالي امس كنت فالسوق وﻻ وصل شيء من فروخ الحرار
مافيه الا شياهين جبليات بمحل ابن منيس والدوسري

وارجوا اني افدتك :)

[هم الشمالي]

أخوي هم الشمالي امس كنت فالسوق وﻻ وصل شيء من فروخ الحرار
مافيه الا شياهين جبليات بمحل ابن منيس والدوسري

وارجوا اني افدتك :)

الله يعطيك العافيه وأشكرك على ردك لسؤالي وأن وصل شي لاتنسى عطنى خبر
وبالتوفيق للجميع والله يجعلها سنة خير على جميع المسلمين

[أبو محمد 201]

محصلت شي من الوكريات ومادري كم اسعارها

[ابرق الحرار]

مرحبا اخوي شراع نعم صحيح يوجد تشديد على المنافذ ولكن تعال عندنا بجده ولله الحمد الاسعار معقوله جدا تتراوح من 2500 الى 3500 ريال بالنسبة للجبليات الفروخ وبالنسبة للوكاى من 3000 الى 5000 ريال يقام عليها مزادات سنويا تابع مكشات خيمة البيع والشراء يوجد تنزيل اعلانات بالاحداثيات وشاكر وقدر